ಕಂಟೇನ್ಮೆಂಟ್​ ಜೋನ್ ಆಗಿದ್ರೂ ಸಲೂನ್, ಬಾರ್ ಓಪನ್: ಕಂಟಕವಾಗುತ್ವಾ ಓಲಾ, ಉಬರ್

ಬೆಂಗಳೂರು: 4ನೇ ಹಂತದ ಲಾಕ್​ಡೌನ್ ಸಡಿಲಿಕೆ ಆದಾಗಲಿಂದಲೂ ಕೊರೊನಾ ಪ್ರಕರಣಗಳು ಹೆಚ್ಚುತ್ತಲೇ ಇವೆ. ಇದರ ಜೊತೆಗೆ ಕೊರೊನಾ ಹಾಟ್ ​ಸ್ಪಾಟ್ ಆಗಿರುವ ಪಾದರಾಯನಪುರದಲ್ಲಿ ಜನರ ದರ್ಬಾರ್ ಜೋರಾಗಿದೆ.

ಕಂಟೇನ್ಮೆಂಟ್​ ಜೋನ್ ಆಗಿದ್ರೂ ಸಲೂನ್​ಗಳು, ಬಾರ್ ಓಪನ್ ಆಗಿವೆ. ಜನ ಕೊರೊನಾ ಮರೆತು ಓಡಾಡುತ್ತಿದ್ದಾರೆ. ಬೆಳಗ್ಗೆನೆ ಎಣ್ಣೆ ಖರೀದಿಸಲು ಜನ ಬರ್ತಿದ್ದಾರೆ. ಇನ್ನು ಸಲೂನ್​ಗಳು ಓಪನ್ ಆಗಿದ್ದು, ಸಲೂನ್​​ಗೆ ಹೋಗೋರು ಬರೋರಿಂದ ಕೊರೊನಾ ಹೆಚ್ಚಾಗುವ ಆತಂಕ ಶುರುವಾಗಿದೆ. ಯಾವುದೇ ಮುನ್ನೆಚ್ಚರಿಕೆ ಕ್ರಮಕೈಗೊಳ್ಳದೆ ಜನರು ನಿರ್ಲಕ್ಷ್ಯ ವಹಿಸುತ್ತಿದ್ದಾರೆ. ಡೇಂಜರ್​​ ಜೋನ್​ನಲ್ಲಿ ಸಲೂನ್ ತೆರೆದು ರಿಸ್ಕ್​ಗೆ ಆಹ್ವಾನಿಸಿದ್ದಾರೆ.

ಪಾದರಾಯನಪುರದಲ್ಲಿ ಓಲಾ, ಉಬರ್ ಓಡಾಟ:
ಮತ್ತೊಂದು ಶಾಕಿಂಗ್ ಎನ್ನುವಂತೆ ಓಲಾ, ಉಬರ್​ಗಳು ಪಾದರಾಯನಪುರದಲ್ಲಿ ಓಡಾಡುತ್ತಿವೆ. ಇದರಿಂದ ಓಲಾ, ಉಬರ್, ಟ್ಯಾಕ್ಸಿಯಲ್ಲಿ ಪ್ರಯಾಣಿಸುವವರು ಹುಷಾರಾಗಿರಬೇಕು, ಚೂರು ಯಾಮಾರಿದ್ರೂ ಜೀವಕ್ಕೇ ಕಂಟಕವಾಗಲಿದೆ. ಕಂಟೇನ್ಮೆಂಟ್ ಜೋನ್​ಗಳಲ್ಲಿ ಪಿಕಪ್ & ಡ್ರಾಪ್​ಗಾಗಿ ವಾಹನಗಳು ಓಡಾಡುತ್ತಿವೆ.