ವಿಮಾನ ಪ್ರಯಾಣಿಕರು ಡಾಂಬರ್‌ ನೆಲದ ಮೇಲೆ ಕುಳಿತು ಆಹಾರ ಸೇವಿಸುತ್ತಿರುವುದು ನಾಚಿಕೆಗೇಡಿನ ಘಟನೆ: ಸಿಂಧಿಯಾ

ದೆಹಲಿ ಜನವರಿ 18:ಇಂಡಿಗೋ ವಿಮಾನ (Indigo) ಪ್ರಯಾಣಿಕರು ಭಾನುವಾರ ವಿಮಾನದ ಬಳಿ ಡಾಂಬರ್‌ ನೆಲದ ಮೇಲೆ ಕುಳಿತು ಊಟ ಮಾಡಿದ ಘಟನೆ ನಾಚಿಕೆಗೇಡಿನ ಸಂಗತಿಯಾಗಿದೆ ಎಂದು ಕೇಂದ್ರ ಸಚಿವ ಜ್ಯೋತಿರಾದಿತ್ಯ ಸಿಂಧಿಯಾ (Jyotiraditya Scindia ) ಗುರುವಾರ ಹೇಳಿದ್ದಾರೆ. ಪ್ರಯಾಣಿಕರ ಭದ್ರತೆ ಮತ್ತು ಸುರಕ್ಷತೆಯು ನಾಗರಿಕ ವಿಮಾನಯಾನದ ಪ್ರಾಥಮಿಕ ಗಮನವಾಗಿದೆ. ಆದ್ದರಿಂದ ಘಟನೆ ಬೆಳಕಿಗೆ ಬಂದ ನಂತರ ಮಧ್ಯರಾತ್ರಿಯ ನಂತರ ಸಭೆಯನ್ನು ಕರೆಯಲಾಗಿದೆ ಎಂದು ಸಚಿವರು ಹೇಳಿದರು. ಘಟನೆಗೆ ಸಂಬಂಧಿಸಿದಂತೆ ಇಂಡಿಗೋಗೆ ₹1.20 ಕೋಟಿ ಮತ್ತು ಮುಂಬೈ ವಿಮಾನ ನಿಲ್ದಾಣಕ್ಕೆ ₹90 ಲಕ್ಷ ದಂಡ ವಿಧಿಸಲಾಗಿದೆ. ದೆಹಲಿಯಲ್ಲಿನ ಮಂಜುನಿಂದಾಗಿ ವಿಮಾನಗಳು ವಿಳಂಬ ಮತ್ತು ರದ್ದತಿಯನ್ನು ಎದುರಿಸುತ್ತಿರುವ ಮಧ್ಯೆ ಈ ದಂಡವು ಅಗತ್ಯವಾಗಿದೆ ಎಂದು ಸಚಿವರು ಹೇಳಿದರು.

ದುರದೃಷ್ಟವಶಾತ್ ನಾವು ನಿಯಂತ್ರಿಸಲಾಗದ ಪ್ರಕೃತಿಯ ಬದಲಾವಣೆಗಳಿವೆ. ಪ್ರಕೃತಿಯ ಆ ಬದಲಾವಣೆಗಳು ಪ್ರಪಂಚದಾದ್ಯಂತ ಸಂಭವಿಸುತ್ತವೆ. ದೆಹಲಿಯಲ್ಲಿ ದಟ್ಟವಾದ ಮಂಜು ಆವರಿಸಿದೆ ನಿಮಗೆ ತಿಳಿದಿರುವಂತೆ, ಯಾವುದೇ ನಾಗರಿಕ ವಿಮಾನಯಾನ ಪರಿಸರ ವ್ಯವಸ್ಥೆಯಲ್ಲಿ ಕೆಲವು ಬೇಸ್ ಸ್ಟೇಷನ್‌ಗಳಿವೆ. ಹವಾಮಾನ ಅಥವಾ ಇತರ ಯಾವುದೇ ಘಟನೆಗಳಿಂದಾಗಿ, ಬೇಸ್ ಸ್ಟೇಷನ್ ಪರಿಣಾಮ ಬೀರಿದಾಗ, ಇದು ವ್ಯವಸ್ಥೆಯ ಉದ್ದ ಮತ್ತು ಅಗಲದಲ್ಲಿ ದುರದೃಷ್ಟಕರ ವಿಳಂಬಗಳು ಮತ್ತು ರದ್ದತಿಗಳಿಗೆ ಕಾರಣವಾಗುತ್ತದೆ ಎಂದು ಹೇಳಿದ್ದಾರೆ.

ನಾವು ದೆಹಲಿಯಲ್ಲಿ ಕೆಲವು ದಿನಗಳ ಶೂನ್ಯ ಗೋಚರತೆಯನ್ನು ಹೊಂದಿದ್ದೇವೆ. ಲ್ಯಾಂಡಿಂಗ್ ಮತ್ತು ಟೇಕ್-ಆಫ್ ಅನ್ನು ರನ್‌ವೇ ಸಾಮರ್ಥ್ಯದಿಂದ ಮಾತ್ರ ನಿರ್ಧರಿಸಲಾಗುವುದಿಲ್ಲ ಎಂದ ಸಿಂಧಿಯಾ ದೆಹಲಿ-ಗೋವಾ ಇಂಡಿಗೋ ವಿಮಾನವನ್ನು ಮುಂಬೈಗೆ ತಿರುಗಿಸಿದ ಕಾರಣ ಪ್ರಯಾಣಿಕರು ರಸ್ತೆಗೆ ಬರಬೇಕಾಯಿತು ಎಂದಿದ್ದಾರೆ.

ಇದನ್ನೂ ಓದಿ: ಇಂಡಿಗೋ ಪೈಲಟ್ ಮೇಲೆ ಪ್ರಯಾಣಿಕನಿಂದ ಹಲ್ಲೆ; ಅಶಿಸ್ತಿನ ವರ್ತನೆ ಸಹಿಸುವುದಿಲ್ಲ ಎಂದ ಜ್ಯೋತಿರಾದಿತ್ಯ ಸಿಂಧಿಯಾ

”ಪ್ರಯಾಣಿಕರಿಗೆ ಅನನುಕೂಲವಾಗಿದೆ, ಡಾಂಬರು ರಸ್ತೆಯಲ್ಲಿ ಊಟ ಮಾಡಬೇಕಾಗಿ ಬಂದಿದೆ. ಎಲ್ಲ ಕಡೆ ಭದ್ರತೆಯಲ್ಲಿ ರಾಜಿ ಮಾಡಿಕೊಂಡಿರುವುದು ಸ್ವೀಕಾರಾರ್ಹವಲ್ಲ. 3-4 ಗಂಟೆಗಳಲ್ಲಿ ನೋಟಿಸ್ ಜಾರಿ ಮಾಡಿ 24 ಗಂಟೆಯೊಳಗೆ ದಂಡವನ್ನು ವಿಧಿಸಲಾಗಿದೆ ಎಂದು ಸಚಿವರು ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