2021-22ರಲ್ಲಿ ಅಕ್ರಮವಾಗಿ ಅಮೆರಿಕ ಪ್ರವೇಶಿಸಿದ್ದು 60,000 ಭಾರತೀಯರು!
ಜನವರಿ 2022 ರಲ್ಲಿ, ಹಿಮಪಾತದ ಸಮಯದಲ್ಲಿ ನಾಲ್ವರು ಭಾರತೀಯರು ಕೆನಡಾದಿಂದ ಕಾಲ್ನಡಿಗೆಯಲ್ಲಿ ಯುಎಸ್‌ಗೆ ಪ್ರವೇಶಿಸಲು ಪ್ರಯತ್ನಿಸುತ್ತಿದ್ದಾಗ ಹೆಪ್ಪುಗಟ್ಟಿ ಸತ್ತರು. ಏಪ್ರಿಲ್ 2023 ರಲ್ಲಿ, ಇಬ್ಬರು ಮಕ್ಕಳು ಸೇರಿದಂತೆ ಮತ್ತೊಂದು ಕುಟುಂಬವು ಕೆನಡಾದ ಸೇಂಟ್ ಲಾರೆನ್ಸ್ ನದಿಯಲ್ಲಿ ಅಕ್ರಮವಾಗಿ ಯುಎಸ್ ಪ್ರವೇಶಿಸಲು ಪ್ರಯತ್ನಿಸುತ್ತಿರುವಾಗ ಮುಳುಗಿತು.
Updated on: Jun 01, 2023 | 8:21 PM
2021-22ರಲ್ಲಿ ಸುಮಾರು 60,000 ಭಾರತೀಯರು ಯುಎಸ್‌ಗೆ (US) ಅಕ್ರಮವಾಗಿ ಪ್ರವೇಶಿಸಿದ್ದಾರೆ, ಹಿಂದಿನ ವರ್ಷದಲ್ಲಿ 30,662 ಮಂದಿ ಪ್ರವೇಶಿಸಿದ್ದು ಅಕ್ರಮ ಪ್ರವೇಶಗಳಲ್ಲಿ ಶೇ 109 ಏರಿಕೆಯಾಗಿದೆ ಎಂದು ಯುಎಸ್ ಕಸ್ಟಮ್ಸ್ ಮತ್ತು ಬಾರ್ಡರ್ ಪ್ರೊಟೆಕ್ಷನ್ (US Customs and Border Protection) ಡೇಟಾ ಹೇಳಿದೆ. 2022 ರಲ್ಲಿ 683 ಭಾರತೀಯರು ಸಣ್ಣ ದೋಣಿಗಳ ಮೂಲಕ ತಮ್ಮ ತೀರಕ್ಕೆ ಅಕ್ರಮವಾಗಿ ಬಂದಿಳಿದಿದ್ದಾರೆ ಎಂದು ಯುಕೆ ಗೃಹ ಕಚೇರಿ ವರದಿ ಮಾಡಿದೆ. 2021 ರಲ್ಲಿ ಕೇವಲ 67 ಜನರು ಹೀಗೆ ಬಂದಿದ್ದರು. ಈ ಅಂಕಿಅಂಶಗಳು, ಭಾರತೀಯರು ಅಕ್ರಮವಾಗಿ ವಿದೇಶಗಳಿಗೆ ಪ್ರವೇಶಿಸುವ ಪ್ರಯತ್ನದಲ್ಲಿ ಮೋಸಹೋಗುವ ಪ್ರಕರಣಗಳನ್ನು ತೋರಿಸುತ್ತವೆ ಎಂದು ನ್ಯೂಸ್ 9 ಪ್ಲಸ್ ವರದಿ ಮಾಡಿದೆ.
