BBMPಯಲ್ಲಿ KAS, non-KAS ಅಧಿಕಾರಿಗಳ ಸಮರ! 8 ಆಯುಕ್ತರಿಗೆ ಸಂಕಷ್ಟ

ಬೆಂಗಳೂರು: ಕೊರೊನಾ ಅಬ್ಬರದ ನಡುವೆ BBMPಯಲ್ಲಿ ಅಧಿಕಾರಿಗಳ ಸಮರ ಬೆಳಕಿಗೆ ಬಂದಿದೆ. ಕೆಎಎಸ್, ನಾನ್ ಕೆಎಎಸ್ ಅಧಿಕಾರಿಗಳ ನಡುವಿನ ಯುದ್ಧಕ್ಕೆ ಬಿಬಿಎಂಪಿ ವೇದಿಕೆಯಾಗಿದೆ.

ನಾನ್ ಕೆಎಎಸ್ ಅಧಿಕಾರಿಗಳನ್ನ ಮಾತೃ ಇಲಾಖೆಗೆ ವಾಪಸ್ ಕಳುಹಿಸುವಂತೆ ಬಿಬಿಎಂಪಿ ಅಧಿಕಾರಿ, ನೌಕರರ ಕ್ಷೇಮಾಭಿವೃದ್ಧಿ ಸಂಘದಿಂದ ಆಯುಕ್ತರಿಗೆ ಮನವಿ ಸಲ್ಲಿಸಲಾಗಿದೆ. ಸಂಘದ ಮನವಿ ಮೇರೆಗೆ ಬಿಬಿಎಂಪಿ ಸರ್ಕಾರಕ್ಕೆ ಪತ್ರ ಬರೆದಿದೆ.

ಬಿಬಿಎಂಪಿಯ 8 ವಲಯದಲ್ಲಿ ಉನ್ನತ ಸ್ಥಾನ ಪಡೆದಿರುವ ನಾನ್ ಕೆಎಎಸ್ ಅಧಿಕಾರಿಗಳನ್ನ ಇದೀಗ ತಮ್ಮ ಮಾತೃ ಸಂಸ್ಥೆಗೆ ವಾಪಸ್ ಕಳುಹಿಸುವಂತೆ ಒತ್ತಾಯ ಹೇರಲಾಗುತ್ತಿದೆ. ಜೊತೆಗೆ, ಕೆಎಎಸ್ ಅಧಿಕಾರಿಗಳ ನೇಮಕಕ್ಕೆ ಪಟ್ಟು ಸಹ ಜೋರಾಗಿದೆ. ಇದರಿಂದ ಬಿಬಿಎಂಪಿಯ ಐದು ಜನ ಜಂಟಿ ಆಯುಕ್ತರಿಗೆ, ಮೂವರು ಉಪ ಆಯುಕ್ತರಿಗೆ ಸಂಕಷ್ಟ ಎದುರಾಗಿದೆ.