ಟ್ವೀಟ್ ವಾರ್: ದಿಲ್ಜಿತ್ ಹಾಡು ರಿಹಾನ್ನಾಗೆ ಅರ್ಪಣೆ, ದೇಶಪ್ರೇಮ ಸಾಬೀತಿಗೆ ಕಂಗನಾ ಸವಾಲು

ಮುಂಬೈ: ದೆಹಲಿಯಲ್ಲಿ ನಡೆಯುತ್ತಿರುವ ರೈತರ ಪ್ರತಿಭಟನೆಗೆ ಅಂತರರಾಷ್ಟ್ರೀಯ ಪಾಪ್ ತಾರೆ ರಿಹಾನ್ನಾ ಬೆಂಬಲ ಸೂಚಿಸಿದ್ದರ ಬಗ್ಗೆ ಪರ ವಿರೋಧ ಚರ್ಚೆಗಳು ಕಾವೇರುತ್ತಿರುವ ಹೊತ್ತಿನಲ್ಲೇ ಪಂಜಾಬಿ ಗಾಯಕ, ನಟ ದಿಲ್ಜಿತ್ ದೊಸಾಂಜ್ ‘ರಿರಿ’ ಹಾಡನ್ನು ರಿಹಾನ್ನಾ ಅವರಿಗೆ ಅರ್ಪಿಸಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಬಾಲಿವುಡ್ ನಟಿ ಕಂಗನಾ ರನೌತ್, ಈತ ಎರಡು ರೂಪಾಯಿ ಗಳಿಸಲು ನೋಡುತ್ತಿದ್ದಾನೆ. ನೀವು ಎಷ್ಟು ಕಾಲದಿಂದ ಈ ಯೋಜನೆ ರೂಪಿಸಿದ್ದೀರಿ? ಇದಕ್ಕೆ ಕನಿಷ್ಠ ಒಂದು ತಿಂಗಳು ಬೇಕಾಗಿರುತ್ತದೆ. ಈಗ ಇದೆಲ್ಲ ಸಹಜವಾಗಿ ಆಯಿತು ಎಂದು ನಮ್ಮನ್ನು ನಂಬಿಸಲು ಯತ್ನಿಸುತ್ತಿದ್ದಾರೆ ಎಂದು #Indiatogether #IndiaAgainstPropoganda ಎಂಬ ಹ್ಯಾಷ್​​ಟ್ಯಾಗ್​ನೊಂದಿಗೆ ಟ್ವೀಟ್ ಮಾಡಿದ್ದಾರೆ.

ದೇವತೆಯಂಥ ರಿಹಾನ್ನಾರನ್ನು ಸೃಷ್ಟಿಸಿದ್ದಕ್ಕಾಗಿ ದೇವರಿಗೆ ವಂದನೆ ಎಂದು ಹೇಳುವ ಹೊಸ ಹಾಡಿನ ಬಗ್ಗೆ ದಿಲ್ಜಿತ್ ಮಾಡಿದ ಟ್ವೀಟ್​ಗೆ ಕಂಗನಾ ಈ ರೀತಿ ಪ್ರತಿಕ್ರಿಯೆ ನೀಡಿದ್ದಾರೆ.

Isko bhi apne 2 rupees banane hain, yeh sab kabse plan ho raha hai ?One month toh minimum lagega to prep for video and announcement, and libru want us to believe it’s all organic ha ha #Indiatogether #IndiaAgainstPropoganda https://t.co/WvxxRr4T1F

