ಎನ್​​ಇಪಿಯ ಮೂರನೇ ವರ್ಷಾಚರಣೆ ಸಂದರ್ಭದಲ್ಲಿ ಪ್ರಧಾನಿ ಮೋದಿಗೆ ಚಿಣ್ಣರ ಸಂದೇಶ; ವಿಡಿಯೊ ಟ್ವೀಟ್ ಮಾಡಿದ ಧರ್ಮೇಂದ್ರ ಪ್ರಧಾನ್

ದೆಹಲಿ ಜುಲೈ 28: ರೆಕ್ಕೆಗಳನ್ನು ಬಿಚ್ಚಿ ಆಕಾಶದಲ್ಲಿ ಸ್ವಚ್ಛಂದವಾಗಿ ಹಾರುವೆವು, ಆಡುವೆವು, ಜಿಗಿಯುವೆವು ಕಲಿಯುವೆವು, ಭಾರತದ ಕೀರ್ತಿಯನ್ನು ಹೆಚ್ಚಿಸುವೆವು. ನಮ್ಮ ಶಿಶುವಿಹಾರದ ಈ ಚಿಕ್ಕ ಸ್ನೇಹಿತರ ಕನಸುಗಳು ಮತ್ತು ಪ್ರತಿಭೆಗಳು ನಿಮಗೂ ಸಂತೋಷವನ್ನು ನೀಡುತ್ತದೆ. ಎನ್​​ಇಪಿಯ (National Education Policy 2020) ಮೂರನೇ ವರ್ಷಾಚರಣೆ ಸಂದರ್ಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರಿಗೆ ಪುಟ್ಟ ಸ್ನೇಹಿತರಿಂದ ಸಂದೇಶ ಎಂದು ಕೇಂದ್ರ ಶಿಕ್ಷಣ ಸಚಿವ ಧರ್ಮೇಂದ್ರ ಪ್ರಧಾನ್ (Dharmendra Pradhan) ವಿಡಿಯೊವೊಂದನ್ನು ಟ್ವೀಟ್ ಮಾಡಿದ್ದಾರೆ. ರಾಷ್ಟ್ರೀಯ ಶಿಕ್ಷಣ ನೀತಿಗೆ ಮೂರು ವರ್ಷ. ಕಳೆದ ಮೂರು ವರ್ಷಗಳಲ್ಲಿ ಮಾಡಿದ ಬದಲಾವಣೆಗಳನ್ನು ಆಚರಿಸಲು, ಜುಲೈ 29 ರಿಂದ ಎರಡು ದಿನಗಳ “ಅಖಿಲ ಭಾರತ ಶಿಕ್ಷಣ ಸಮಾವೇಶ”ವನ್ನು ಆಯೋಜಿಸಲಾಗಿದೆ. ಈ ಶಿಕ್ಷಣ ಸಮಾವೇಶ ಉದ್ಘಾಟನೆಯನ್ನು ಗೌರವಾನ್ವಿತ ಪ್ರಧಾನಿ ನರೇಂದ್ರ ಮೋದಿ ನೆರವೇರಿಸಲಿದ್ದಾರೆ.ನಿಮ್ಮೆಲ್ಲರನ್ನೂ ಈ ಉತ್ಸವದಲ್ಲಿ ಭಾಗವಹಿಸಲು ನಾನು ಆಹ್ವಾನಿಸುತ್ತೇನೆ. ಭಾರತದ ಉಜ್ವಲ ಭವಿಷ್ಯಕ್ಕಾಗಿ ನಾವೆಲ್ಲರೂ ಒಟ್ಟಾಗಿ ಕೆಲಸ ಮಾಡೋಣ ಎಂದು ಸಚಿವರು ಇನ್ನೊಂದು ಟ್ವೀಟ್ ನಲ್ಲಿ ಆಮಂತ್ರಿಸಿದ್ದಾರೆ.

फैला कर सारे पंख, उड़ेंगे खुले आसमान में खेलेंगे-कूदेंगे, सीखेंगे, भारत का मान बढ़ाएँगे॥

बालवाटिका के हमारे इन नन्हें मित्रों के सपने और इनकी प्रतिभा आपको भी आनंदित करेगी। #3YearsOfNEP पर प्रधानमंत्री @narendramodi जी के लिए नन्हें दोस्तों का संदेश। pic.twitter.com/BSwZFgaxLh

— Dharmendra Pradhan (@dpradhanbjp) July 28, 2023

ಶಾಲೆಗಳು, ಉನ್ನತ ಶಿಕ್ಷಣ ಸಂಸ್ಥೆಗಳು ಮತ್ತು ಕೌಶಲ್ಯ ಸಂಸ್ಥೆಗಳ ಪರಿಣಿತರಿಗೆ NEP 2020 ಅನ್ನು ಅನುಷ್ಠಾನಗೊಳಿಸುವಲ್ಲಿ ಒಳನೋಟಗಳು, ತಂತ್ರಗಳು, ಯಶಸ್ಸಿನ ಕಥೆಗಳು ಮತ್ತು ಉತ್ತಮ ಅಭ್ಯಾಸಗಳನ್ನು ಚರ್ಚಿಸಲು ಮತ್ತು ಹಂಚಿಕೊಳ್ಳಲು  ಈ ಸಮಾವೇಶ ವೇದಿಕೆಯನ್ನು ಒದಗಿಸುತ್ತದೆ.

ಇದನ್ನೂ ಓದಿ: ಭಾರತೀಯ ಭಾಷೆಗಳಲ್ಲೂ ಬೋಧನಾ ಆಯ್ಕೆ: CBSEಯಿಂದ ಪ್ರಶಂಸನೀಯ ಹೆಜ್ಜೆ ಎಂದ ಧರ್ಮೇಂದ್ರ ಪ್ರಧಾನ್

NEP2020 ಅದರ ನಿಬಂಧನೆಗಳೊಂದಿಗೆ ವಿದ್ಯಾರ್ಥಿಗಳು, ಪೋಷಕರು ಮತ್ತು ಶಿಕ್ಷಕರು ಶಿಕ್ಷಣವನ್ನು ನೋಡುವ ರೀತಿಯಲ್ಲಿ ಬದಲಾವಣೆಯನ್ನು ತರುವ ಗುರಿಯನ್ನು ಹೊಂದಿದೆ. ಶೈಕ್ಷಣಿಕ ಉತ್ಕೃಷ್ಟತೆಯ ಹೊರತಾಗಿ, ಎಲ್ಲಾ ಕೆಲಸ, ಉದ್ಯಮಶೀಲತೆ, ಸೇವೆ, ಇತರ ಕ್ಷೇತ್ರಗಳಲ್ಲಿ ಬಹು-ಶಿಸ್ತಿನ ದೃಷ್ಟಿಕೋನಕ್ಕಾಗಿ ಅಗತ್ಯವಾದ ಜೀವನ ಕೌಶಲ್ಯಗಳನ್ನು ನಿರ್ಮಿಸುವ ಗುರಿಯನ್ನು ಹೊಂದಿದೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 6:17 pm, Fri, 28 July 23