Manish Sisodia: ಮಾರ್ಚ್ 4ರವರೆಗೆ ಮನೀಶ್ ಸಿಸೋಡಿಯಾ ಸಿಬಿಐ ಕಸ್ಟಡಿಗೆ

ಅಬಕಾರಿ ನೀತಿ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೆಹಲಿ ಉಪ ಮುಖ್ಯಮಂತ್ರಿ ಮನೀಶ್ ಸಿಸೋಡಿಯಾ (Manish Sisodia) ಅವರನ್ನು ಐದು ದಿನಗಳ ಕಾಲ ಕೇಂದ್ರ ತನಿಖಾ ದಳದ(CBI)ಕಸ್ಟಡಿಗೆ ಕಳುಹಿಸಲಾಗಿದೆ.ವಿಚಾರಣೆಯ ಸಂದರ್ಭದಲ್ಲಿ, ಸಿಬಿಐ ಸಿಸೋಡಿಯಾಗೆ ಐದು ದಿನಗಳ ವಶ ಕೋರಿದ್ದು ಅತ್ಯಂತ ಯೋಜಿತ ಮತ್ತು ರಹಸ್ಯವಾಗಿ ಸಂಚು ರೂಪಿಸಲಾಗಿದೆ ಎಂದು ವಾದಿಸಿದೆ. ಸಿಸೋಡಿಯಾ ಅವರ ವಕೀಲರು ರಿಮಾಂಡ್ ಅರ್ಜಿಯನ್ನು ವಿರೋಧಿಸಿದ್ದುಯಾರಾದರೂ ಏನನ್ನಾದರೂ ಹೇಳಲು ಸಿದ್ಧರಿಲ್ಲದಿದ್ದರೆ, ಅದು ಬಂಧನಕ್ಕೆ ಕಾರಣವಾಗುವುದಿಲ್ಲ” ಎಂದು ವಾದಿಸಿದರು.

Delhi’s Rouse Avenue Court sends Delhi Deputy CM Manish Sisodia to CBI remand till March 4 pic.twitter.com/emUQCqvKm2

— ANI (@ANI) February 27, 2023

“ನಾನು ಬದಲಾಯಿಸಿದ ಫೋನ್‌ನೊಂದಿಗೆ ನಾನು ಏನು ಮಾಡಬೇಕು? ನಾನು ಮಂತ್ರಿ, ನಾನು ಅದನ್ನು ಸೆಕೆಂಡ್ ಹ್ಯಾಂಡ್ ಅಂಗಡಿಗೆ ಕಳುಹಿಸಲು ಸಾಧ್ಯವಿಲ್ಲ, ಅದರಲ್ಲಿ ಪ್ರಮುಖ ಡೇಟಾ ಇರುತ್ತದೆ. ಸಿಬಿಐ ನನ್ನನ್ನು ವಸ್ತುಗಳೊಂದಿಗೆ ಎದುರಿಸಿದೆ ಆದರೆ ನಾನು ತಪ್ಪೊಪ್ಪಿಕೊಂಡಿಲ್ಲ” ಎಂದು ಸಚಿವರ ವಕೀಲರು ಹೇಳಿರುವುದಾಗಿ ಎಎನ್‌ಐ ವರದಿ ಮಾಡಿದೆ.

2021-22ರ ಅಬಕಾರಿ ನೀತಿಯಲ್ಲಿನ ಅಕ್ರಮಗಳಿಗೆ ಸಂಬಂಧಿಸಿದಂತೆ ಸಿಸೋಡಿಯಾ ಅವರನ್ನು ಸಿಬಿಐ ಎಂಟು ಗಂಟೆಗಳ ಕಾಲ ಕೇಂದ್ರ ಏಜೆನ್ಸಿಯಿಂದ ತನಿಖೆ ನಡೆಸಿ ನಂತರ ನಿನ್ನೆ ಬಂಧಿಸಿದೆ.

ಇದನ್ನೂ ಓದಿ:ನಮ್ಮ ಪಕ್ಷದ ಶೇ80 ನಾಯಕರನ್ನು ಬಂಧಿಸಲಾಗಿದೆ, ದೆಹಲಿಯಲ್ಲಿ ತುರ್ತು ಪರಿಸ್ಥಿತಿಯಂಥಾ ಸ್ಥಿತಿ ಇದೆ:ಎಎಪಿ

ನಿನ್ನೆ ಸಿಸೋಡಿಯಾ ವಿಚಾರಣೆಗಾಗಿ ಸಿಬಿಐ ಕಚೇರಿಗೆ ಆಗಮಿಸಿದಾಗಿನಿಂದ ಆಮ್ ಆದ್ಮಿ ಪಕ್ಷದ ಕಾರ್ಯಕರ್ತರು ಬೀದಿಗಿಳಿದಿದ್ದಾರೆ. ವಿಚಾರಣೆ ನಡೆಯುತ್ತಿರುವ ರೂಸ್ ಅವೆನ್ಯೂ ನ್ಯಾಯಾಲಯದ ಹೊರಗೆ ಭಾರೀ ಭದ್ರತೆಯನ್ನು ಏರ್ಪಡಿಸಲಾಗಿದೆ

ಸಿಸೋಡಿಯಾ ಬಂಧನದ ಕುರಿತು ಸಿಬಿಐ ಹೇಳಿಕೆ ಬಿಡುಗಡೆ ಮಾಡಿದ್ದು, ಅವರು ತಪ್ಪಿಸಿಕೊಳ್ಳುತ್ತಿದ್ದಾರೆ ಮತ್ತು ನಡೆಯುತ್ತಿರುವ ತನಿಖೆಗೆ ಸಹಕರಿಸುತ್ತಿಲ್ಲ ಎಂದು ಹೇಳಿದ್ದಾರೆ.

“ನಾನು ತಪ್ಪಿಸಿಕೊಳ್ಳುವ ಉತ್ತರಗಳನ್ನು ನೀಡಿದ್ದೇನೆ ಎಂದು ರಿಮಾಂಡ್ ಅರ್ಜಿ ಹೇಳುತ್ತದೆ. ಇದು ರಿಮಾಂಡ್‌ಗೆ ಆಧಾರವಾಗಲಾರದು. ಅವರು ಆಗಸ್ಟ್ 19. 2022 ರಂದು ನನ್ನ ನಿವಾಸವನ್ನು ಹುಡುಕುತ್ತಾರೆ. ನಾನು ನನ್ನ ಫೋನ್ ಅನ್ನು ಹಸ್ತಾಂತರಿಸುತ್ತೇನೆ. ಅವರು ನನ್ನನ್ನು ತನಿಖೆಗೆ ಕರೆದರು ಮತ್ತು ನಾನು ಸಹಕರಿಸಿದೆ ಎಂದು ಸಿಸೋಡಿಯಾ ಪರ ವಕೀಲ ದಯನ್ ಕೃಷ್ಣನ್ ವಾದ ಮಂಡಿಸಿದರು.

ಸಿಸೋಡಿಯಾ ಬಂಧನ ಖಂಡಿಸಿ ಎಎಪಿದೇಶಾದ್ಯಂತ ಹಲವಾರು ರಾಜ್ಯಗಳಲ್ಲಿ ಪ್ರತಿಭಟನೆಗಳನ್ನು ಆಯೋಜಿಸಿದ್ದು ಪ್ರತಿಭಟನೆ ನಡೆಸುತ್ತಿದ್ದ ಹಲವು ಆಪ್ ಕಾರ್ಯಕರ್ತರನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 5:29 pm, Mon, 27 February 23