ಬೆಣ್ಣೆನಗರಿಯಲ್ಲಿ ಒಂದೇ ದಿನ 21 ಮಂದಿಗೆ ಕೊರೊನಾ ವೈರಸ್ ಅಟ್ಯಾಕ್!

ದಾವಣಗೆರೆ: ಬೆಣ್ಣೆನಗರಿ ದಾವಣಗೆರೆಯಲ್ಲಿ ಇಂದು ಒಂದೇ ದಿನ 21 ಜನರಲ್ಲಿ ಕೊರೊನಾ ವೈರಸ್ ಇರುವುದು ದೃಢಪಟ್ಟಿದೆ. ಈ ಹಿಂದೆ ದಾವಣಗೆರೆ ಜಿಲ್ಲೆಯಲ್ಲಿ 10 ಮಂದಿಗೆ ಕೊರೊನಾ ಸೋಂಕು ಇತ್ತು. ಇದೀಗ ಜಿಲ್ಲೆಯಲ್ಲಿ ಸೋಂಕಿತರ ಸಂಖ್ಯೆ 31ಕ್ಕೆ ಏರಿಕೆಯಾಗಿದೆ.

ಮೇ 1ರಂದು 94 ಜನರ ರಕ್ತದ ಮಾದರಿ, ಗಂಟಲುದ್ರವ ಕಳುಹಿಸಲಾಗಿತ್ತು. ಮೇ 2ರಂದು 72 ಜನರ ರಕ್ತದ ಮಾದರಿ, ಗಂಟಲುದ್ರವ ರವಾನಿಸಿದ್ದೆವು. ಇಂದು 164 ಜನರ ರಕ್ತದ ಮಾದರಿ, ಗಂಟಲುದ್ರವ ರವಾನೆ ಮಾಡಿದ್ದೇವೆ. ಕಳೆದ 3 ದಿನಗಳಲ್ಲಿ 330 ಜನರ ಸ್ಯಾಂಪಲ್​ ಕಳುಹಿಸಲಾಗಿದ್ದು, 330 ಜನರ ಸ್ಯಾಂಪಲ್​ ಪೈಕಿ 21 ಜನರಲ್ಲಿ ಕೊರೊನಾ ವೈರಸ್ ಇರುವುದು ದೃಢಪಟ್ಟಿದೆ ಎಂದು ಜಿಲ್ಲಾಧಿಕಾರಿ ಮಹಾಂತೇಶ ಬೀಳಗಿ ಮಾಹಿತಿ ನೀಡಿದ್ದಾರೆ.

ಬೆಂಗಳೂರು: ರಾಜ್ಯದಲ್ಲಿ ಇಂದು ಹೊಸದಾಗಿ 34 ಜನರಿಗೆ ಕೊರೊನಾ ಸೋಂಕು ತಗುಲಿರುವುದು ಪತ್ತೆಯಾಗಿದೆ. ಕಲಬುರಗಿ 6, ಬೆಂಗಳೂರು ನಗರ 4, ಬಾಗಲಕೋಟೆ 3 ಹಾಗೂ ದಾವಣಗೆರೆಯಲ್ಲಿ 21 ಜನರಿಗೆ ಕೊರೊನಾ ಸೋಂಕು ದೃಢಪಟ್ಟಿದೆ. ಕರ್ನಾಟಕದಲ್ಲಿ ಕೊರೊನಾ ಸೋಂಕಿತರ ಸಂಖ್ಯೆ 635ಕ್ಕೆ ಏರಿಕೆಯಾಗಿದೆ.

Published On - 5:50 pm, Sun, 3 May 20