ಅಕ್ರಮ ವಲಸೆ ಪ್ರಕರಣಗಳು ಹೆಚ್ಚಾಗಿ ಪಂಜಾಬ್, ಹರ್ಯಾಣ, ಗುಜರಾತ್ ಮತ್ತು ಇತ್ತೀಚೆಗೆ ಉತ್ತರಾಖಂಡದಿಂದ ವರದಿ ಆಗಿದೆ. ‘ಕತ್ತೆ ಮಾರ್ಗ’ (donkey routes) ಎಂದು ಕರೆಯಲ್ಪಡುವ ಅಕ್ರಮ ಮಾರ್ಗಗಳ ಮೂಲಕ ಅಮೆರಿಕ,ಯುಕೆ ಅಥವಾ ಕೆನಡಾದಂತಹ ದೇಶಗಳಿಗೆ ತೆರಳಲು ಅವರು ಏಜೆಂಟ್‌ಗಳು ಅಥವಾ ‘ಡಾನ್ಕರ್‌ಗಳಿಗೆ’ 45-50 ಲಕ್ಷ ರೂಪಾಯಿಗಳನ್ನು ಪಾವತಿಸುತ್ತಾರೆ. ಅವರಲ್ಲಿ ಹಲವರು ವಿದೇಶಿ ದೇಶಗಳಿಗೆ ಅಪಾಯಕಾರಿ ಪ್ರಯಾಣಕ್ಕಾಗಿ ತಮ್ಮ ಭೂಮಿಯನ್ನು ಮಾರಾಟ ಮಾಡುತ್ತಾರೆ ಅಥವಾ ಅಡಮಾನ ಇಡುತ್ತಾರೆ
ಕಳೆದ ವರ್ಷದಲ್ಲಿ ರಾಜ್ಯದಿಂದ ಅಕ್ರಮ ವಲಸೆಯಲ್ಲಿ ಶೇ40 ಏರಿಕೆಯಾಗಿದೆ ಎಂದು ಪಂಜಾಬ್ ಪೊಲೀಸ್ ಮೂಲಗಳು ನ್ಯೂಸ್ 9 ಪ್ಲಸ್‌ಗೆ ಖಚಿತ ಪಡಿಸಿವೆ. ಪಂಜಾಬ್‌ನಲ್ಲಿ ಏನೂ ಉಳಿದಿಲ್ಲ, ಡ್ರಗ್ಸ್ ಮತ್ತು ತೀವ್ರಗಾಮಿಗಳು ಮಾತ್ರ ಎಂದು ಯುವರಾಜ್ ರಾಣಾ ಹೇಳಿದ್ದಾರೆ.ಯುಕೆಯಲ್ಲಿ ನೆಲೆಸುವ ಭರವಸೆಯಲ್ಲಿ ಇವರು ಅಕ್ರಮವಾಗಿ ಅನೇಕ ದೇಶಗಳಿಗೆ ಹೋಗಿದ್ದಾರೆ.
ಇದನ್ನೂ ಓದಿ: ಗುರುನಾನಕ್ ಥಾಯ್ಲೆಂಡ್‌ಗೆ ಹೋಗಿದ್ದರು ಎಂದ ರಾಹುಲ್; ಇದೆಲ್ಲ ಎಲ್ಲಿ ಓದಿದ್ದು? ಎಂದು ಕೇಳಿದ ಬಿಜೆಪಿ
ನನ್ನ ಏಜೆಂಟ್ ನನ್ನನ್ನು ಜಾರ್ಜಿಯಾಕ್ಕೆ ಕಳುಹಿಸಿದ್ದಾರೆ. ನಂತರ ನಾನು ಉತ್ತಮ ಅವಕಾಶಗಳಿಗಾಗಿ ನನ್ನನ್ನು ಟರ್ಕಿಗೆ ಕಳುಹಿಸುವಂತ ನನ್ನ ಏಜೆಂಟರನ್ನು ಕೇಳಿದೆ. ನಾನು ಅಪಾಯಕಾರಿ ಬಸ್ ಪ್ರಯಾಣ ಮಾಡಿದೆ. ಊಟ ಅಥವಾ ನೀರಿಲ್ಲದೆ ನಮ್ಮನ್ನು ಬಸ್ಸಿನ ಸೀಟಿನ ಕೆಳಗೆ ಬಂಕರ್‌ನೊಳಗೆ ಬಹಳ ಗಂಟೆಗಳ ಕಾಲ ಇರಿಸಲಾಯಿತುನಂತರ ನಾನು ಸ್ಪೀಡ್ ಬೋಟ್ ಮೂಲಕ ಗ್ರೀಸ್‌ಗೆ ಹೋಗಲು ನಿರ್ಧರಿಸಿದೆ. ಆದರೆ ನಾನು ಅಲ್ಲಿ ಪೊಲೀಸರಿಗೆ ಸಿಕ್ಕಿಬಿದ್ದೆ ಎಂದು ರಾಣಾ ನೆನಪಿಸಿಕೊಂಡರು.
ಅಕ್ರಮವಾಗಿ ಇಟಲಿ ಪ್ರವೇಶಿಸಲು ಯತ್ನಿಸಿದಾಗ ರಾಣಾ ಕೂಡ ಕೋಸ್ಟ್ ಗಾರ್ಡ್ ಕೈಗೆ ಸಿಕ್ಕಿಬಿದ್ದಿದ್ದಾನೆ. ಒಂದು ವರ್ಷದ ನಂತರ, ಅವರು ಫ್ರಾನ್ಸ್‌ಗೆ ಪ್ರವೇಶಿಸಲು ಯಶಸ್ವಿಯಾದರು, ಅಲ್ಲಿಂದ ಅವರು ಯುಕೆಗೆ ಪ್ರವೇಶಿಸಲು ಹಲವಾರು ವಿಫಲ ಪ್ರಯತ್ನಗಳನ್ನು ಮಾಡಿದರು. ಇದೇ ರೀತಿಯ ಅನೇಕ ಕತೆ ಪಂಜಾಬ್ ಮನೆಗಳಲ್ಲಿ ಕಾಣಬಹುದು.
