ಒಂದೇ ಒಂದು ಕರುವನ್ನೂ ಹಾಕದೆ ದಿನಕ್ಕೆ 4 ಲೀಟರ್ ಹಾಲು ಕೊಡುತ್ತಿದೆ ಈ ಪವಾಡದ ಹಸು

ನವದೆಹಲಿ: ಉತ್ತರ ಪ್ರದೇಶದ ಬಹ್ರೈಚ್​ನಲ್ಲಿ ಒಂದು ಅದ್ಭುತವಾದ ಹಸುವಿದೆ. ಈ ಹಸು ಇದುವರೆಗೂ ಒಮ್ಮೆಯೂ ಗರ್ಭ ಧರಿಸಿಲ್ಲ. ಆದರೂ ಪ್ರತಿದಿನ 4 ಲೀಟರ್ ಹಾಲು ಕೊಡುವ ಮೂಲಕ ಅದ್ಭುತ ಸೃಷ್ಟಿಸಿದೆ. ಆರಂಭದಲ್ಲಿ ಇದು ಕೇವಲ 250 ಮಿಲಿ ಲೀಟರ್ ಹಾಲು ನೀಡುತ್ತಿತ್ತು. ಆದರೆ ನಿಯಮಿತವಾಗಿ ದಿನವೂ ಹಾಲು ಕರೆಯುವ ದಿನಚರಿಯನ್ನು ಸ್ಥಾಪಿಸಿದ ನಂತರ, ಹಸುವಿನ ಉತ್ಪಾದನೆಯು ದಿನಕ್ಕೆ 4 ಲೀಟರ್‌ಗೆ ಹೆಚ್ಚಿದೆ.

ಈ ಹಸು ಪಶುವೈದ್ಯರನ್ನೇ ಬೆರಗುಗೊಳಿಸಿದೆ. ಉತ್ತರ ಪ್ರದೇಶದ ಬಹ್ರೈಚ್ ಜಿಲ್ಲೆಯಲ್ಲಿ ಹಸುವೊಂದು ಕರುವಿಗೆ ಜನ್ಮ ನೀಡದಿದ್ದರೂ ಪ್ರತಿದಿನ ಹಾಲು ಉತ್ಪಾದಿಸುತ್ತಿದೆ. ಹಸುವನ್ನು ಕಾಮಧೇನು ಎಂದು ಪೂಜಿಸಲಾಗುತ್ತದೆ. ಹಿಂದೂ ಪುರಾಣಗಳಲ್ಲಿ ಹಸುವಿಗೆ ದೇವರೆಂದು ಕರೆಯಲಾಗುತ್ತದೆ.

