Dating Scam ಡೇಟಿಂಗ್ ಆಸೆಗೆ ಬಿದ್ದು ಯುವಕ ಹಾಕಿಸ್ಕೊಂಡ ಮಕ್ಮಲ್ ಟೋಪಿ

ಬೆಂಗಳೂರು: ಡೇಟಿಂಗ್ ಆಸೆಗೆ ಬಿದ್ದು ಯುವಕ $99,700 ರೂ ಕಳೆದುಕೊಂಡ ಘಟನೆ ಸಿಲಿಕಾನ್ ಸಿಟಿ ಬೆಂಗಳೂರಿನಲ್ಲಿ ನಡೆದಿದೆ.

ಡೇಟಿಂಗ್‌ಗಾಗಿ ಸರ್ಚ್‌ ಮಾಡಿದ್ದ ವೈಟ್ ಫೀಲ್ಡ್‌ನಲ್ಲಿ ವಾಸವಿದ್ದ 27 ವರ್ಷದ ಯುವಕನಿಗೆ ಸುಂದರ ಯುವತಿಯ ಫೋಟೋ ತೋರಿಸಿ ಮಕ್ಮಲ್ ಟೋಪಿ ಹಾಕಿದ್ದಾರೆ. ಡೇಟಿಂಗ್‌ಗಾಗಿ ಆನ್​ಲೈನ್​ನಲ್ಲಿ ಸರ್ಚ್ ಮಾಡಿದ ಯುವಕನಿಗೆ ಕೂಡಲೇ ಅಪರಿಚಿತ ವ್ಯಕ್ತಿಯಿಂದ ಕರೆ ಬಂದಿತ್ತು.

ನಂತರ ಡೇಟಿಂಗ್​ಗಾಗಿ ಒಬ್ಬ ಸುಂದರ ಯುವತಿ ಜೊತೆ ಅವಕಾಶ ನೀಡುವುದಾಗಿ ಹೇಳಿ ಯುವತಿ ಫೋಟೋ ಕಳಿಸಿ ಯಾಮಾರಿಸಿದ್ದಾನೆ. ಬಳಿಕ ತಾನು ನೀಡಿದ ನಂಬರ್‌ಗೆ ಗೂಗಲ್ ಪೇ ಮೂಲಕ ಹಣ ಹಾಕು ಎಂದಿದ್ದಾನೆ. ಹಂತಹಂತವಾಗಿ $99,700 ಹಾಕಿಸಿಕೊಂಡು ವಂಚನೆ ಮಾಡಿದ್ದಾನೆ.

ಕೊನೆಗೆ ಯುವಕ ಡೇಟಿಂಗ್ ಇಲ್ಲದೆ, ಹಣ ಕಳೆದುಕೊಂಡು ಕಂಗಾಲಾಗಿದ್ದಾನೆ. ಘಟನೆಗೆ ಸಂಬಂಧಿಸಿ ದಕ್ಷಿಣ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ಎಫ್ಐಆರ್ ದಾಖಲಾಗಿದೆ.