Bhogapuram Airport: ಈಗ ಟಿಡಿಪಿ ಸಂಸದ ವಿಮಾನಯಾನ ಸಚಿವ, ಚಂದ್ರಬಾಬು ಸಿಎಂ -ಜೆಟ್​​ ವೇಗದಲ್ಲಿ ಶುರು ಭೋಗಾಪುರಂ ವಿಮಾನ ನಿಲ್ದಾಣದ ಕಾಮಗಾರಿ!

ಇತ್ತೀಚಿನ ಅಸೆಂಬ್ಲಿ ಚುನಾವಣೆ ಮತ್ತು ಲೋಕಸಭಾ ಚುನಾವಣೆ ಬಳಿಕ ಆಂದ್ರ ಪ್ರದೇಶದ ರಾಜಕೀಯ ಚಿತ್ರಣ ಸಂಪೂರ್ಣ ಬದಲಾಗಿದೆ. ಭೌಗೋಳಿಕವಾಗಿಯೂ ಆಂದ್ರದ ಚಿತ್ರಣ ಸಅಕಷ್ಟು ಬದಲಾವಣೆಗೆ ಒಡ್ಡಿಕೊಳ್ಳುತ್ತಿದೆ. ಇದಕ್ಕೆಲ್ಲ ತೆಲುಗುದೇಶಂ, ಜನಸೇನಾ ಸಂಘ ಮತ್ತು ಬಿಜೆಪಿ ತ್ರಿಮೈತ್ರಿ ಭರ್ಜರಿಯಾಗಿ ಜಯಭೇರಿ ಬಾರಿಸಿದ್ದೇ ಕಾರಣವಾಗಿದೆ. ಈಗ ಟಿಡಿಪಿ ಸಂಸದ, ದಿವಂಗತ ಯರ್ರಾನ್ ನಾಯ್ಡು ಅವರ ಪುತ್ರ ಮೂರು ಬಾರಿ ಶ್ರೀಕಾಕುಳಂ ಲೋಕಸಭಾ ಕ್ಷೇತ್ರದ ಸಂದರಾಗಿರುವ 36 ವರ್ಷದ ರಾಮಮೋಹನ್ ನಾಯ್ಡು (Rammohan Naidu) ಕಿಂಜರಾಪು @RamMNK ಅವರು ಕೇಂದ್ರದ 34ನೇ ವಿಮಾನಯಾನ ಸಚಿವರಾಗಿದ್ದು, ಚಂದ್ರಬಾಬು ನಾಯ್ಡು ಆಂಧ್ರ ಮುಖ್ಯಮಂತ್ರಿಯಾಗುತ್ತಿದ್ದಂತೆ ಕಾಮಗಾರಿಗಳಿಗೆ ಚಾಲನೆ ನಿಡಲು ತಡವೇಕೆ? ಎಂಬಂತೆ ಆಂಧ್ರದ ಭೋಗಾಪುರಂ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದ (Bhogapuram Airport) ಕಾಮಗಾರಿಗೆ ಜೆಟ್​​ ವೇಗದ ಸಿಕ್ಕಿದೆ.

ಭೋಗಾಪುರಂ ಗ್ರೀನ್ ಫೀಲ್ಡ್ ವಿಮಾನ ನಿಲ್ದಾಣ ನಿರ್ಮಾಣ ಕಾಮಗಾರಿ ಈಗ AP ರಾಜ್ಯ ಸರ್ಕಾರದ ಆದ್ಯತೆಯಾಗಿದೆ. ನೂತನ ರಾಜ್ಯ ಸರಕಾರ ಹಾಗೂ ಕೇಂದ್ರ ಸರಕಾರ ಆದಷ್ಟು ಬೇಗ ವಿಮಾನ ನಿಲ್ದಾಣದ ಕಾಮಗಾರಿ ಪೂರ್ಣಗೊಳಿಸಿ ರನ್ ವೇಯಲ್ಲಿ ವಿಮಾನಗಳ ಹಾರಾಟಕ್ಕೆ ಅನುವು ಮಾಡಿಕೊಡಲು ಮುಂದಾಗಿವೆ. ಅದಕ್ಕಾಗಿ ಎಪಿಎಡಿಸಿಎಲ್ ನಿರಂತರವಾಗಿ ನಿಗಾ ಇಡುತ್ತಿದೆ. ಉತ್ತರಾಂಧ್ರದ ಹೃದಯಭಾಗದಲ್ಲಿರುವ ಭೋಗಾಪುರಂನಲ್ಲಿ ನಿರ್ಮಿಸಲಾಗುತ್ತಿರುವ ಗ್ರೀನ್ ಫೀಲ್ಡ್ ವಿಮಾನ ನಿಲ್ದಾಣವು ಆಂಧ್ರಪ್ರದೇಶದ ರಾಜಧಾನಿಯಾಗಿದೆ. ವಿಶಾಖಪಟ್ಟಣಂ ಮತ್ತು ಶ್ರೀಕಾಕುಳಂ ಜಿಲ್ಲೆಯ ಮಧ್ಯಭಾಗದಲ್ಲಿರುವ ಭೋಗಾಪುರಂನಲ್ಲಿ ವಿಮಾನ ನಿಲ್ದಾಣ ನಿರ್ಮಾಣವಾದರೆ ಪ್ರಯಾಣಿಕರ ಸೌಕರ್ಯ ಮತ್ತು ಸರಕು ಸಾಗಣೆಗೆ ನೆರವಾಗಲಿದೆ

