Encephalartos woodii : ಈ ಒಂಟಿಮರಕ್ಕೆ ಹೆಣ್ಣು ಸಂಗಾತಿಯೇ ಇಲ್ವಂತೆ, ಹುಡುಕಾಟದತ್ತ ವಿಜ್ಞಾನಿಗಳು

ಭೂಮಿಯ ಮೇಲಿರುವ ಅದೆಷ್ಟೋ ಜೀವಿಗಳು ಹಾಗೂ ಸಸ್ಯಸಂಪತ್ತು ಅಳಿವಿನಂಚಿಗೆ ತಲುಪಿದೆ. ಹೀಗೆ ಆದರೆ ಮುಂದಿನ ಪೀಳಿಗೆಯವರು ಕಣ್ಮರೆಯಾಗುತ್ತಿರುವ ಪ್ರಾಣಿ ಪ್ರಬೇಧಗಳು ಹಾಗೂ ವಿವಿಧ ರೀತಿಯ ಸಸ್ಯಸಂಪತ್ತನ್ನು ಫೋಟೋದಲ್ಲಿ ನೋಡುವ ಪರಿಸ್ಥಿತಿ ಬಂದರೂ ಅಚ್ಚರಿ ಪಡಬೇಕಾಗಿಲ್ಲ. ಇದೀಗ ಪ್ರಪಂಚದಲ್ಲಿರುವ ಈ ಮರವೊಂದು ಪತ್ತೆಯಾಗಿದೆ. ಇದರ ಹೆಸರೇ ಇ ವುಡಿ ಅಥವಾ ಎನ್ಸೆಫಲಾರ್ಟೊಸ್ ವುಡಿ.

ದೈತ್ಯಕಾರದ ಡೈನೋಸಾರ್‌ಗಳು ಭೂಮಿಗೆ ಕಾಲಿಡುವ ಮೊದಲೇ ಈ ಮರಗಳು ಅಸ್ತಿತ್ವದ್ದವು ಎನ್ನಲಾಗಿದೆ. ಆದರೆ ಈ ಜಾತಿಯ ಮರವನ್ನು ಮೊದಲು 1895 ರಲ್ಲಿ ದಕ್ಷಿಣ ಆಫ್ರಿಕಾದ ಪೂರ್ವ ಕರಾವಳಿಯ ಸಮೀಪವಿರುವ ನೋಯ್ ಕಾಡಿನಲ್ಲಿ ಪತ್ತೆ ಹಚ್ಚಲಾಯಿತು. ಇದೀಗ ಈ ಮರವು ಅಳಿವಿನಂಚಿನಲ್ಲಿದ್ದು, ಪ್ರಪಂಚದಲ್ಲಿರುವ ಏಕಾಂಗಿ ಮರ ಇದು ಎನ್ನಲಾಗಿದೆ.

ಈ ಪ್ರಬೇಧವನ್ನು ಉಳಿಸುವ ಕಾರಣಕ್ಕೆ ಈ ಮರಕ್ಕೆ ಹೆಣ್ಣು ಸಂಗಾತಿಯ ಹುಡುಕಾಟದಲ್ಲಿ ವಿಜ್ಞಾನಿಗಳು ಕಾರ್ಯನಿರತರಾಗಿದ್ದಾರೆ. ಹೀಗಾಗಿ ವಿಜ್ಞಾನಿಗಳು ಕೃತಕ ಬುದ್ಧಿಮತ್ತೆಯ ನೆರವಿನೊಂದಿಗೆ ಮರಕ್ಕೆ ಹೆಣ್ಣು ಸಂಗಾತಿಯ ಹುಡುಕಾಟದಲ್ಲಿದ್ದಾರೆ. ಒಂದು ವೇಳೆ ಈ ಮರಕ್ಕೆ ಸಂಗಾತಿಯಾಗಿ ಹೆಣ್ಣು ಮರ ಸಿಕ್ಕರೆ ಈ ಪ್ರಬೇಧವನ್ನು ಉಳಿಸಬಹುದಾಗಿದೆ. ಇಂಗ್ಲೆಂಡಿನ ಸೌತಾಂಪ್ಟನ್ ವಿಶ್ವವಿದ್ಯಾಲಯದ ನೇತೃತ್ವದ ಸಂಶೋಧನಾ ಯೋಜನೆಯ ಭಾಗವಾಗಿ ವಿಜ್ಞಾನಿಗಳು ದಕ್ಷಿಣ ಆಫ್ರಿಕಾದ ಸಾವಿರಾರು ಎಕರೆ ಅರಣ್ಯದಲ್ಲಿ ಹೆಣ್ಣು ಸಸ್ಯದ ಹುಡುಕಾಟದಲ್ಲಿ ನಿರತರಾಗಿದ್ದಾರೆ.

ಇದನ್ನೂ ಓದಿ: ತುಂಬಾ ದಪ್ಪ ಇದ್ದೀರಾ? ತೆಳ್ಳಗಾಗಲು ಈ ಆಹಾರಗಳನ್ನು ದಿನನಿತ್ಯ ಸೇವಿಸಿ

ಈಗಾಗಲೇ ಈ ಯೋಜನೆಯ ನೇತೃತ್ವದ ವಹಿಸಿಕೊಂಡಿರುವ ಸೌತಾಂಪ್ಟನ್ ವಿಶ್ವವಿದ್ಯಾನಿಲಯದ ಸಂಶೋಧಕಿ ಡಾ ಲಾರಾ ಸಿಂಟಿ ಅವರು, ‘ವಿಜ್ಞಾನಿಗಳ ತಂಡ ಈಗ ಕೃತಕ ಬುದ್ಧಿಮತ್ತೆ ಹೊಂದಿರುವ ಡ್ರೋನ್ ಕ್ಯಾಮೆರಾಗಳನ್ನು ಬಳಸಿಕೊಂಡು ಹೆಣ್ಣು ಮರವನ್ನು ಹುಡುಕಾಟದಲ್ಲಿ ತೊಡಗಿಕೊಂಡಿದ್ದಾರೆ. ಈ ಅರಣ್ಯದಲ್ಲಿ ಎಲ್ಲೋ ಒಂದು ಹೆಣ್ಣು ಮರ ಇರಬಹುದು ಎಂದು ನಾನು ಭಾವಿಸುತ್ತೇನೆ. ಅದಕ್ಕಾಗಿ ನಾವು ಹುಡುಕಾಟ ನಡೆಸುತ್ತಿದ್ದೇವೆ. ಒಂದು ವೇಳೆ ಒಂದು ಹೆಣ್ಣು ಮರ ಸಿಕ್ಕರೆ ಇದರ ಪ್ರಬೇಧವನ್ನು ಅಭಿವೃದ್ಧಿ ಪಡಿಸಲಾಗುತ್ತದೆ ಎಂದಿದ್ದಾರೆ.

ಜೀವನಶೈಲಿಗೆ ಸಂಬಂಧಿಸಿದ ಇನ್ನಷ್ಟು ಸುದ್ದಿಗಾಗಿ ಇಲ್ಲಿ ಕ್ಲಿಕ್​ ಮಾಡಿ: