ತುಮಕೂರು ಹೆದ್ದಾರಿ 48ರಲ್ಲಿ 46 ಸಾವಿರ ಹಣ ಸಿಕ್ಕಿದೆ!

ತುಮಕೂರು: ರಾಷ್ಟ್ರೀಯ ಹೆದ್ದಾರಿ 48ರಲ್ಲಿ ಸಾವಿರಾರು ರೂ ಹಣ ಪತ್ತೆಯಾಗಿದೆ! ಜಿಲ್ಲೆಯ ಶಿರಾ ತಾಲೂಕಿನ ಉಜ್ಜನಕುಂಟೆ ಪೊಲೀಸ್ ಚೆಕ್ ಪೋಸ್ಟ್ ಬಳಿ ಈ ಹಣ ದೊರೆತಿದೆ.

ಕಳ್ಳಂಬೆಳ್ಳ ಪೊಲೀಸರನ್ನು ಸಂಪರ್ಕಿಸಿ:
ಕಳೆದ ಮೂರು ದಿನದ ಹಿಂದೆ ಹಣ ಸಿಕ್ಕಿದೆ. ಆದ್ರೆ ಈವರೆಗೂ ಹಣ ಯಾರದು ಅಂತಾ ತಿಳಿದಿಲ್ಲ. ಯಾರೋ‌ ಬೈಕ್ ನಲ್ಲಿ ಬಂದು ಬೀಳಿಸಿಕೊಂಡು ಹೋಗಿರಬಹುದು ಎನ್ನಲಾಗಿದೆ. ದೊರೆತಿರುವ ಮೊತ್ತ 46 ಸಾವಿರ ರೂಪಾಯಿ. ಸೂಕ್ತ ದಾಖಲೆ ನೀಡಿದರೆ ಹಣ ನೀಡಲು ಕ್ರಮ ಕೈಗೊಳ್ಳಲಾಗುವುದು. ನಮ್ಮನ್ನು ಸಂಪರ್ಕಿಸಿ ಹಣ ಪಡೆಯಬಹುದು ಎಂದು ಕಳ್ಳಂಬೆಳ್ಳ ಪೊಲೀಸರು ತಿಳಿಸಿದ್ದಾರೆ.