BMTC ಬಸ್ ಬ್ರೇಕ್ ವಿಫಲ, ಸ್ವಲ್ಪದರಲ್ಲಿ ತಪ್ಪಿದ ಭಾರೀ ಅನಾಹುತ

ಬೆಂಗಳೂರು: ಕಳೆದ 2 ತಿಂಗಳಿಂದ ನಿಂತಲ್ಲೇ ನಿಂತಿದ್ದ ಬಿಎಂಟಿಸಿ ಬಸ್​ನ ಬ್ರೇಕ್​ ಫೇಲ್ಯೂರ್ ಆಗಿ ತಾತ್ಕಾಲಿಕ ಕಾಂಪೌಂಡ್‌ಗೆ ಡಿಕ್ಕಿಯೊಡೆದಿರುವ ಘಟನೆ ಪೂರ್ಣಪ್ರಜ್ಞಾ ಲೇಔಟ್ ಡಿಪೋದಲ್ಲಿ ನಡೆದಿದೆ. ಬಿಎಂಟಿಸಿ ಬಸ್ ಸ್ವಲ್ಪ ಮುಂದೆ ಹೋಗಿದ್ರೂ ವಾಹನಗಳು ಸಂಚಾರ ಮಾಡ್ತಿದ್ದ ರಸ್ತೆಗಿಳಿಯುತ್ತಿತ್ತು.

ಕೊರೊನಾ ಲಾಕ್​ಡೌನ್​ನಿಂದಾಗಿ ಸುಮಾರು 2 ತಿಂಗಳಿಂದ ಬಿಎಂಟಿಸಿ ಬಸ್ ನಿಂತಲ್ಲೇ ನಿಂತಿತ್ತು. ರಿಪೇರಿ ಮಾಡಿ ರೋಡಿಗಿಳಿಸಲು ಡಿಪೋ ಸಿಬ್ಬಂದಿ ಮುಂದಾಗಿದ್ದರು. ಸ್ವಲ್ಪ ಮುಂದೆ ಹೋಗಿದ್ರು, ವಾಹನಗಳು ಚಲಿಸುತ್ತಿದ್ದ ರಸ್ತೆಗೆ ಬಿಎಂಟಿಸಿ ಬಸ್ ನುಗ್ಗುತ್ತಿತ್ತು. ಸದ್ಯ ಸ್ವಲ್ಪದರಲ್ಲಿ ಭಾರಿ ಅನಾಹುತ ತಪ್ಪಿದೆ.