Skin Care: ತ್ವಚೆ ಕಾಂತಿಯುತವಾಗಿ ಕಾಣಲು ಐಸ್ ಬಳಸುವುದು ಹೇಗೆ?

ನಿಮ್ಮ ತ್ವಚೆಯನ್ನು ತಂಪಾಗಿರಿಸಲು ನೀವು ಬಯಸುತ್ತೀರಾ? ಬೇಸಿಗೆಯಲ್ಲಿ ನಿಮ್ಮ ಮೇಕ್ಅಪ್ (Makeup) ನಿಮ್ಮ ಚರ್ಮದ ಮೇಲೆ ಹೆಚ್ಚು ಕಾಲ ಇರುವಂತೆ ಮಾಡಲು ಬಯಸುತ್ತೀರಾ? ಹಾಗಿದ್ದರೆ ಐಸ್ ಕ್ಯೂಬ್ ಬಳಸಬಹುದು. ನಿಮ್ಮ ಮುಖದ ಮೇಲೆ ಐಸ್ ಕ್ಯೂಬ್ (Ice Cube) ಅನ್ನು ಉಜ್ಜುವುದರಿಂದ ನಿಮ್ಮ ಚರ್ಮಕ್ಕೆ ಆರಾಮ ಸಿಗುತ್ತದೆ. ಇದು ನಿಮ್ಮ ಮುಖದ ರಕ್ತ ಪರಿಚಲನೆಯನ್ನು ಹೆಚ್ಚಿಸುತ್ತದೆ ಮತ್ತು ಅದನ್ನು ಕಾಂತಿಯುತವಾಗಿಸುತ್ತದೆ. ಆರೋಗ್ಯದ ಉದ್ದೇಶಗಳಿಗಾಗಿ ದೇಹದ ಒಂದು ಪ್ರದೇಶಕ್ಕೆ ಐಸ್ ಅನ್ನು ಹಚ್ಚುವುದನ್ನು ಶೀತ ಚಿಕಿತ್ಸೆ ಅಥವಾ ಕ್ರೈಯೊಥೆರಪಿ ಎಂದೂ ಕರೆಯಲಾಗುತ್ತದೆ.

ಬಹುತೇಕ ಎಲ್ಲರ ಮನೆಯಲ್ಲೂ ಫ್ರೀಜರ್​ನಲ್ಲಿ ಐಸ್ ಕ್ಯೂಬ್ ಇಟ್ಟುಕೊಂಡಿರುತ್ತಾರೆ. ಈ ಐಸ್ ಅನ್ನು ನಿಮ್ಮ ಚರ್ಮಕ್ಕೆ ಹಚ್ಚಿ ಮಸಾಜ್ ಮಾಡುವುದರಿಂದ ಚರ್ಮವನ್ನು ಹಿತವಾಗಿ ಮತ್ತು ಆರೋಗ್ಯಕರವಾಗಿಸುತ್ತದೆ. ಏಕೆಂದರೆ ಇದು ನೈಸರ್ಗಿಕ ಹೊಳಪನ್ನು ನೀಡುವ ಗುಣಗಳನ್ನು ಹೊಂದಿದೆ. ಇದು ರಕ್ತದ ಹರಿವನ್ನು ಸುಧಾರಿಸುವ ಮೂಲಕ ಕಾಲಜನ್ ಉತ್ಪಾದನೆಯನ್ನು ಹೆಚ್ಚಿಸಲು ಸಹಾಯ ಮಾಡುತ್ತದೆ.

ಇದನ್ನೂ ಓದಿ: Skin Care Tips: ನಿಮ್ಮ ತ್ವಚೆಯ ಸೌಂದರ್ಯಕ್ಕೂ ಆಲೂಗಡ್ಡೆಗೂ ಏನು ಸಂಬಂಧ?

ಸೀರಮ್ ಅನ್ನು ಘನೀಕರಿಸಿ:

ಸೀರಮ್‌ಗಳು ನಮ್ಮ ಚರ್ಮವನ್ನು ಅವುಗಳ ತೀವ್ರ ಸಾಂದ್ರತೆಯೊಂದಿಗೆ ಪೋಷಿಸಲು ಸಹಾಯ ಮಾಡುತ್ತವೆ. ಆದ್ದರಿಂದ, ನೀವು ಐಸ್ ಕ್ಯೂಬ್‌ಗಳಲ್ಲಿ ಸೀರಮ್ ಹಾಕಿಕೊಂಡು ಮುಖಕ್ಕೆ ಹಚ್ಚಿಕೊಳ್ಳಬಹುದು. ನಿಮಗೆ ಬೇಕಾದಾಗ ಅವುಗಳನ್ನು ನಿಮ್ಮ ಮುಖದಾದ್ಯಂತ ವೃತ್ತಾಕಾರದ ಚಲನೆಯಲ್ಲಿ ನಿಧಾನವಾಗಿ ಮಸಾಜ್ ಮಾಡಿಕೊಳ್ಳಬಹುದು.