ಜೆಟ್​​ ವೇಗದಲ್ಲಿ ಶುರು ಭೋಗಾಪುರಂ ವಿಮಾನ ನಿಲ್ದಾಣದ ಕಾಮಗಾರಿ- ವಿಮಾನಗಳ ಟೇಕ್​ ಆಫ್​ ಯಾವಾಗ?

ರಾಜ್ಯ ವಿಭಜನೆಯ ಭಾಗವಾಗಿ ಆಂಧ್ರಕ್ಕೆ ಹಂಚಿಕೆಯಾದ ಪ್ರಮುಖ ಯೋಜನೆಗಳಲ್ಲಿ ಭೋಗಾಪುರಂ ಗ್ರೀನ್ ಫೀಲ್ಡ್ ವಿಮಾನ ನಿಲ್ದಾಣವೂ ಒಂದಾಗಿದೆ. ಎಲ್ಲವನ್ನೂ ಪರಿಗಣಿಸಿದ ನಂತರ, ವಿಶಾಖ ಮತ್ತು ಶ್ರೀಕಾಕುಳಂ ಜಿಲ್ಲೆಗಳ ಬಳಿ ವಿಜಯನಗರಂ ಜಿಲ್ಲೆಯ ಭೋಗಾಪುರಂನಲ್ಲಿ ನಿರ್ಮಿಸಲು ನಿರ್ಧರಿಸಲಾಯಿತು. 2016ರಲ್ಲಿ ಸರ್ಕಾರ ಸ್ಥಳ ಗುರುತಿಸಿ ವಿಮಾನ ನಿಲ್ದಾಣಕ್ಕೆ ಸೂಚನೆ ನೀಡಿತ್ತು. ಅದಾದ ನಂತರ ಹಲವು ಅಡೆತಡೆಗಳೊಂದಿಗೆ ಭೂಸ್ವಾಧೀನ ಪೂರ್ಣಗೊಂಡು ನಿರ್ಮಾಣ ಕಾರ್ಯವನ್ನು ಅಂದಿನ ಚಂದ್ರಬಾಬು ಸರ್ಕಾರ ಪ್ರಸಿದ್ಧ ಜಿಎಂಆರ್ ಕಂಪನಿಗೆ ವಹಿಸಿತ್ತು.

ಭೋಗಾಪುರಂ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವನ್ನು ನಿರ್ಮಿಸಲು ಕೇಂದ್ರ ಸರ್ಕಾರವು ಎಲ್ಲಾ ರೀತಿಯ ಅನುಮತಿಗಳನ್ನು ನೀಡಿದ ನಂತರ GMR ಕಂಪನಿಯು ಸುಮಾರು 4,750 ಕೋಟಿ ವೆಚ್ಚದಲ್ಲಿ ವಿಮಾನ ನಿಲ್ದಾಣದ ನಿರ್ಮಾಣವನ್ನು ಪ್ರಾರಂಭಿಸಲು ಸಿದ್ಧವಾಗಿದೆ. 2023 ಫೆಬ್ರವರಿ 3, 2023 ರಂದು, GMR ಕಾರ್ಪೊರೇಷನ್ ಅಡಿಗಲ್ಲು ಹಾಕುವ ಮೂಲಕ ಕೆಲಸವನ್ನು ಪ್ರಾರಂಭಿಸಿತು. ಇನ್ನು ಕೇವಲ ಮೂರು ವರ್ಷಗಳಲ್ಲಿ ವಿಮಾನ ನಿಲ್ದಾಣದ ಕಾಮಗಾರಿ ಪೂರ್ಣಗೊಂಡು ಕಾರ್ಯಾಚರಣೆ ಆರಂಭವಾಗಲಿದೆ ಎಂದು ವಿಮಾನ ನಿಲ್ದಾಣ ನಿರ್ಮಾಣ ಸಂಸ್ಥೆ ಹೇಳಿತ್ತು. ಆದರೆ ಆರಂಭಗೊಂಡ ಕಾಮಗಾರಿಗಳು ನಿಧಾನಗತಿಯಲ್ಲಿ ಸಾಗಿರುವ ಜತೆಗೆ ವಿಮಾನ ನಿಲ್ದಾಣಕ್ಕೆ ಸಂಪರ್ಕ ಕಲ್ಪಿಸುವ ಸೀಡ್ ಅಕ್ಷ ರಹದಾರಿ ಸೇರಿ ಹಲವು ಕಾಮಗಾರಿಗಳು ಇನ್ನೂ ಆರಂಭಗೊಂಡಿರಲಿಲ್ಲ.

Also Read: ಮನೆಯಲ್ಲಿ ನೇಣು ಹಾಕಿಕೊಂಡು ಕಾಂಗ್ರೆಸ್​​ ಶಾಸಕನ ಪತ್ನಿ, ಶಾಲಾ ಶಿಕ್ಷಕಿ ಆತ್ಮಹತ್ಯೆ

ಕಾಮಗಾರಿ ಪೂರ್ಣಗೊಳ್ಳುವ ಅನುಮಾನ ಎಲ್ಲರಲ್ಲೂ ಮೂಡಿತ್ತು. ಆದರೆ ಇದೀಗ ಉತ್ತರ ಆಂಧ್ರದ ಶ್ರೀಕಾಕುಳಂ ಸಂಸದ ರಾಮಮೋಹನ್ ನಾಯ್ಡು ಕೇಂದ್ರ ವಿಮಾನಯಾನ ಸಚಿವರಾಗಿರುವುದರಿಂದ ಹೊಸ ಭರವಸೆ ಚಿಗುರಿದೆ. ವಿಮಾನ ನಿಲ್ದಾಣ ಕಾಮಗಾರಿಗೆ ಚಾಲನೆ ನೀಡಿ ನಿಗದಿತ ಅವಧಿಯೊಳಗೆ ವಿಮಾನ ನಿಲ್ದಾಣ ನಿರ್ಮಾಣ ಕಾಮಗಾರಿ ಪೂರ್ಣಗೊಳ್ಳಲಿದೆ ಎಂದು ಉತ್ತರಾಂಧ್ರದ ಜನತೆ ಸಂತಸ ವ್ಯಕ್ತಪಡಿಸುತ್ತಿದ್ದಾರೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ ಎರಡು ವರ್ಷಗಳಲ್ಲಿ ವಿಮಾನ ನಿಲ್ದಾಣ ಕಾರ್ಯಾರಂಭವಾಗಲಿದೆ.

ಭೋಗಾಪುರಂ ವಿಮಾನ ನಿಲ್ದಾಣ ಕಾಮಗಾರಿ ಪೂರ್ಣಗೊಂಡರೆ ಪ್ರಯಾಣಿಕರ ದಟ್ಟಣೆ ಹಾಗೂ ಸರಕು ಸಾಗಣೆ ಸೇವೆಯಲ್ಲಿ ಗಣನೀಯ ಏರಿಕೆಯಾಗುವ ಸಾಧ್ಯತೆ ಇದೆ. ಅಂತರಾಷ್ಟ್ರೀಯ ವಿಮಾನ ನಿಲ್ದಾಣವಾಗಿರುವುದರಿಂದ ಇಲ್ಲಿಂದ ಬೇರೆ ದೇಶಗಳಿಗೂ ಆಗಮನ, ನಿರ್ಗಮನವಿರುತ್ತದೆ. ಅದೂ ಅಲ್ಲದೆ ಪ್ರತ್ಯಕ್ಷವಾಗಿ ಮತ್ತು ಪರೋಕ್ಷವಾಗಿ ಉದ್ಯೋಗಾವಕಾಶಗಳು ಹೆಚ್ಚಾಗಲಿವೆ. ಹಿಂದುಳಿದ ಉತ್ತರ ಆಂಧ್ರದ ಮೂರು ಜಿಲ್ಲೆಗಳು ಸ್ಪಷ್ಟವಾಗಿ ಅಭಿವೃದ್ಧಿಯತ್ತ ಮುಖ ಮಾಡಲಿವೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