ಬಿಜೆಪಿ, ಟಿಎಂಸಿ ಸಂಸದರ ರಾಜಕೀಯ ಕೆಸರೆರಚಾಟಕ್ಕೆ ಕಾರಣವಾಗಿರುವ ಉದ್ಯಮಿ ದರ್ಶನ್ ಹಿರಾನಂದಾನಿ ಯಾರು?

ದೆಹಲಿ ಅಕ್ಟೋಬರ್ 16: ಬಿಜೆಪಿ ಸಂಸದ (BJP MP) ನಿಶಿಕಾಂತ್ ದುಬೆ (Nishikant Dubey) ಅವರು ತೃಣಮೂಲ ಕಾಂಗ್ರೆಸ್ (TMC)  ಸಂಸದೆ ಮಹುವಾ ಮೊಯಿತ್ರಾ (Mahua Moitra) ಅವರು ಸಂಸತ್ತಿನಲ್ಲಿ ಪ್ರಶ್ನೆಗಳನ್ನು ಕೇಳಲು ಉದ್ಯಮಿಯೊಬ್ಬರಿಂದ ಲಂಚ ಪಡೆದಿದ್ದಾರೆ ಎಂದು ಆರೋಪಿಸಿದ್ದು, ಇದು ಟಿಎಂಸಿ- ಬಿಜೆಪಿ ನಡುವೆ ಮತ್ತೊಂದು ರಾಜಕೀಯ ಜಗಳಕ್ಕೆ ಕಾರಣವಾಗಿದೆ. ದುಬೆ ಅವರು ಲೋಕಸಭೆಯ ಸ್ಪೀಕರ್ ಬಿರ್ಲಾ ಅವರಿಗೆ ಸಂಸತ್​​​ನಲ್ಲಿ ಪ್ರಶ್ನೆಗಾಗಿ ನಗದು ಎಂಬ ವಿಷಯ ಉಲ್ಲೇಖಿಸಿ ಪತ್ರ ಬರೆದಿದ್ದಾರೆ. ಸಂಸತ್ ಸದಸ್ಯೆ (ಲೋಕಸಭಾ) ಮಹುವಾ ಮೊಯಿತ್ರಾ ಅವರು ಇದರಲ್ಲಿ ನೇರವಾಗಿ ಭಾಗಿಯಾಗಿದ್ದು ಇದು ಗಂಭೀರವಾದ ಹಕ್ಕು ಚ್ಯುತಿ,  ‘ಸದನದ ನಿಂದನೆ’ ಮತ್ತು IPC ಯ ಸೆಕ್ಷನ್ 120-A ಅಡಿಯಲ್ಲಿ ‘ಕ್ರಿಮಿನಲ್ ಅಪರಾಧ’ ಎಂದು ಹೇಳಿದ್ದಾರೆ .

ಲೋಕಸಭೆಯ ಸ್ಪೀಕರ್ ಓಂ ಬಿರ್ಲಾ ಅವರಿಗೆ ಬರೆದ ಪತ್ರದಲ್ಲಿ, ವಕೀಲರೊಬ್ಬರು ಟಿಎಂಸಿ ಸಂಸದ ಮತ್ತು ಉದ್ಯಮಿ ದರ್ಶನ್ ಹಿರಾನಂದಾನಿ ನಡುವಿನ ಲಂಚದ ವಿನಿಮಯದ “ನಿರಾಕರಿಸಲಾಗದ” ಪುರಾವೆಗಳನ್ನು ಹಂಚಿಕೊಂಡಿದ್ದಾರೆ ಎಂದು ದುಬೆ ಹೇಳಿದ್ದು, ಮೊಯಿತ್ರಾ ಅವರನ್ನು ತಕ್ಷಣವೇ ಸದನದಿಂದ ಅಮಾನತುಗೊಳಿಸುವಂತೆ ಒತ್ತಾಯಿಸಿದ್ದಾರೆ.

2005 ಡಿಸೆಂಬರ್ 12ರಂದು ಪ್ರಶ್ನೆಗಾಗಿ ನಗದು (Cash for Query) ಭಾಗವನ್ನು ನೆನಪಿಸುವ ಸಂಸದೀಯ ಪ್ರಶ್ನೆಗಳನ್ನು ಕೇಳುವ ಮೂಲಕ ಉದ್ಯಮಿ ದರ್ಶನ್ ಹಿರಾನಂದಾನಿ- ವ್ಯಾಪಾರ ಹಿತಾಸಕ್ತಿಗಳನ್ನು ಸಂಗ್ರಹಿಸಲು ಮತ್ತು ರಕ್ಷಿಸಲು ಮಹುವಾ ಮೊಯಿತ್ರಾ ಅವರು ರೂಪಿಸಿದ ಕ್ರಿಮಿನಲ್ ಸಂಚು ಬಗ್ಗೆ ಯಾವುದೇ ಅನುಮಾನವಿಲ್ಲ ಎಂದು ಬಿಜೆಪಿ ಸಂಸದರು ಹೇಳಿದರು.

