ಮಾಗಡಿ ಪುರಸಭೆ ಮುಖ್ಯಾಧಿಕಾರಿಗೆ ಸಚಿವ ಹೆಚ್.ಸಿ. ಬಾಲಕೃಷ್ಣ ತರಾಟೆ: ಸಿಬ್ಬಂದಿ ವೇತನ ವಿಳಂಬ, ತೆರಿಗೆ ಸಂಗ್ರಹಕ್ಕೆ ಅಸಮಾಧಾನ

ರಾಮನಗರ, ಅಕ್ಟೋಬರ್​​ 11: ಮಾಗಡಿ ಪುರಸಭೆಗೆ ದಿಢೀರ್ ಭೇಟಿ ನೀಡಿ ಪರಿಶೀಲನೆ ನಡೆದಿದ ಪೌರಾಡಳಿತ ಸಚಿವ ಹೆಚ್.ಸಿ. ಬಾಲಕೃಷ್ಣ ಅವರು, ಅಧಿಕಾರಿಗಳ ಕಾರ್ಯವೈಖರಿಗೆ ತೀವ್ರ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಪುರಸಭೆ ಮುಖ್ಯಾಧಿಕಾರಿ ಶ್ರೀನಿವಾಸ್​​ರನ್ನು ಸಚಿವರು ತರಾಟೆ ತೆಗೆದುಕೊಂಡಿದ್ದು, ಕ್ಷೇತ್ರದಲ್ಲಿ ಮನೆ ಮಾಡದೇ, ಬೆಳಗ್ಗೆ ಫೀಲ್ಡ್​ನಲ್ಲಿ ಇರದಿರುವ ಬಗ್ಗೆ ಪ್ರಶ್ನಿಸಿದ್ದಾರೆ. ಸಿಬ್ಬಂದಿ ಹಾಜರಾತಿ ಪಡೆದು ಸಮಸ್ಯೆ ಆಲಿಸಿದ ಹೆಚ್​.ಸಿ.ಬಾಲಕೃಷ್ಣ, ಸಿಬ್ಬಂದಿಯ ಎರಡು ತಿಂಗಳ ವೇತನದ ಬಗ್ಗೆಯೂ ಪ್ರಶ್ನಿಸಿದ್ದಾರೆ. ತೆರಿಗೆ ಸಂಗ್ರಹ ಕುರಿತು ಮಾಹಿತಿ ಪಡೆದ ಸಚಿವರು, 3 ಕೋಟಿ ಗುರಿಯ ಪೈಕಿ ಕೇವಲ 1.62 ಕೋಟಿ ಸಂಗ್ರಹವಾಗಿರುವ ಬಗ್ಗೆ ಅಸಮಾಧಾನ ವ್ಯಕ್ತಪಡಿಸಿದರು. ಅಂಗಡಿಗಳ ಹರಾಜು ನಡೆಸಿ ಆದಾಯ ಹೆಚ್ಚಿಸಲು ಸೂಚಿಸಿದರು.

ಮತ್ತಷ್ಟು ವಿಡಿಯೋ ನೋಡಲು ಇಲ್ಲಿ ಕ್ಲಿಕ್​​ ಮಾಡಿ.