ಇದನ್ನೂ ಓದಿ: ಅಮ್ಮ-ಮಗು ಮೇಲೆ ಬೀದಿ ನಾಯಿಗಳ ದಾಳಿ; ಶಾಕಿಂಗ್ ವಿಡಿಯೋ ವೈರಲ್

ಪಯಾಗ್‌ಪುರ ತೆಹಸಿಲ್‌ನ ಗಂಗಾ ತಿವಾರಿ ಪುರ್ ಗ್ರಾಮದಲ್ಲಿ ನೆಲೆಗೊಂಡಿರುವ ಈ ಹಸು ನಿವೃತ್ತ ಪ್ರಾಧ್ಯಾಪಕ ಡಾ. ಓಂಕಾರನಾಥ್ ತ್ರಿಪಾಠಿ ಅವರ ಒಡೆತನದಲ್ಲಿದೆ. ಅವರು ತಮ್ಮ ಆಸ್ತಿಯಲ್ಲಿ ಹಲವಾರು ಹಸುಗಳನ್ನು ಸಾಕಲು ತಮ್ಮನ್ನು ಸಮರ್ಪಿಸಿಕೊಂಡಿದ್ದಾರೆ. ಕೇವಲ ಎರಡೂವರೆ ವರ್ಷ ವಯಸ್ಸಿನಲ್ಲಿ ಈ ಹೈಬ್ರಿಡ್ ಸಾಹಿವಾಲ್ ಹಸು ಸುಮಾರು 6 ತಿಂಗಳ ಹಿಂದೆ ಹಾಲು ಉತ್ಪಾದಿಸಲು ಪ್ರಾರಂಭಿಸಿತು. ಆರಂಭದಲ್ಲಿ, ಇದು ಕೇವಲ 250 ಮಿ.ಲೀ. ಇಳುವರಿಯನ್ನು ನೀಡುತ್ತಿತ್ತು. ಆದರೆ ನಿಯಮಿತ ಹಾಲುಕರೆಯುವ ಅಭ್ಯಾಸ ರೂಢಿಸಿಕೊಂಡ ನಂತರ ಹಾಲಿನ ಉತ್ಪಾದನೆಯು ದಿನಕ್ಕೆ 4 ಲೀಟರ್‌ಗೆ ಹೆಚ್ಚಿದೆ.

ಡಾ. ತ್ರಿಪಾಠಿ ಅವರು ಹಸುವನ್ನು ಚೆನ್ನಾಗಿ ನೋಡಿಕೊಳ್ಳುತ್ತಾರೆ, ಯಾವುದೇ ಸಾಮಾನ್ಯ ಹಸುವಿನಂತೆಯೇ ಮೇವು ಮತ್ತು ನೀರನ್ನು ನೀಡುತ್ತಾರೆ. ಕುತೂಹಲಕಾರಿಯಾಗಿ, ಅವರು ತನ್ನ ಆರೈಕೆಯಲ್ಲಿರುವ ಕರುವನ್ನು ಪೋಷಿಸಲು ಹಸುವಿನ ಹಾಲನ್ನು ಬಳಸುತ್ತಾರೆ. ಈ ಹಸುವಿನ ಹಾಲು ಕಡಿಮೆಯಾಗದೆ ಹಾಗೇ ಉಳಿದಿದ್ದರೂ ಅದರ ಕೊಬ್ಬಿನಂಶವು ಬೇರೆ ಹಸುಗಳ ಹಾಲಿನ ಸರಾಸರಿಗಿಂತ ಗಮನಾರ್ಹವಾಗಿ ಹೆಚ್ಚಾಗಿದೆ. ಇದು ಸ್ಥಳೀಯ ಪಶುವೈದ್ಯರ ಆಸಕ್ತಿಯನ್ನು ಕೆರಳಿಸಿದೆ.

ಇದನ್ನೂ ಓದಿ: 7 ಮಕ್ಕಳನ್ನು ಮನೆಯಲ್ಲಿ ಬಿಟ್ಟು ತಾಯಿ ಪರಾರಿ; ಅಮ್ಮ ಬೇಕೆಂದು ಅಳುತ್ತಾ ಪೊಲೀಸ್ ಠಾಣೆಗೆ ಬಂದ ಮಕ್ಕಳು

ಪ್ರಾಣಿ ವಿಜ್ಞಾನಿಗಳು ಗರ್ಭಧಾರಣೆಯಿಲ್ಲದೆ ಹಸುವಿನಲ್ಲಿ ಹಾಲು ಉತ್ಪಾದನೆಯು ಹಾರ್ಮೋನ್ ಅಸಮತೋಲನದಿಂದ ಉಂಟಾಗಬಹುದು ಎಂದು ಅಭಿಪ್ರಾಯಪಟ್ಟಿದ್ದಾರೆ. ಅನೇಕ ಸ್ಥಳೀಯರು ಈ ಹಸುವನ್ನು ನೋಡಲು ಭೇಟಿ ನೀಡುತ್ತಾರೆ. ಇದು ಸದ್ಯಕ್ಕೆ ಅಚ್ಚರಿಯ ಕೇಂದ್ರವಾಗಿದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