— Kangana Ranaut (@KanganaTeam) February 3, 2021

ಕಂಗನಾ ಅವರ ಈ ಟ್ವೀಟ್ ಗೆ ಉತ್ತರಿಸಿ ದಿಲ್ಜಿತ್, ‘ಎರಡು ರೂಪಾಯಿ. ನೀವು ನನಗೆ ಕೆಲಸ ಕಲಿಸಲು ಬರಬೇಡಿ. ನಾನು ಅರ್ಧ ಗಂಟೆಯಲ್ಲಿ ಹಾಡೊಂದನ್ನು ರೂಪಿಸಬಲ್ಲೆ. ನಿಮ್ಮ ಬಗ್ಗೆ ಹಾಡು ಮಾಡಬೇಕಾದರೆ ನನಗೆ ಎರಡು ನಿಮಿಷ ಸಾಕು, ಆದರೆ ನಾನು ಮಾಡಲ್ಲ. ನೀವು ಎಲ್ಲ ಕಡೆ ಮೂಗು ತೂರಿಸುವುದೇಕೆ? ನನಗೆ ಬೋರ್ ಹೊಡೆಸಬೇಡಿ, ಹೋಗಿ ನಿಮ್ಮ ಕೆಲಸ ನೋಡಿಕೊಳ್ಳಿ’ ಎಂದರು.

ಇವರ ನಡುವಿನ ಟ್ವೀಟ್ ಜಗಳದ ಮುಂದುವರಿಕೆ ಹೀಗಾಯ್ತು.. ಕಂಗನಾ: ನನಗಿರುವುದು ಒಂದೇ ಒಂದು ಕೆಲಸ. ಅದು ದೇಶಭಕ್ತಿ. ನಾನು ಪ್ರತಿದಿನ ಅದನ್ನೇ ಮಾಡುತ್ತಿದ್ದೇನೆ.ನಾನು ಆ ಕೆಲಸವನ್ನು ಮುಂದುವರಿಸುತ್ತೇನೆ. ನಿಮ್ಮ ಯೋಜನೆ ಸಫಲವಾಗಲು ಬಿಡಲ್ಲ, ಖಾಲಿಸ್ತಾನಿ.

Mera ek he kaam jai Desh Bhakti … wahi karti hoon sara din.. main toh wahi karungi lekin tera kaam tujhe nahin karne dungi Khalistani… https://t.co/NsU5DzXCiG

— Kangana Ranaut (@KanganaTeam) February 3, 2021

ದಿಲ್ಜಿತ್: ನೀವು ಅರ್ಥವಿಲ್ಲದೆ ಮಾತನಾಡುತ್ತಿದ್ದೀರಿ, ದೇವರಂತೆ ಆಡ್ಬೇಡಿ. ನನ್ನನ್ನು ಸಫಲವಾಗಲು ಬಿಡಲ್ಲ ಅಂತಿದ್ದೀರಾ. ನೀವ್ಯಾರು? ನೀವು ಪ್ರತಿ ಬಾರಿ ಮೂಗು ತೂರಿಸಿಕೊಂಡು ಬರುತ್ತಿದ್ದೀರಿ, ಆಚೆ ಹೋಗ್ರೀ.. ನಿಮ್ಮ ಬಗ್ಗೆ ಯಾರೂ ಮಾತಾಡ್ತಿಲ್ಲ. ಈ ದೇಶ ನಿಮ್ಮದು ಮಾತ್ರ ಅಲ್ಲ. ನಿಮಗೇನಾಗಿದೇ? ನೀವು ಯಾವ ಭ್ರಮೆಯಲ್ಲಿ ಬದುಕುತ್ತಿದ್ದೀರಿ? ಈ ದೇಶ ನಮ್ಮೆಲ್ಲರದ್ದು. ಗಮನಿಸಿ, ಭಾರತ ನಮಗೂ ಸೇರಿದ್ದು

ಕಂಗನಾ: ಭಾರತ ಭಾರತೀಯರಿಗೆ ಸೇರಿದ್ದು, ಖಾಲಿಸ್ತಾನಿಗಳದದ್ದು ಅಲ್ಲ. ನೀವು ಖಾಲಿಸ್ತಾನಿ ಅಲ್ಲ ಅಂತ ಹೇಳಿ. ಪ್ರತಿಭಟನೆಯಲ್ಲಿ ಖಾಲಿಸ್ತಾನಿಗಳು ಭಾಗವಹಿಸಿರುವುದನ್ನು ಖಂಡಿಸುತ್ತೀನಿ ಎಂದು ಹೇಳಿ, ನೀವು ಹೀಗೆ ಹೇಳಿದರೆ ನಾನು ಕ್ಷಮೆ ಕೇಳುವೆ. ನಿಮ್ಮನ್ನು ನಿಜವಾದ ದೇಶಭಕ್ತ ಎಂದೂ ಪರಿಗಣಿಸುವೆ. ದಯವಿಟ್ಟು ಹೇಳಿ, ನಾನು ಕಾಯುತ್ತಿರುವೆ.

