EPF Interest Rate: ಭವಿಷ್ಯ ನಿಧಿ ಮೇಲಿನ ಬಡ್ಡಿದರದಲ್ಲಿ ಕಡಿತ ಸಾಧ್ಯತೆ.. ಶೀಘ್ರವೇ ಹೊಸ ಅಧಿಸೂಚನೆ?

ನವದೆಹಲಿ: ಭವಿಷ್ಯ ನಿಧಿ ಮೇಲಿನ ಬಡ್ಡಿದರವನ್ನು ನೌಕರರ ಭವಿಷ್ಯ ನಿಧಿ ಸಂಸ್ಥೆ(EPFO) ಮಾರ್ಚ್​ 4ರಂದು ಸಭೆ ನಡೆಸಲಿದೆ. ಈ ವೇಳೆ ಪಿಎಫ್​ ಮೇಲಿನ ಬಡ್ಡಿ ದರವನ್ನು ಕಡಿತ ಮಾಡುವ ನಿರ್ಧಾರಕ್ಕೆ EPFO ಬರುವ ಸಾಧ್ಯತೆ ಇದೆ ಎಂದು ಮೂಲಗಳು ತಿಳಿಸಿವೆ. ಕೊರೊನಾ ವೈರಸ್​ ಕಾಣಿಸಿಕೊಂಡ ನಂತರ ಅನೇಕರು ಉದ್ಯೋಗ ಕಳೆದುಕೊಂಡಿದ್ದರು. ಕೆಲವರಿಗೆ ವೇತನದಲ್ಲಿ ಕತ್ತರಿ ಹಾಕಲಾಗಿತ್ತು. ಹೀಗಾಗಿ, ಉಳಿತಾಯ ರೂಪದಲ್ಲಿದ್ದ ಪಿಎಫ್​ ಹಣ ತೆಗೆಯಲು ಆರಂಭಿಸಿದ್ದರು. ಅಧಿಕವಾಗಿ ಹಣ ವಿತ್​ಡ್ರಾ ಮಾಡಲಾಗುತ್ತಿದ್ದು, ಇದಕ್ಕೆ ಕೊಡುಗೆ ನೀಡುವವರ ಸಂಖ್ಯೆ ಕಡಿಮೆ ಆಗಿದೆ. ಹೀಗಾಗಿ, 2020-21ರ EPFO ಬಡ್ಡಿ ದರ ಕಡಿತಗೊಳಿಸುವ ನಿರ್ಧಾರಕ್ಕೆ ಬರುವ ಸಾಧ್ಯತೆ ಇದೆ ಎನ್ನಲಾಗಿದೆ.

ವರ್ಷದಿಂದ ವರ್ಷಕ್ಕೆ ಪಿಎಫ್​ ಬಡ್ಡಿದರ ಕಡಿಮೆ ಆಗುತ್ತಿದೆ. ಹೀಗಾಗಿ, ಇದರ ಮೇಲೆ ಹೂಡಿಕೆ ಮಾಡುವವರ ಸಂಖ್ಯೆ ಕೂಡ ಕಡಿಮೆ ಆಗುತ್ತಿದೆ. 2018-19ರಲ್ಲಿ ಪಿಎಫ್​ ಬಡ್ಡಿದರ ಶೇ 8.65 ಇತ್ತು. 2019-20ರಲ್ಲಿ ಇದನ್ನು 8.50ಗೆ ಇಳಿಕೆ ಮಾಡಲಾಗಿತ್ತು. ಈಗ ಈ ಬಡ್ಡಿದರ ಮತ್ತೂ ಕಡಿತಗೊಳ್ಳಲಿದೆ ಎನ್ನುವ ಸುದ್ದಿ ಹರಿದಾಡಿದೆ.

ಇದನ್ನೂ ಓದಿ: ವೇತನ ಪಡೆಯುವ ವರ್ಗಕ್ಕೆ ಹೊರೆಯಾದ ವೇಜ್​ ಕೋಡ್​-ಬಜೆಟ್​; ಭವಿಷ್ಯ ನಿಧಿಯೇ ತೊಡಕಾಗ್ತಿದೆ..ಟೇಕ್​ ಹೋಂ ಸ್ಯಾಲರಿ ಕಡಿಮೆ ಆಗ್ತಿದೆ !

ಮಾರ್ಚ್​ 4ರಂದು ನಡೆಯುವ ಎಪಿಎಫ್​ಒನ 228ನೇ ಸಭೆಯಲ್ಲಿ ಕೇಂದ್ರ ಮಂಡಳಿ ( CBT) ಈ ಕುರಿತು ನಿರ್ಧಾರ ತೆಗೆದುಕೊಳ್ಳುವ ಸಾಧ್ಯತೆ ಇದೆ. ಕೇಂದ್ರ ಕಾರ್ಮಿಕ ಸಚಿವ ಸಂತೋಷ್​​ ಕುಮಾರ್​ ಗಂಗಾವರ್​ ಸಿಬಿಟಿಯ ಮುಖ್ಯಸ್ಥರಾಗಿದ್ದಾರೆ. 6 ಕೋಟಿ ವೇತನದಾರರು ಇಪಿಎಫ್​ಒದಲ್ಲಿ ಖಾತೆ ಹೊಂದಿದ್ದಾರೆ. ಕೊರೊನಾ ಸಂದರ್ಭದಲ್ಲಿ 1 ಲಕ್ಷ ರೂಪಾಯಿವರೆಗೆ ಹಣ ವಿತ್​ಡ್ರಾ ಮಾಡಲು ಸರ್ಕಾರ ಅವಕಾಶ ನೀಡಿತ್ತು. ಹೀಗಾಗಿ, ಸಾಕಷ್ಟು ಮಂದಿ ಹಣ ತೆಗೆದಿದ್ದರಿಂದ, ಸಂಚಿತ ನಿಧಿ ಕಡಿಮೆ ಆಗಿದೆ. 2020ರ ಏಪ್ರಿಲ್​-ಜೂನ್​ ಅವಧಿಯಲ್ಲಿ 80 ಲಕ್ಷ ಚಂದಾದಾರು ಹಣವನ್ನು ಹಿಂಪಡೆದಿದ್ದಾರೆ.

EPF ಬಡ್ಡಿದರ:
ಪ್ರಸ್ತುತ, EPF ಠೇವಣಿಗಳ ಮೇಲೆ ಚಾಲ್ತಿಯಲ್ಲಿರುವ ದರವು ಶೇ 8.65. ಬಡ್ಡಿದರವನ್ನು ಪ್ರತಿವರ್ಷ ಪರಿಶೀಲಿಸಲಾಗುತ್ತದೆ. ಕಳೆದ ಆರು ವರ್ಷಗಳಲ್ಲಿ EPF ಮೇಲಿನ ಬಡ್ಡಿದರ ಹೇಗೆ ಬದಲಾಗಿದೆ ಎಂಬುದು ಈ ಕೆಳಗಿನಂತಿದೆ.

ವರ್ಷ, EPF, ಬಡ್ಡಿದರ
2019 – 20  8.65%
2018 – 19  8.65%
2017 – 18  8.55%
2016 – 17  8.80%
2015 – 16  8.80%
2014 – 15  8.75%