ವಿದೇಶಾಂಗ ವ್ಯವಹಾರಗಳ ಸಚಿವಾಲಯದ ಅಕ್ರಮ ವಲಸೆ ಸಮಿತಿಯ ಭಾಗವಾಗಿದ್ದ ಪ್ರೊಫೆಸರ್ ಅಮರಜೀವ ಲೋಚನ್ ಕಳೆದ 7-8 ವರ್ಷಗಳಿಂದ, ಅಕ್ರಮ ವಲಸಿಗರ ಪಟ್ಟಿಯಲ್ಲಿ ಭಾರತ ನಿರಂತರವಾಗಿ ಮೊದಲ ಐದು ಸ್ಥಾನದಲ್ಲಿದೆ ಎಂದು ಹೇಳಿದ್ದಾರೆ.
ಜನವರಿ 2022 ರಲ್ಲಿ, ಹಿಮಪಾತದ ಸಮಯದಲ್ಲಿ ನಾಲ್ವರು ಭಾರತೀಯರು ಕೆನಡಾದಿಂದ ಕಾಲ್ನಡಿಗೆಯಲ್ಲಿ ಯುಎಸ್‌ಗೆ ಪ್ರವೇಶಿಸಲು ಪ್ರಯತ್ನಿಸುತ್ತಿದ್ದಾಗ ಹೆಪ್ಪುಗಟ್ಟಿ ಸತ್ತರು. ಏಪ್ರಿಲ್ 2023 ರಲ್ಲಿ, ಇಬ್ಬರು ಮಕ್ಕಳು ಸೇರಿದಂತೆ ಮತ್ತೊಂದು ಕುಟುಂಬವು ಕೆನಡಾದ ಸೇಂಟ್ ಲಾರೆನ್ಸ್ ನದಿಯಲ್ಲಿ ಅಕ್ರಮವಾಗಿ ಯುಎಸ್ ಪ್ರವೇಶಿಸಲು ಪ್ರಯತ್ನಿಸುತ್ತಿರುವಾಗ ಮುಳುಗಿತು.
ಹರ್ಯಾಣದ ರೈತ ಶಿವ್ ಕಟಾರಿಯಾ ಯುಎಸ್‌ನಲ್ಲಿ ವಾಸಿಸುವ ಕನಸು ಕಂಡಿದ್ದರು ಆದರೆ ಮೋಸ ಹೋಗಿದ್ದಾರೆ. ನಾನು ಯುಎಸ್‌ನಲ್ಲಿ ತಿಂಗಳಿಗೆ ಕನಿಷ್ಠ 5-6 ಲಕ್ಷ ರೂಪಾಯಿ ಗಳಿಸುತ್ತೇನೆ ಎಂದು ನನಗೆ ಹೇಳಲಾಗಿತ್ತು. ನನ್ನ ಪ್ರಯಾಣಕ್ಕೆ ಅನುಕೂಲ ಮಾಡಿಕೊಡಲು ನಾನು ಏಜೆಂಟ್‌ಗೆ 20 ಲಕ್ಷ ರೂ ನೀಡಿದ್ದೆ. ಅವರು ಯಾವ ದಾಖಲೆಗಳಿಗೆ ಸಹಿ ಹಾಕಲು ನನ್ನನ್ನು ಕೇಳುತ್ತಿದ್ದಾರೆ ಎಂಬುದು ನನಗೆ ತಿಳಿದಿರಲಿಲ್ಲ. ನನ್ನ ಜಮೀನನ್ನು ಅವನಿಗೆ ಹಸ್ತಾಂತರಿಸುವ ಸ್ಟಾಂಪ್ ಪೇಪರ್‌ಗೆ ಸಹಿ ಹಾಕುವಂತೆ ಅವನು ನನ್ನನ್ನು ಮೋಸಗೊಳಿಸಿದ್ದಾನೆಂದು ನಂತರ ನಾನು ಕಂಡುಕೊಂಡೆ. ನಾನು ನನ್ನ ಹಣವನ್ನು ಮತ್ತು ನನ್ನ ಕೃಷಿ ಭೂಮಿಯನ್ನು ಕಳೆದುಕೊಂಡೆ ಎಂದು ಅವರು ಹೇಳಿದರು.