ಫೇಸ್ ಮಾಸ್ಕ್ ಫ್ರೀಜ್ ಮಾಡಿ:

ಮುಖದ ಮಾಸ್ಕ್​ಗಳನ್ನು ಬಳಸುವಾಗ ಅದನ್ನು ಫ್ರೀಜರ್​ನಲ್ಲಿಡಿ. ಅದು ಗಟ್ಟಿಯಾಗಿ ಐಸ್​ ರೂಪಕ್ಕೆ ಬಂದ ನಂತರ ಅದನ್ನು ಮುಖಕ್ಕೆ ಹಚ್ಚಿಕೊಳ್ಳಿ. ಇದು ನಿಮಗೆ ಹೊಳೆಯುವ ಮತ್ತು ಡಿ-ಪಫ್ಡ್ ಚರ್ಮವನ್ನು ನೀಡುತ್ತದೆ.

ಐಸ್ ಕ್ಯೂಬ್ ಉಬ್ಟಾನ್:

ನಿಮ್ಮ ಮುಲ್ತಾನಿ ಮಿಟ್ಟಿ ಉಬ್ಟಾನ್‌ನ ಪೇಸ್ಟ್ ಅನ್ನು ಹಚ್ಚಿಕೊಂಡರೆ ಅದು ಚರ್ಮ, ಮೊಡವೆ ಮತ್ತು ಕಲೆಗಳನ್ನು ತೆಗೆದುಹಾಕುವ ಶಕ್ತಿಯನ್ನು ಹೊಂದಿದೆ. ಇದು ತಂಪಾದ ಮಂಜುಗಡ್ಡೆಯ ಪರಿಣಾಮದೊಂದಿಗೆ ಎಣ್ಣೆಯುಕ್ತ ಚರ್ಮದಿಂದ ನಿಮ್ಮನ್ನು ಮುಕ್ತಗೊಳಿಸುತ್ತದೆ.

ಇದನ್ನೂ ಓದಿ: ಬೇಸಿಗೆಯಲ್ಲಿ ತ್ವಚೆಯ ಆರೈಕೆಗೆ ಈ ಫೇಸ್ ಪ್ಯಾಕ್​​​ಗಳು ಬೆಸ್ಟ್

ಕೋಲ್ಡ್ ಅಲೋವೆರಾ ಜೆಲ್:

ನಿಮ್ಮ ಅಲೋವೆರಾ ಜೆಲ್ ಅನ್ನು ಫ್ರೀಜರ್‌ನಲ್ಲಿ ಇರಿಸುವ ಮೂಲಕ ಹೈಡ್ರೀಕರಿಸಿದ ತ್ವಚೆಯನ್ನು ಪಡೆಯಬಹುದಾಗಿದೆ. ಇದು ಮುಖಕ್ಕೆ ಅಗತ್ಯವಿರುವ ಆರ್ಧ್ರಕವನ್ನು ನೀಡುತ್ತದೆ ಮತ್ತು ನಿಮ್ಮ ಚರ್ಮವನ್ನು ಮೊಡವೆಗಳಿಂದ ತಡೆಯುತ್ತದೆ.

ಐಸ್​ ನೀರಿನಲ್ಲಿ ಮುಖ ತೊಳೆಯಿರಿ:

ಪ್ರತಿ ದಿನವೂ ಒಂದು ಬಟ್ಟಲಿನಲ್ಲಿ ತಣ್ಣೀರನ್ನು ಇಟ್ಟುಕೊಂಡು ಅದರಲ್ಲಿ ಐಸ್ ಕ್ಯೂಬ್‌ಗಳನ್ನು ಹಾಕಿಡಿ. ಆ ತಣ್ಣನೆಯ ನೀರಿನಿಂದ ಮುಖವನ್ನು ತೊಳೆಯಬಹುದು. ಇದು ಜಲಸಂಚಯನಕ್ಕೆ ಸಹಾಯ ಮಾಡುತ್ತದೆ, ಚರ್ಮದ ರಂಧ್ರಗಳನ್ನು ತೆರೆಯುತ್ತದೆ ಮತ್ತು ಉಲ್ಲಾಸವನ್ನು ನೀಡುತ್ತದೆ.

ಇನ್ನಷ್ಟು ಜೀವನಶೈಲಿಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