ಬ್ಯಾಂಕ್ ದರೋಡೆಗೆ ಬಂದ ಕಳ್ಳ ತನ್ನ ಕತ್ತನ್ನು ತಾನೇ ಕೊಯ್ದುಕೊಂಡು ಸತ್ತ: ಯಾಕೆ, ಎಲ್ಲಿ?
ಗಾಂಧಿನಗರ: ಬ್ಯಾಂಕ್ ದರೋಡೆ ಮಾಡಲು ಬಂದ ಕಳ್ಳ ತನ್ನ ಕೊರಳನ್ನು ತಾನೇ ಕೊಯ್ದುಕೊಂಡಿರುವ ಸ್ವಾರಸ್ಯಕರ ಸಂಗತಿ ಗುಜರಾತ್ನ ವಡೋದರದಲ್ಲಿ ಬೆಳಕಿಗೆ ಬಂದಿದೆ. ಕಳೆದ ಶನಿವಾರ ರಾತ್ರಿ ಈ ಘಟನೆ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 30 ವರ್ಷದ ನಿತಿನ್ ವೋರಾ ಮೃತ ದರೋಡೆಕೋರ. ನಗರದ ಸಂಗಮ್ ರೋಡ್ನಲ್ಲಿರುವ ಉಜ್ಜೀವನ್ ಸಣ್ಣ ಹಣಕಾಸು ಬ್ಯಾಂಕ್ನ ಶಾಖೆಗೆ ಎಂಟ್ರಿ ಕೊಟ್ಟ ಕಳ್ಳ ಸೀದಾ ನುಗ್ಗಿದ್ದು ಬ್ಯಾಂಕ್ನ ನಗದು ಸಂಗ್ರಹಿಸುವ ಸ್ಟ್ರಾಂಗ್ ರೂಮ್ಗೆ. ಅಲ್ಲೇ ನೋಡಿ ಅವನ ಕರಾಮತ್ತು ಶುರುವಾಗಿದ್ದು. ತನ್ನ […]
ಗಾಂಧಿನಗರ: ಬ್ಯಾಂಕ್ ದರೋಡೆ ಮಾಡಲು ಬಂದ ಕಳ್ಳ ತನ್ನ ಕೊರಳನ್ನು ತಾನೇ ಕೊಯ್ದುಕೊಂಡಿರುವ ಸ್ವಾರಸ್ಯಕರ ಸಂಗತಿ ಗುಜರಾತ್ನ ವಡೋದರದಲ್ಲಿ ಬೆಳಕಿಗೆ ಬಂದಿದೆ. ಕಳೆದ ಶನಿವಾರ ರಾತ್ರಿ ಈ ಘಟನೆ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. 30 ವರ್ಷದ ನಿತಿನ್ ವೋರಾ ಮೃತ ದರೋಡೆಕೋರ.
ನಗರದ ಸಂಗಮ್ ರೋಡ್ನಲ್ಲಿರುವ ಉಜ್ಜೀವನ್ ಸಣ್ಣ ಹಣಕಾಸು ಬ್ಯಾಂಕ್ನ ಶಾಖೆಗೆ ಎಂಟ್ರಿ ಕೊಟ್ಟ ಕಳ್ಳ ಸೀದಾ ನುಗ್ಗಿದ್ದು ಬ್ಯಾಂಕ್ನ ನಗದು ಸಂಗ್ರಹಿಸುವ ಸ್ಟ್ರಾಂಗ್ ರೂಮ್ಗೆ. ಅಲ್ಲೇ ನೋಡಿ ಅವನ ಕರಾಮತ್ತು ಶುರುವಾಗಿದ್ದು. ತನ್ನ ಬ್ಯಾಗ್ನಲ್ಲಿ ತಂದಿದ್ದ ವಿದ್ಯುತ್ ಚಾಲಿತ ಕಟರ್ನ ಬಳಸಿ ಸ್ಟ್ರಾಂಗ್ ರೂಮ್ನ ಸ್ಟೀಲ್ ಗೋಡೆ ಭೇದಿಸಲು ಮುಂದಾದ.
ಆದರೆ, ಈ ನಡುವೆ ಕಟರ್ನ ಕರೆಂಟ್ ವೈಯರ್ ಪ್ಲಗ್ನಿಂದ ಹೊರಬಂದುಬಿಟ್ಟಿತು. ಅದನ್ನ ಸರಿ ಮಾಡೋಕೆ ನಿತಿನ್ ಹೋಗಿದ್ದಾನೆ. ವೈಯರ್ನ ಮತ್ತೆ ಸಾಕೆಟ್ಗೆ ಸಿಕ್ಕಿಸಿ ಮತ್ತೆ ಸ್ಟ್ರಾಂಗ್ ರೂಮ್ನತ್ತ ಅದರ ಕಿರಿದಾದ ಓಣಿ ಮುಖಾಂತರ ಹೋದನಂತೆ. ಈ ವೇಳೆ ಇದಕ್ಕಿದಂತೆ ಆನ್ ಆದ ಕಟರ್ ಕಿರಿದಾದ ಓಣಿಯ ಗೋಡೆಗೆ ತಗಲಿ ನಿತಿನ್ ಕೊರಳಿಗೂ ಬಡಿದಿದೆ. ಕಟರ್ನ ರಭಸಕ್ಕೆ ಕಳ್ಳನ ಕುತ್ತಿಗೆ ಸೀಳಿ ಬಂದಿದೆ.
ಇನ್ನು ಇಡೀ ಪ್ರಕರಣವನ್ನ ಸಿಸಿಟಿವಿ ಮುಖಾಂತರ ಗಮನಿಸಿದ್ದ ಬ್ಯಾಂಕ್ನ ಭದ್ರತಾ ಸಿಬ್ಬಂದಿ ಕೂಡಲೇ ಮ್ಯಾನೇಜರ್ಗೆ ವಿಷಯ ತಿಳಿಸಿದರಂತೆ. ಸ್ಥಳಕ್ಕೆ ಆಗಮಿಸಿದ ಬ್ಯಾಂಕ್ ಮ್ಯಾನೇಜರ್ಗೆ ಕಂಡಿದ್ದು ರಕ್ತದ ಮಡುವಿನಲ್ಲಿ ಬಿದ್ದಿದ್ದ ನಿತಿನ್. ಆದ್ರೆ, ಅಷ್ಟೊತ್ತಿಗೆ ಅವನ ಪ್ರಾಣ ಪಕ್ಷಿ ಹಾರಿಹೋಗಿತ್ತು. ಇದೀಗ, ಪೊಲೀಸರು ಮೃತ ಕಳ್ಳನ ವಿರುದ್ಧ ದೂರು ದಾಖಲಿಸಿಕೊಂಡು ಮೃತದೇಹವನ್ನ ಆತನ ಕುಟುಂಬಸ್ಥರಿಗೆ ನೀಡಿದ್ದಾರೆ.