ವಂಚನೆ, ಗಡೀಪಾರು ಅನೇಕ ನಿದರ್ಶನಗಳ ಹೊರತಾಗಿಯೂ, ಆಕಾಂಕ್ಷಿಗಳು ಎಷ್ಟೇ ಹಣ ತೆತ್ತು ವಿದೇಶಗಳಗೆ ಹೋಗುವ ಕನಸು ಕಾಣುತ್ತಾರೆ. ಇಂಗ್ಲಿಷ್ ಕಲಿಯುವ ಮತ್ತು ಪರೀಕ್ಷೆಗಳನ್ನು ತೆರವುಗೊಳಿಸುವ ಪ್ರಕ್ರಿಯೆಯ ಮೂಲಕ ಹೋಗಲು ಬಯಸದವರು ಅಥವಾ ಅದು ವಿಳಂಬವಾಗುತ್ತದೆ ಎಂದು ನಂಬುವವರು, ಅಕ್ರಮ ಮಾರ್ಗಗಳ ಮೂಲಕ ಕಳುಹಿಸಲು ಅವರು ನಮಗೆ ಭಾರಿ ಮೊತ್ತವನ್ನು ನೀಡುತ್ತಾರೆ ಎಂದು ಜಲಂಧರ್‌ನ ಸಾಗರೋತ್ತರ ಕನ್ಸಲ್ಟೆನ್ಸಿಯ ಅರ್ಪಿತಾ ಶರ್ಮಾ ಹೇಳಿದ್ದಾರೆ.
ಇದನ್ನೂ ಓದಿ: ವಿದೇಶಿ ಮಣ್ಣಲ್ಲಿ ನಿಂತು ದೇಶಕ್ಕೆ ಕಪ್ಪು ಮಸಿ ಬಳಿಯುವ ರಾಹುಲ್ ಒಬ್ಬ ಫೇಕ್ ಗಾಂಧಿ : ಕೇಂದ್ರ ಸಚಿವ ಪ್ರಲ್ಹಾದ ಜೋಶಿ ವಾಗ್ದಾಳಿ
ಉತ್ತರ ಭಾರತಕ್ಕಿಂತ ಭಿನ್ನವಾಗಿ, ಗುಜರಾತ್‌ನ ಮಹತ್ವಾಕಾಂಕ್ಷಿ ವಲಸಿಗರು ವಿಭಿನ್ನ ಪ್ರೇರಣೆಯನ್ನು ಹೊಂದಿದ್ದಾರೆ. ವಿದೇಶದಲ್ಲಿ ದೊಡ್ಡ ಸಂಖ್ಯೆಯಲ್ಲಿ ಗುಜರಾತಿ ವಲಸಿಗರು ಇದ್ದಾರೆ. ಯಾರೋ ಪಾಶ್ಚಿಮಾತ್ಯ ದೇಶಗಳಲ್ಲಿ ಹೆಚ್ಚು ಸಂಪಾದಿಸಿದ್ದು ಇದು ಹೆಚ್ಚು ಜನರನ್ನು ಅಲ್ಲಿಗೆ ಹೋಗಲು ಪ್ರೇರೇಪಿಸುತ್ತದೆ” ಎಂದು ಗುಜರಾತ್‌ನ ಸಾಗರೋತ್ತರ ಶಿಕ್ಷಣ ಸಲಹೆಗಾರರಾದ ವೈಶಾಲಿ ಶಾ ಹೇಳಿದರು.
ಭಾರತದಿಂದ ಹೊರಗಿರುವ ಅತಿರೇಕದ ವಲಸೆಯ ಪರಿಣಾಮದ ಕುರಿತು ಪ್ರತಿಕ್ರಿಯಿಸಿದ ಕೆನಡಾ ಮೂಲದ ವಲಸೆ ವಕೀಲ ಖಾಲಿದ್ ಅರ್ಷದ್, ಯಾವುದೇ ಸಮಯದಲ್ಲಿ ವಲಸೆ ಸಂಭವಿಸಿದರೂ, ಕಾನೂನು ಅಥವಾ ಕಾನೂನುಬಾಹಿರವಾಗಿದ್ದರೂ, ಅದು ಯಾವಾಗಲೂ ಬುದ್ಧಿವಂತರನ್ನು ಕಳೆದುಕೊಳ್ಳುತ್ತಿದೆ. ಭಾರತದಿಂದ ಸಾಕಷ್ಟು ಹಣವೂ ಹೋಗುತ್ತಿದೆ. ಈ ಅಕ್ರಮ ಏಜೆಂಟರಿಗೆ ಸಂದಾಯವಾಗುತ್ತಿರುವ ಹಣ ಖಂಡಿತವಾಗಿಯೂ ಕಪ್ಪು ಹಣ. ಕುಟುಂಬಗಳು ನಾಶವಾಗುತ್ತಿವೆ ಎಂದಿದ್ದಾರೆ.
ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ
