ಕಣ್ಣಿನ ಕೆಳಗಿನ ಕಪ್ಪು ಕಲೆಗಳನ್ನು ಹೋಗಲಾಡಿಸಲು ಹೀಗೆ ಮಾಡಿ
ನೀವೆಲ್ಲಾದರೂ ಅರ್ಜೆಂಟ್ ಆಗಿ ಹೋಗಬೇಕಾದರೆ ಅಂತಹ ಸಂದರ್ಭಗಳಲ್ಲಿ ಡಾರ್ಕ್ ಸರ್ಕಲ್ಗಳನ್ನು ಮುಚ್ಚಲು ಮೇಕಪ್ ಮಾಡಿಕೊಳ್ಳಿ. ಉತ್ತಮ ಗುಣಮಟ್ಟದ ಕನ್ಸಿಲರ್, ಪೌಂಡೇಶನ್ ಕ್ರೀಮ್ ಮತ್ತು ಮುಖದ ಚರ್ಮಕ್ಕೆ ಹೊಂದುವ ಟಾಲ್ಕಮ್ ಗಳನ್ನು ಬಳಸಿ.
ಮುಖದ ಅಂದಗೆಡಿಸುವ ಡಾರ್ಕ್ ಸರ್ಕಲ್ಸ್ (Dark Circles) ಸಾಮಾನ್ಯವಾಗಿ ಎಲ್ಲರಿಗೂ ಕಿರಿಕಿರಿಯಾಗುತ್ತದೆ. ದಿನನಿತ್ಯದ ಒತ್ತಡ, ಓಡಾಡದ ಕಾರಣದಿಂದ ಡಾರ್ಕ್ ಸರ್ಕಲ್ಸ್ಗಳು ಉಂಟಾಗುತ್ತದೆ. ಇದು ನಿಜವಾದ ಮುಖದ ಸೌಂದರ್ಯವನ್ನು ಮರೆಮಾಚುತ್ತದೆ. ಇತ್ತೀಚಿನ ದಿನಗಳಲ್ಲಿ ಅತಿಯಾದ ಮೊಬೈಲ್ಗಳ ಬಳಕೆ, ಕಂಪ್ಯೂಟರ್ಗಳ ಮುಂದೆ ಕುಳಿತಿರುವುದರಿಂದ ಕಣ್ಣುಗಳ ಮೇಲೆ ಒತ್ತಡ ಬೀಳುತ್ತದೆ. ಕಣ್ಣಿನ ಕೆಳಗಿನ ಚರ್ಮ ಮೃದುವಾಗಿರುವುದರಿಂದ ಕಣ್ಣಿನ ಮೇಲೆ ಒತ್ತಡ ಬಿದ್ದಾಗ ಚರ್ಮ ಕಪ್ಪು ಬಣ್ಣಕ್ಕೆ ತಿರುಗುತ್ತದೆ. ಹೀಗಾಗಿ ಡಾರ್ಕ್ ಸರ್ಕಲ್ಗಳು ಉಂಟಾಗುತ್ತದೆ. ಕೆಲವೊಮ್ಮೆ ದೇಹದಲ್ಲಿ ಅನಾರೋಗ್ಯ ಇದ್ದರೂ ಕಣ್ಣಿನ ಕೆಳಗೆ ಕಪ್ಪು ವರ್ತುಲಗಳು ಮೂಡುತ್ತವೆ.
ಡಾರ್ಕ್ಸರ್ಕಲ್ಗಳಿಗೆ ಕಾರಣಗಳು:
ಮಾನಸಿಕ ಒತ್ತಡಗಳಿಂದ ಕಣ್ಣಿನ ಕೆಳಗೆ ಕಪ್ಪು ಬಣ್ಣ ಮೂಡುತ್ತದೆ. ಇದರ ಜತೆಗೆ ಅತಿಯಾದ ಹೊರಗಿನ ಸುತ್ತಾಟ, ಸೂರ್ಯನ ಕಿರಗಳಿಗೆ ಚರ್ಮವನ್ನು ತೆರೆದುಕೊಳ್ಳುವುದು, ಆಯಾಸ, ನೀರಿನ ಕೊರತೆ, ನಿದ್ದೆ ಮಾಡದಿರುವುದು, ದೇಹದಲ್ಲಿ ಉಷ್ಣತೆ ಜಾಸ್ತಿಯಾಗಿರುವುದು, ಅತಿಯಾಗಿ ಮೊಬೈಲ್ ಅಥವಾ ಕಂಪ್ಯೂಟರ್ ಸ್ಕ್ರೀನ್ಗಳನ್ನು ನೋಡುವುದು ಮುಖ್ಯ ಕಾರಣವಾಗಿದೆ.
