26 ಗಂಟೆಗಳ ನಂತರ.. ಬಿನೀಶ್​ ಕೊಡಿಯೇರಿ ನಿವಾಸದಲ್ಲಿ ED ಶೋಧ ಅಂತ್ಯ

ತಿರುವನಂತಪುರಂ: ನಟ ಬಿನೀಶ್ ಕೊಡಿಯೇರಿ ನಿವಾಸದಲ್ಲಿ ಸತತ 26 ಗಂಟೆಗಳ ಕಾಲ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ನಡೆಸಿದ ಶೋಧ ಅಂತ್ಯವಾಗಿದೆ. ಕೇರಳದ ತಿರುವನಂತಪುರಂನಲ್ಲಿರುವ ನಟನ ನಿವಾಸದಲ್ಲಿ ಬೆಂಗಳೂರಿನಿಂದ ಬಂದ ED ಅಧಿಕಾರಿಗಳ ತಂಡ ಶೋಧ ನಡೆಸುವ ವೇಳೆ ಇಂದು ಬೆಳಗ್ಗೆ ಹೈ ಡ್ರಾಮಾ ನಡೆದುಹೋಯ್ತು. ಬಿನೀಶ್​ ಮನೆಯತ್ತ ಇಂದು ಬೆಳಗ್ಗೆ ಬಂದ ನಟನ ಸಂಬಂಧಿಕರು ಪ್ರತಿಭಟನೆಗೂ ಮುಂದಾದರು. ಬಿನೀಶ್​ ಸಂಬಂಧಿಕರ ಪ್ರಕಾರ ನಟನ ಪತ್ನಿ ರೆಣೀಟಾ ಹಾಗೂ ಮೂರು ವರ್ಷದ ಪುತ್ರನನ್ನು ED ಅಧಿಕಾರಿಗಳು ಕಾರಣವಿಲ್ಲದೆ ವಶದಲ್ಲಿಟ್ಟುಕೊಂಡಿದ್ದಾರೆ ಎಂದು ಆರೋಪಿಸಿದರು. ಜೊತೆಗೆ, ನಟನ ಪತ್ನಿ ಅಧಿಕಾರಿಗಳೇ ನಮ್ಮ ಮನೆಯಲ್ಲಿ ಎಲೆಕ್ಟ್ರಾನಿಕ್​ ಪೇಮೆಂಟ್​ ಕಾರ್ಡ್​ ಒಂದನ್ನು ಇಟ್ಟು ನಂತರ ಅದು ನಮ್ಮ ನಿವಾಸದಲ್ಲಿ ಪತ್ತೆಯಾಗಿದೆ ಎಂದು ಬಿಂಬಿಸಿದರು ಅಂತಾ ಅರೋಪಿಸಿದ್ದಾರೆ. ಜೊತೆಗೆ, ಈ ಕುರಿತು ನಮ್ಮಿಂದ ದಾಖಲೆವೊಂದಕ್ಕೆ ಸಹಿ ಹಾಕಿಸಿಕೊಂಡರು ಎಂದೂ ಸಹ ಆರೋಪಿಸಿದ್ದಾರೆ.

ಶೋಧದ ಬಳಿಕ ನಟನ ಕುಟುಂಬದವರು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳ ವಿರುದ್ಧ ಕೇರಳ ಪೊಲೀಸರ ಬಳಿ ದೂರ ಸಹ ದಾಖಲಿಸಿದ್ದಾರೆ. ಬೆಂಗಳೂರಿನಿಂದ ಆಗಮಿಸಿದ್ದ ED ತಂಡವು ನಟನ ಮನೆ ಸೇರಿದಂತೆ ನಗರದ ಹಲವೆಡೆ ಶೋಧ ನಡೆಸಿದರು.

Published On - 6:50 pm, Thu, 5 November 20