ಕರುಳ ಬಾಧೆ! ತಾಯಿಯ ಕೊಂದ ವಾಹನದ‌ ಮೇಲೆ ಶತಾಯಗತಾಯ ಸೇಡು ತೀರಿಸಿಕೊಳ್ಳಲು ಹವಣಿಸುವ ಈ ನಾಯಿಯನ್ನ ನೋಡಿ

ಕರುಳ ಬಾಧೆ! ತಾಯಿಯ ಕೊಂದ ವಾಹನದ‌ ಮೇಲೆ ಶತಾಯಗತಾಯ ಸೇಡು ತೀರಿಸಿಕೊಳ್ಳಲು ಹವಣಿಸುವ ಈ ನಾಯಿಯನ್ನ ನೋಡಿ
ಕರುಳ ಬಾಧೆ! ತಾಯಿಯ ಕೊಂದ ವಾಹನದ‌ ಮೇಲೆ ಶತಾಯಗತಾಯ ಸೇಡು ತೀರಿಸಿಕೊಳ್ಳಲು ಹವಣಿಸುವ ಈ ನಾಯಿಯನ್ನ ನೋಡಿ

Dog Revenge: ಏಳೆಂಟು ತಿಂಗಳಿಂದ ನಾಯಿ ಬೆಳೆಯುತ್ತಾ ಬರುತ್ತಿದ್ದಂತೆ ಅದರ ಸೇಡು ಕುಗ್ಗುವ ಬದಲು ಇನ್ನಷ್ಟು ಮತ್ತಷ್ಟು ಬೆಳೆಯುತ್ತಿದೆ. ಕುತೂಹಲಕಾರಿ ಸಂಗತಿಯೆಂದರೆ ಟೋಲ್ ಸಿಬ್ಬಂದಿಯ ಜತೆ ಈ ಮರಿನಾಯಿ ಅನೋನ್ಯವಾಗಿದೆ. ತಾಯಿ ನಾಯಿಯ ಸಾವಿನ ಸಂದರ್ಭವನ್ನು ಕಣ್ಣಾರೆ ಕಂಡಿರುವ ಈ ಸಿಬ್ಬಂದಿ, ಮರಿ ನಾಯಿಯನ್ನು ಅನ್ನ ನೀರು ನೀಡಿ ಆಪ್ಯಾಯತೆಯಿಂದ ಪೋಷಿಸುತ್ತಿದ್ದಾರೆ.

TV9kannada Web Team

| Edited By: sadhu srinath

May 11, 2022 | 4:29 PM


ಕಾರವಾರ: ತನ್ನ ತಾಯಿಯನ್ನ ಸಾಯಿಸಿದ ವಾಹನದ‌ ಮೇಲೆ ಶತಾಯಗತಾಯ ಸೇಡು ತೀರಿಸಿಕೊಳ್ಳಲು ನಾಯಿಯೊಂದು ಸದಾ ಕಾರ್ಯಮಗ್ನವಾಗಿರುವ ಕರುಣಾಜನಕ ದೃಶ್ಯ ಕಂಡುಬಂದಿದೆ. ತಾಯಿಯ ಕೊಂದ ವಾಹನದ‌ ಮೇಲೆ ನಾಯಿಯು ಸೇಡು ತೀರಿಸಿಕೊಳ್ಳಲು ಹವಣಿಸುವ ಈ ದೃಶ್ಯ ಉತ್ತರ ಕನ್ನಡ ಜಿಲ್ಲೆಯ ಅಂಕೋಲಾ ತಾಲೂಕಿನ ಹಟ್ಟಿಕೇರಿ ಟೋಲ್ ಗೇಟ್ ಬಳಿ ದಿನ ನಿತ್ಯ ಕಂಡುಬರುತ್ತದೆ. ಟೋಲ್ ಗೇಟ್ ನಲ್ಲಿರುವ ವಿಐಪಿ ಲೇನ್ ನಲ್ಲಿ ಸೈರನ್ ಹಾಕಿ ಬರುವ ಅಂಬ್ಯುಲೆನ್ಸ್ ಮತ್ತು ಪೋಲಿಸ್ ವಾಹನಗಳನ್ನ ಹಿಂಬಾಲಿಸಿ, ಅಟ್ಟಾಡಿಸಿಕೊಂಡುವ ಹೋಗುತ್ತಿದೆ ಈ ನಾಯಿ. ತಾಯಿಯ ಸಾವನ್ನ ಕಣ್ಣಾರೆ ಕಂಡ ಮರಿ ನಾಯಿಯ ಸೇಡು ಇದಾಗಿದ್ದು, ಅದರ ಕರುಳ ಬಾಧೆ ನೋಡಿದರೆ ಎಂತಹವರಿಗೇ ಆಗಲಿ ಒಮ್ಮೆ ಕರುಳು ಚುರುಕ್ ಅನ್ನುತ್ತದೆ.