Desh sirf Bhartiyon ka hai, Khalistanion ka nahin, bol tu Khalistani nahin hai, please say you condemn fringe groups such as Khalistanis participating in protests. If you say this I will apologise and consider you a true patriot. Please say I am waiting #IndiaTogether https://t.co/toq3j4lPxD

— Kangana Ranaut (@KanganaTeam) February 3, 2021

ದಿಲ್ಜಿತ್: ನಾವು ಭಾರತದೊಂದಿಗೆ ಇದ್ದೇವೆ. ಯಾರಾದರೂ ತಪ್ಪು ಹೇಳಿದರೆ ಸರ್ಕಾರ ಕ್ರಮ ಕೈಗೊಳ್ಳುತ್ತದೆ. ಅದು ಅವರ ಕೆಲಸ. ನಮ್ಮದು ಅಥವಾ ನಿಮ್ಮದಲ್ಲ.

ಕಂಗನಾ: ನೀವು ಖಾಲಿಸ್ತಾನಿ ಅಲ್ಲ ಎಂಬುದನ್ನು ಯಾವತ್ತೂ ಒಪ್ಪಿಕೊಳ್ಳಲ್ಲ ಎಂದು ನನಗೆ ಗೊತ್ತಿತ್ತು. ನೀವು ಕುರಿಯ ಚರ್ಮ ಧರಿಸಿರುವ ತೋಳ ..ಜೈ ಹಿಂದ್

Mujhe pata tha tu kabhi nahin bolega ki tu Khalistani nahi hai, this is for everyone to see, bhed ki khaal mein bhediye… Jai Hind https://t.co/Zby730IOoP

— Kangana Ranaut (@KanganaTeam) February 3, 2021

ದಿಲ್ಜಿತ್: ನಾನು ಇಡೀ ದಿನ ಈಕೆ ಜತೆ ಜಗಳ ಮಾಡಿಕೊಂಡಿರಲಿ ಎಂದು ಈಕೆ ಬಯಸುತ್ತಾಳೆ. ನಾವು ಭಾರತೀಯರೇ. ನೀವೊಬ್ಬಳೇ ಅಲ್ಲ. ಆಕೆಯ ಪ್ರಶ್ನೆಗೆ ಆಕೆಯೇ ಉತ್ತರಿಸಿ ಖುಷಿ ಪಡುತ್ತಾಳೆ. ನಾನೊಬ್ಬಳೇ ದೇಶಭಕ್ತೆ ಎಂದು ಸರ್ಟಿಫಿಕೇಟ್ ಹಿಡಿದು ತಿರುಗುತ್ತಿದ್ದಾಳೆ. ತೋಳದಂಥವಳು.

Ley …Eh Chaundi aa Bai Banda Ede Naal Sara Din Lagga Rahe ?

Asi BHARTI AN ?? Tu Kalli Ni Bharti..

Apna Answer Aap Hee Bana Ke Khush Ho JANDI aa ??

Avey Na Certificate Chaki Fireya Kar Ke Kali Tu Hee Desh Bhakt an..

? Wolf Jaee Na Hove Tan ? https://t.co/3iqkQWL0MQ

— DILJIT DOSANJH (@diljitdosanjh) February 3, 2021

ಕಂಗನಾ: ನಿಮ್ಮ ಕೆನಡಾ ಗ್ಯಾಂಗ್ ಗೆ ಏನೂ ಮಾಡಲು ಸಾಧ್ಯವಿಲ್ಲ. ನಿಮ್ಮ ಮಿದುಳಿನಲ್ಲಿರುವ ಖಾಲಿ ಜಾಗದಲ್ಲಿ ಮಾತ್ರ ಖಾಲಿಸ್ತಾನವಿರುತ್ತದೆ. ನೀವು ಎಷ್ಟೇ ದಂಗೆ, ಪ್ರತಿಭಟನೆ ಮಾಡಿದರೂ ನಾವು ಈ ದೇಶವನ್ನು ವಿಭಜನೆ ಮಾಡಲು ಬಿಡಲ್ಲ.