ಡಾರ್ಕ್ ಸರ್ಕಲ್ಸ್ಗಳನ್ನು ಹೋಗಲಾಡಿಸಲು ಹೀಗೆ ಮಾಡಿ:
ನಿದ್ದೆ:
ಕಣ್ಣು ಮತ್ತು ಇಡೀ ದೇಹದ ಆರೋಗ್ಯ ಉತ್ತಮವಾಗಲು ನಿದ್ದೆ ಅತಿ ಮುಖ್ಯ ಅಂಶವಾಗಿದೆ. 7-8 ಗಂಟೆಗಳ ನಿದ್ದೆ ಪ್ರತೀ ಆರೋಗ್ಯವಂತ ವ್ಯಕ್ತಿಗೆ ಅಗತ್ಯವಾಗಿದೆ. ಹೀಗಾಗಿ ಚೆನ್ನಾಗಿ ನಿದ್ದೆ ಮಾಡಿ ಇದರಿಂದ ಡಾರ್ಕ್ ಸರ್ಕಲ್ಗಳು ಕಡಿಮೆಯಾಗುತ್ತವೆ. ಜತೆಗೆ ಮಲಗುವಾಗ ಅಥವಾ ಕತ್ತಲೆಯಲ್ಲಿ ಮೊಬೈಲ್ ಬಳಕೆ ಬೇಡ. ಇದು ಕಣ್ಣಿಗೆ ಹೆಚ್ಚು ಒತ್ತಡ ಉಂಟು ಮಾಡಿ ಕಪ್ಪು ಕಲೆಗಳನ್ನು ಜಾಸ್ತಿ ಮಾಡುತ್ತದೆ.
ತಣ್ಣನೆಯ ವಸ್ತುಗಳ ಬಳಕೆ:
ಕಣ್ಣಿನ ಮೇಲೆ ತಣ್ಣನೆಯ ವಸ್ತುಗಳನ್ನು ಇರಿಸಿಕೊಳ್ಳಿ. ಉದಾಹರಣೆಗೆ ಸೌತೆಕಾಯಿಯ ಸ್ಲೈಸ್ಗಳನ್ನು ಮಾಡಿ ಕಣ್ಣಿನ ಮೇಲೆ ಇಟ್ಟುಕೊಳ್ಳುವುದು, ಐಸ್ಕ್ಯೂಬ್ಗಳಿಂದ ಮಸಾಜ್ ಮಾಡುವುದು ಸೇರಿದಂತೆ ಕಣ್ಣನ್ನು ಆದಷ್ಟು ತಂಪಾಗಿಡಿ.
ಮೇಕಪ್:
ನೀವೆಲ್ಲಾದರೂ ಅರ್ಜೆಂಟ್ ಆಗಿ ಹೋಗಬೇಕಾದರೆ ಅಂತಹ ಸಂದರ್ಭಗಳಲ್ಲಿ ಡಾರ್ಕ್ ಸರ್ಕಲ್ಗಳನ್ನು ಮುಚ್ಚಲು ಮೇಕಪ್ ಮಾಡಿಕೊಳ್ಳಿ. ಉತ್ತಮ ಗುಣಮಟ್ಟದ ಕನ್ಸಿಲರ್, ಪೌಂಡೇಶನ್ ಕ್ರೀಮ್ ಮತ್ತು ಮುಖದ ಚರ್ಮಕ್ಕೆ ಹೊಂದುವ ಟಾಲ್ಕಮ್ ಗಳನ್ನು ಬಳಸಿ. ಇದು ನಿಮ್ಮ ಡಾರ್ಕ್ ಸರ್ಕಲ್ಗಳನ್ನು ಮರೆಮಾಡಿ ಮುಜುಗರ ಉಂಟಾಗುವುದನ್ನು ತಡೆಯುತ್ತದೆ.
ಟೀ ಬ್ಯಾಗ್:
ಗ್ರೀನ್ ಟೀ ಆರೋಗ್ಯಕ್ಕೆ ಮಾತ್ರವಲ್ಲ ಸೌಂದರ್ಯಕ್ಕೂ ಉತ್ತಮ ಪದಾರ್ಥವಾಗಿದೆ. ಬ್ಲಾಕ್ ಅಥವಾ ಗ್ರೀನ್ ಟೀಯನ್ನು ಒಂದೈದು ನಿಮಿಷ ಬಿಸಿ ನೀರಿನಲ್ಲಿ ನೆನಸಿಟ್ಟು, ನಂತರ ಅದನ್ನು ಕಣ್ಣಿನ ಮೇಲೆ ಇರಿಸಿಕೊಳ್ಳಿ. 20 ನಿಮಿಷವಾದರೂ ಕಣ್ಣಿನ ಮೇಲೆ ಟೀ ಬ್ಯಾಗ್ಗಳನ್ನು ಇಟ್ಟುಕೊಳ್ಳಿ. ಇದರ ನಿರಂತರ ಬಳಕೆಯಿಂದ ಕಣ್ಣಿನ ಕೆಳಗೆ ಕಪ್ಪಾಗಿರುವ ಚರ್ಮ ತಿಳಿಯಾಗತ್ತದೆ.
ಇದನ್ನೂ ಓದಿ:
ಆರೋಗ್ಯ ವೃದ್ಧಿಸುವ ನಿಂಬು-ಶುಂಠಿ ರಸಂ ಮಾಡಿ ಸೇವಿಸಿ; ಇಲ್ಲಿದೆ ರೆಸಿಪಿ