ತೃಣಮೂಲ ನಾಯಕಿ ಬಿಜೆಪಿ ನಾಯಕನ ಆರೋಪಕ್ಕೆ ತಿರುಗೇಟು ನೀಡಿ ಸಾಮಾಜಿಕ ಮಾಧ್ಯಮದಲ್ಲಿ ಹಲವಾರು ಪೋಸ್ಟ್‌ಗಳನ್ನು ಪೋಸ್ಟ್ ಮಾಡಿದ್ದಾರೆ, “ಲೋಕಸಭಾ ಸ್ಪೀಕರ್ ಅವರ (ದುಬೆ) ವಿರುದ್ಧ ಬಾಕಿ ಇರುವ ಆರೋಪಗಳನ್ನು ವ್ಯವಹರಿಸಿದ ನಂತರ ತಮ್ಮ ವಿರುದ್ಧದ ಯಾವುದೇ ಕ್ರಮವನ್ನು ತಾನು ಸ್ವಾಗತಿಸುತ್ತೇನೆ” ಎಂದು ಹೇಳಿದರು.

“ನನ್ನ ಎಲ್ಲಾ ಕೆಟ್ಟ ಹಣ ಮತ್ತು ಉಡುಗೊರೆಗಳನ್ನು ಕಾಲೇಜು / ವಿಶ್ವವಿದ್ಯಾಲಯವನ್ನು ಖರೀದಿಸಲು ಬಳಸುತ್ತಿದ್ದೇನೆ, ಅದರಲ್ಲಿ ದುಬೆ ಅಂತಿಮವಾಗಿ ನಿಜವಾದ ಪದವಿಯನ್ನು ಖರೀದಿಸಬಹುದು” ಎಂದು ಅವರು X ನಲ್ಲಿ ಸಾಮಾಜಿಕ ಮಾಧ್ಯಮ ಪೋಸ್ಟ್‌ನಲ್ಲಿ ತಿಳಿಸಿದ್ದಾರೆ.
ಸಂಸತ್ ನಲ್ಲಿ ಜೋಶ್​​ನಿಂದ ಭಾಷಣ ಮಾಡುವ ಮತ್ತು ಎದುರಾಳಿಗಳ ವಿರುದ್ಧ ಸದಾ ಗುಡುಗುವ ದಾಳಿಗೆ ಹೆಸರುವಾಸಿಯಾದ ಇಬ್ಬರು ಸಂಸದರು, ವರ್ಷಗಳಲ್ಲಿ ಹಲವಾರು ವಿಷಯಗಳ ಬಗ್ಗೆ ಆಗಾಗ್ಗೆ  ವಾಗ್ದಾಳಿ ಮಾಡಿ ಸುದ್ದಿಯಲ್ಲಿರುತ್ತಾರೆ.

ಇದನ್ನೂ ಓದಿ:  ಸಂಸತ್​​ನಲ್ಲಿ ಪ್ರಶ್ನೆ ಕೇಳುವುದಕ್ಕೆ ಮಹುವಾ ಮೊಯಿತ್ರಾ ಉದ್ಯಮಿಯಿಂದ ಲಂಚ ಪಡೆದಿದ್ದಾರೆ: ಬಿಜೆಪಿ ಆರೋಪ

ದರ್ಶನ್ ಹಿರಾನಂದಾನಿ ಯಾರು?