Teri Canada gang kuch bhi kar payegi … Khalistan sirf tum logon ke dimaag ka jo empty space hai uska naam rahega, hum iss desh ke tukde nahin hone denge, karlo jitne chahe dangge aur strikes #IndiaTogether #IndiaAgainstPropaganda https://t.co/sXkXMRMtxl

— Kangana Ranaut (@KanganaTeam) February 3, 2021

ದಿಲ್ಜಿತ್:   ಇನ್ನು ಮುಂದೆ ನಾನು ನಿಮ್ಮೊಂದಿಗೆ ಚರ್ಚೆ ಮಾಡಲು ಬರುವುದಿಲ್ಲ. ನನಗೆ ನೂರು ಕೆಲಸ ಮಾಡಲಿದೆ. ನಿಮ್ಮ ಟ್ವೀಟ್​ಗಳಿಗೆ ಅರ್ಥವಿಲ್ಲ. ನಿಮ್ಮ ಟ್ವೀಟ್ ಬಗ್ಗೆ ನಾನು ಯಾಕೆ ತಲೆಕೆಡಿಸಿಕೊಳ್ಳಲಿ. ನಿಮಗೆ ನಾನು ಯಾಕೆ ಉತ್ತರಿಸಬೇಕು? ನೀವು ನನ್ನ ಶಿಕ್ಷಕಿ ಅಲ್ಲ.

Chal theek hai, sirf bol de tu Khalistani nahin hai, kyun itna baatein ghuma raha hai ? Bol de simply … kyun nahin bol sakta ? Sara discussion close ho jayega mera doubt bhi clear ho jayega. Please say … https://t.co/LkjI70fbd4

— Kangana Ranaut (@KanganaTeam) February 3, 2021

ಕಂಗನಾ: ಸರಿ, ಹಾಗಾದರೆ ನೀನು ಖಾಲಿಸ್ತಾನಿ ಅಲ್ಲ ಎಂದು ಹೇಳಿಬಿಡು. ಯಾಕೆ ಇಷ್ಟು ಸುತ್ತಿ ಬಳಸಿ ಮಾತನಾಡುತ್ತಿದ್ದೀ? ಸರಳವಾಗಿ ಹೇಳಿ ಬಿಡು. ಯಾಕೆ ಹೇಳಲ್ಲ? ಈ ಚರ್ಚೆಯೂ ಮುಗಿಯಬಹುದು. ನನ್ನ ಸಂದೇಹವೂ ದೂರವಾಗಬಹುದು. ದಯವಿಟ್ಟು ಹೇಳಿ.

ಪ್ರತಿಭಟನೆ ನಿರತ ರೈತರಿಗೆ ಬೆಂಬಲ ಸೂಚಿಸಿದ ಪಾಪ್ ತಾರೆ ರಿಹಾನ್ನಾ, ಪರಿಸರ ಹೋರಾಟಗಾರ್ತಿ ಗ್ರೇಟಾ ಥುನ್​ಬರ್ಗ್

ನಟ, ಗಾಯಕ ದಿಲ್ಜಿತ್​ ದೋಸಾಂಜ್​ ಹಾಸ್ಯಪ್ರಜ್ಞೆ ಅಭಿಮಾನಿಗಳು ಫಿದಾ: ಇಲ್ಲಿವೆ ಅವರ ಫನ್ನಿ ಪೋಸ್ಟ್​ಗಳು

Delhi Chalo | ಕಂಗನಾ-ದಿಲ್ಜಿತ್ ಟ್ವೀಟ್ ಸಮರ ನಿಲ್ಲಲಿಲ್ಲ

Published On - 8:00 pm, Wed, 3 February 21