ಜ.26ರ ಹಿಂಸಾಚಾರದಲ್ಲಿ ಗಾಯಗೊಂಡ ಪೊಲೀಸರಿಂದ ಪ್ರತಿಭಟನೆ; ಕುಟುಂಬಸ್ಥರು, ನಿವೃತ್ತ ಸಿಬ್ಬಂದಿಯೂ ಭಾಗಿ

ನಮ್ಮ ಮೇಲಧಿಕಾರಿಗಳು ಪ್ರತಿಭಟನಾಕಾರರೊಂದಿಗೆ ಮಾತುಕತೆ ನಡೆಸಲು ಪ್ರಯತ್ನಿಸಿದರು. ಆದರೆ ಅವರು ಯಾವುದನ್ನೂ ಕೇಳುವ ಪರಿಸ್ಥಿತಿಯಲ್ಲಿ ಇರಲಿಲ್ಲ. ತುಂಬ ಆಕ್ರಮಣಕಾರಿ ಮನೋಭಾವದಲ್ಲಿದ್ದು,  ಬ್ಯಾರಿಕೇಡ್​ಗಳನ್ನು ಮುರಿದರು ಎಂದು ಹೆಡ್​ ಕಾನ್ಸ್​ಟೆಬಲ್​ ಸುನೀತಾ ತಿಳಿಸಿದ್ದಾರೆ.

ಜ.26ರ ಹಿಂಸಾಚಾರದಲ್ಲಿ ಗಾಯಗೊಂಡ ಪೊಲೀಸರಿಂದ ಪ್ರತಿಭಟನೆ; ಕುಟುಂಬಸ್ಥರು, ನಿವೃತ್ತ ಸಿಬ್ಬಂದಿಯೂ ಭಾಗಿ
ಪ್ರತಿಭಟನಾ ನಿರತ ಪೊಲೀಸ್​ ಸಿಬ್ಬಂದಿ
Lakshmi Hegde

| Edited By: Rajesh Duggumane

Jan 30, 2021 | 7:13 PM

ದೆಹಲಿ: ಜನವರಿ 26ರಂದು ರೈತ ಪ್ರತಿಭಟನೆಯ ಹೆಸರಲ್ಲಿ ನಡೆದ ಹಿಂಸಾಚಾರದಲ್ಲಿ ಹಲವು ಪೊಲೀಸ್​ ಸಿಬ್ಬಂದಿ ಗಾಯಗೊಂಡಿದ್ದಾರೆ. ಕೆಲವರು ಗಂಭೀರವಾಗಿ ಗಾಯಗೊಂಡಿದ್ದು, ಇನ್ನೂ ಹಲವರು ಚಿಕಿತ್ಸೆ ಪಡೆದು ಚೇತರಿಸಿಕೊಂಡಿದ್ದಾರೆ. ಹಾಗೆ, ಚಿಕಿತ್ಸೆ ಪಡೆದು ಆಸ್ಪತ್ರೆಯಿಂದ ಮರಳಿದ ಪೊಲೀಸ್​ ಸಿಬ್ಬಂದಿ ತಮ್ಮ ಮೇಲೆ ನಡೆದ ದಾಳಿಯನ್ನು ಖಂಡಿಸಿ ಇಂದು ಶಹೀದಿ ಪಾರ್ಕ್​ನಲ್ಲಿ ಪ್ರತಿಭಟನೆ ನಡೆಸಿದರು.