ಒಂದು ವರ್ಷದ ಹಿಂದೆ ತಾಯಿ‌ನಾಯಿ ತನ್ನ ಮರಿಗಳಿಗೆ ಹಾಲುಣಿಸುವ ಸಂದರ್ಭದಲ್ಲಿ ವಿಐಪಿ ಲೇನ್ ನಿಂದ ಬಂದ ಅಂಬ್ಯುಲೆನ್ಸ್ ಗೆ‌ ಸಿಕ್ಕಿ ಅಸುನೀಗಿತ್ತು. ಅಪಘಾತದಲ್ಲಿ ಬದುಕುಳಿದಿದ್ದು ಈ ಗಂಡು ಮರಿ ನಾಯಿಯೊಂದೇ. ಈಗ ತಾಯಿಯ ಸಾವಿನ ಸೇಡು ತೀರಿಸಿಕೊಳ್ಳಲು ಸೈರನ್ ಹಾಕಿ ವಿಐಪಿ ಲೇನ್ ನಿಂದ ಬರುವ ಎಲ್ಲ ಅಂಬ್ಯುಲೇನ್ಸ್ ವಾಹನಗಳನ್ನೂ ಅಡ್ಡಗಟ್ಟುತ್ತದೆ ಈ ಮರಿ ನಾಯಿ. ಕೇವಲ ಅಂಬ್ಯುಲೆನ್ಸ್ ಅಷ್ಟೆ ಅಲ್ಲ, ಪೋಲಿಸ್ ವಾಹನಬವನ್ನೂ ಅಡ್ಡಗಟ್ಟುತ್ತದೆ ಇದು. ವಿಐಪಿ ಲೇನ್ ನಿಂದ ಸೈರನ್ ಹಾಕಿ ಬರುವ ವಾಹನಗಳ ಮೇಲೆ ಮಾತ್ರ‌ ಎರಗುವ ಈ ನಾಯಿ ಸೈರನ್ ಶಬ್ಧ ಕೀವಿಗೆ ಬೀಳುತ್ತಿದ್ದಂತೆ ಎಲ್ಲೆ ಇದ್ದರೂ ಓಡೋಡಿ ಬಂದು ಅಂಬ್ಯುಲೆನ್ಸ್ ವಾಹನಕ್ಕೆ ಅಡ್ಡಗಟ್ಟಿ ತನ್ನ ಸೇಡಿನ್ನು ತೀರಿಸಿಕೊಳ್ಳಲು ಹವಣಿಸುತ್ತದೆ ಈ ನಾಯಿ.

ನಾಯಿಯ ಕರುಣ ರೋದನಕ್ಕೆ ಮೌನವಾಗಿ ಮಿಡಿಯುವ ಹಟ್ಟಿಕೇರಿ ಟೋಲ್ ಗೇಟ್ ಸಿಬ್ಬಂದಿ:
ಸೈರನ್ ಹಾಕಿ ಬಂದಿರುವ ವಾಹನವೇ ತನ್ನ ತಾಯಿಯನ್ನ ಅಪಘಾತಕ್ಕೀಡು ಮಾಡಿ, ಸಾವಿಗೆ ಕಾರಣವಾಗಿದೆ ಎಂದು ತಿಳಿದು ಪ್ರತಿ ಅಂಬ್ಯುಲೆನ್ಸ್ ಮತ್ತು ಪೊಲೀಸ್ ವಾಹನದ ಮೇಲೆ ಎರಗುವ ನಾಯಿಯ ಜ್ಞಾಪಕ ಶಕ್ತಿಗೆ ಇಲ್ಲಿನ ಹಟ್ಟಿಕೇರಿ ಟೋಲ್ ಗೇಟ್ ಸಿಬ್ಬಂದಿ ಮೌನವಾಗಿ ಮಿಡಿಯುತ್ತಾರೆ. ಕಳೆದ ಏಳೆಂಟು ತಿಂಗಳಿಂದ ನಾಯಿ ಬೆಳೆಯುತ್ತಾ ಬರುತ್ತಿದ್ದಂತೆ ಅದರ ಸೇಡು ಕುಗ್ಗುವ ಬದಲು ಇನ್ನಷ್ಟು ಮತ್ತಷ್ಟು ಬೆಳೆಯುತ್ತಿದೆ. ಕುತೂಹಲಕಾರಿ ಸಂಗತಿಯೆಂದರೆ ಟೋಲ್ ಸಿಬ್ಬಂದಿಯ ಜತೆ ಈ ಮರಿನಾಯಿ ಅನೋನ್ಯವಾಗಿದೆ. ತಾಯಿ ನಾಯಿಯ ಸಾವಿನ ಸಂದರ್ಭವನ್ನು ಕಣ್ಣಾರೆ ಕಂಡಿರುವ ಈ ಸಿಬ್ಬಂದಿ, ಮರಿ ನಾಯಿಯನ್ನು ಅನ್ನ ನೀರು ನೀಡಿ ಆಪ್ಯಾಯತೆಯಿಂದ ಪೋಷಿಸುತ್ತಿದ್ದಾರೆ.

ಶ್ವಾನದ ಸೇಡಿನ ಹಿಂದಿದೆ ಕಣ್ಣೀರ ಕಥೆ..! ಸೈರನ್ ಹಾಕಿ ಬರೋ ವಾಹನಗಳೇ ಈ ನಾಯಿ ಟಾರ್ಗೆಟ್​ |

ಇದನ್ನೂ ಓದಿ:
ನನ್ನ ಸರ್ಕಾರ ಇದ್ದಾಗ ಯಾವುದೇ ಅಕ್ರಮ ಎಸಗಿಲ್ಲ; ತಾಕತ್ ಇದ್ದರೆ ನನ್ನ ವಿರುದ್ಧ ದಾಖಲೆ ಬಿಡುಗಡೆ ಮಾಡಲಿ -ಮಾಜಿ ಮುಖ್ಯಮಂತ್ರಿ ಹೆಚ್​ ಡಿ ಕುಮಾರಸ್ವಾಮಿ ಸವಾಲ್

ಇದನ್ನೂ ಓದಿ:
Viral Video: 28 ಹೆಂಡತಿಯರು, 135 ಮಕ್ಕಳು, 126 ಮೊಮ್ಮಕ್ಕಳ ಮುಂದೆ 37ನೇ ಮದುವೆಯಾದ ವೃದ್ಧ; ವಿಡಿಯೋ ವೈರಲ್!

Follow us on

Related Stories

Most Read Stories

Click on your DTH Provider to Add TV9 Kannada