ದರ್ಶನ್ ಹಿರಾನಂದಾನಿ ಭಾರತದ ಪ್ರಮುಖ ಉದ್ಯಮಿ, ಭಾರತದ ಪ್ರಸಿದ್ಧ ರಿಯಲ್ ಎಸ್ಟೇಟ್ ಸಮೂಹವಾದ ಹಿರನಂದಾನಿ ಗ್ರೂಪ್‌ನ ಸಿಇಒ ಆಗಿದ್ದಾರೆ. ಅವರ ತಂದೆ ನಿರಂಜನ್ ಹಿರನಂದಾನಿ ಮತ್ತು ಚಿಕ್ಕಪ್ಪ ಸುರೇಂದ್ರ ಹಿರಾನಂದಾನಿ ಅವರು ಸ್ಥಾಪಿಸಿದ ಹಿರನಂದಾನಿ ಗ್ರೂಪ್ ಭಾರತದಲ್ಲಿ ವಿವಿಧ ರಿಯಲ್ ಎಸ್ಟೇಟ್ ಮತ್ತು ನಿರ್ಮಾಣ ಯೋಜನೆಗಳಲ್ಲಿ ತೊಡಗಿಸಿಕೊಂಡಿದೆ. ಟೌನ್‌ಶಿಪ್‌ಗಳು, ಐಟಿ ಪಾರ್ಕ್‌ಗಳು ಮತ್ತು ಇತರ ಮೂಲಸೌಕರ್ಯ ಯೋಜನೆಗಳು ಸೇರಿದಂತೆ ವಸತಿ ಮತ್ತು ವಾಣಿಜ್ಯ ಆಸ್ತಿಗಳನ್ನು ಅಭಿವೃದ್ಧಿಪಡಿಸುವಲ್ಲಿ ಅವರು ತಮ್ಮ ಕೆಲಸಕ್ಕೆ ಹೆಸರುವಾಸಿಯಾಗಿದ್ದಾರೆ.

ಅವರ ಲಿಂಕ್ಡ್‌ಇನ್ ಪ್ರೊಫೈಲ್‌ನ ಪ್ರಕಾರ, ಹಿರಾನಂದಾನಿ ಅವರು ನ್ಯೂಯಾರ್ಕ್‌ನ ರೋಚೆಸ್ಟರ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿಯಿಂದ ಎಂಬಿಎ ಮತ್ತು ಬಿ.ಎಸ್ ಪದವಿ ಪಡೆದಿದ್ದಾರೆ.  ದರ್ಶನ್ ಹಿರಾನಂದಾನಿ ಅವರು ಗುಂಪಿನ ರಿಯಲ್ ಎಸ್ಟೇಟ್ ವ್ಯವಹಾರವನ್ನು ಅಂತರರಾಷ್ಟ್ರೀಯ ಮಟ್ಟದಲ್ಲಿ ತೆಗೆದುಕೊಂಡು ಡಾಟಾಸೆಂಟರ್‌ಗಳು, ಕ್ಲೌಡ್ ಕಂಪ್ಯೂಟಿಂಗ್, ಶಕ್ತಿ ಮತ್ತು ಕೈಗಾರಿಕಾ ವೇರ್‌ಹೌಸಿಂಗ್ ಮತ್ತು ಲಾಜಿಸ್ಟಿಕ್ಸ್‌ನಂತಹ ಉದಯೋನ್ಮುಖ ವಲಯಗಳಲ್ಲಿ ವೈವಿಧ್ಯತೆಯನ್ನು ಹೊಂದಿದ್ದಾರೆ. ಉತ್ತಮ ಗುರಿ ಹೊಂದಿರುವ ಸಂಯೋಜಿತ ವ್ಯಕ್ತಿ, ಅವರು ದೇಶದ ಮೂಲಸೌಕರ್ಯ ಅಗತ್ಯತೆಗಳನ್ನು ಪೂರೈಸಲು ಮತ್ತು ಅದರ ಆರ್ಥಿಕ ಬೆಳವಣಿಗೆಗೆ ಕೊಡುಗೆ ನೀಡುತ್ತಾರೆ ಎಂದು ಲಿಂಕ್ಡ್ ಇನ್ ಪ್ರೊಫೈಲ್ ಹೇಳಿದೆ.

ಅವರ ಲಿಂಕ್ಡ್‌ಇನ್ ಪ್ರೊಫೈಲ್‌ನ ಪ್ರಕಾರ ತೇಜ್ ಪ್ಲಾಟ್‌ಫಾರ್ಮ್‌ಗಳು, ಯೊಟ್ಟಾ ಇನ್‌ಫ್ರಾಸ್ಟ್ರಕ್ಚರ್ ಸೊಲ್ಯೂಷನ್ಸ್ ಮತ್ತು ಗ್ರೀನ್‌ಬೇಸ್ – ಇಂಡಸ್ಟ್ರಿಯಲ್ ಮತ್ತು ಲಾಜಿಸ್ಟಿಕ್ಸ್ ಪಾರ್ಕ್ ಅನ್ನು ಅವರು ಸ್ಥಾಪಿಸಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