ಹಿಂಸಾಚಾರದಲ್ಲಿ ಗಾಯಗೊಂಡ ಪೊಲೀಸ್ ಸಿಬ್ಬಂದಿಯ ಕುಟುಂಬದವರೂ ಪ್ರತಿಭಟನೆಯಲ್ಲಿ ಪಾಲ್ಗೊಂಡಿದ್ದರು. ಹಾಗೇ ನಿವೃತ್ತ ಪೊಲೀಸ್ ಅಧಿಕಾರಿಗಳೂ ತಮ್ಮ ಕುಟುಂಬದೊಟ್ಟಿಗೆ ಭಾಗವಹಿಸಿದ್ದರು. ಪೊಲೀಸರ ಹಕ್ಕು ರಕ್ಷಣೆಗಾಗಿ ಸ್ಥಾಪಿತವಾದ ದೆಹಲಿ ಪೊಲೀಸ್ ಮಹಾಸಂಗ್ ಸಾಥ್​ ನೀಡಿದೆ.

ಈ ವೇಳೆ ಎಎನ್ಐ ಜತೆ ಮಾತನಾಡಿದ ಹೆಡ್​ ಕಾನ್​ಸ್ಟೆಬಲ್​ ಅಶೋಕ್ ಕುಮಾರ್​, ನಾನು ಅಂದು ಕೆಂಪುಕೋಟೆಯ ಬಳಿ ಕರ್ತವ್ಯ ನಿರ್ವಹಿಸುತ್ತಿದ್ದೆ. ಅದರಲ್ಲೂ ಪ್ರವೇಶ ದ್ವಾರದ ಬಳಿಯೇ ಇದ್ದೆ. ಒಮ್ಮೆಲೇ ಪ್ರತಿಭಟನಾಕಾರರು ಗುಂಪುಗುಂಪಾಗಿ ಬಂದು, ರಾಷ್ಟ್ರಧ್ವಜದ ಪಕ್ಕದಲ್ಲೇ ಬಾವುಟ ಹಾರಿಸಿದರು. ನಮ್ಮ ಮೇಲೆಯೂ ದಾಳಿ ನಡೆಯಿತು. ಅವರ ಕೈಯಲ್ಲಿ ದೊಡ್ಡ ಬಡಿಗೆಗಳು, ಲಾಂಗ್​ಗಳು ಇದ್ದವರು. ನನ್ನ ತಲೆ ಹಾಗೂ ಕಾಲಿಗೆ ಗಾಯವಾಗಿತ್ತು ಎಂದು ಹೇಳಿದರು.

ಹೆಡ್​ ಕಾನ್ಸ್​ಟೆಬಲ್​ ಸುನೀತಾ ಪ್ರತಿಕ್ರಿಯಿಸಿ, ನಮ್ಮ ಮೇಲಧಿಕಾರಿಗಳು ಪ್ರತಿಭಟನಾಕಾರರೊಂದಿಗೆ ಮಾತುಕತೆ ನಡೆಸಲು ಪ್ರಯತ್ನಿಸಿದರು. ಆದರೆ ಅವರು ಯಾವುದನ್ನೂ ಕೇಳುವ ಪರಿಸ್ಥಿತಿಯಲ್ಲಿ ಇರಲಿಲ್ಲ. ತುಂಬ ಆಕ್ರಮಣಕಾರಿ ಮನೋಭಾವದಲ್ಲಿದ್ದು,  ಬ್ಯಾರಿಕೇಡ್​ಗಳನ್ನು ಮುರಿದರು. ವಾಹನಗಳನ್ನೆಲ್ಲ ಧ್ವಂಸ ಮಾಡಿ, ನಮ್ಮ ಮೇಲೆ ಕೂಡ ಹಲ್ಲೆ ನಡೆಸಿದರು ಎಂದು ತಿಳಿಸಿದರು.

What Bengal Thinks Today| ರಾಜಕೀಯ ಸಂಘರ್ಷಕ್ಕಿಳಿದರೆ ಅಭಿವೃದ್ಧಿ ಸೋಲುವುದು ಗ್ಯಾರೆಂಟಿ-ರಾಜ್ಯಪಾಲ ಧನಕರ್​

ತಾಜಾ ಸುದ್ದಿ

Follow us on

Related Stories

Most Read Stories

Click on your DTH Provider to Add TV9 Kannada