Indus Water Treaty: ಸಿಂಧೂ ಜಲ ಒಪ್ಪಂದದ ತಿದ್ದುಪಡಿಗಾಗಿ ಪಾಕ್‌ಗೆ ಭಾರತ ನೋಟಿಸ್

ದೆಹಲಿ: ಸೆಪ್ಟೆಂಬರ್ 1960ರ ಸಿಂಧೂ ಜಲ ಒಪ್ಪಂದದ (Indus Water Treaty) ಮಾರ್ಪಾಡುಗಾಗಿ ಭಾರತವು ಪಾಕಿಸ್ತಾನಕ್ಕೆ ನೋಟಿಸ್ ನೀಡಿದೆ. ಐಡಬ್ಲ್ಯುಟಿಯ ಆರ್ಟಿಕಲ್ XII (3) ರ ಪ್ರಕಾರ ಜನವರಿ 25 ರಂದು ಸಿಂಧೂ ಜಲಗಳ ಸಂಬಂಧಿತ ಆಯುಕ್ತರ ಮೂಲಕ ಸೂಚನೆಯನ್ನು ರವಾನಿಸಲಾಗಿದೆ ಎಂದು ಮೂಲಗಳು ಶುಕ್ರವಾರ ತಿಳಿಸಿವೆ. ಭಾರತವು ಯಾವಾಗಲೂ ದೃಢವಾದ ನಿರ್ಧಾರವನ್ನು ತೆಗೆದುಕೊಳ್ಳುತ್ತದೆ ಮತ್ತು IWT (ಸಿಂಧೂ ಜಲ ಒಪ್ಪಂದ) ಅನ್ನು ಅನುಷ್ಠಾನಗೊಳಿಸುವಲ್ಲಿ ಜವಾಬ್ದಾರಿಯುತ ಕಾರ್ಯವನ್ನು ನಿರ್ವಹಿಸಿದೆ. ಆದರೆ ಪಾಕಿಸ್ತಾನ ಈ ಕ್ರಮದ ಬಗ್ಗೆ ನಿಬಂಧನೆಗಳು ಮತ್ತು ಅವುಗಳ ಅನುಷ್ಠಾನದ ಮೇಲೆ ಪ್ರತಿಕೂಲ ಪರಿಣಾಮ ಬೀರಿದೆ ಮತ್ತು IWT ಯನ್ನು ಮಾರ್ಪಡಿಸಲು ಸೂಕ್ತವಾದ ಸೂಚನೆಯನ್ನು ನೀಡುವಂತೆ ಭಾರತವನ್ನು ಒತ್ತಾಯಿಸಿದೆ.

ಮೂಲಗಳ ಪ್ರಕಾರ, 2015 ರಲ್ಲಿ, ಪಾಕಿಸ್ತಾನವು ಭಾರತದ ಕಿಶನ್‌ಗಂಗಾ ಮತ್ತು ರಾಟ್ಲ್ ಹೈಡ್ರೋ ಎಲೆಕ್ಟ್ರಿಕ್ ಪ್ರಾಜೆಕ್ಟ್‌ಗಳಿಗೆ (ಎಚ್‌ಇಪಿ) ತಾಂತ್ರಿಕ ಆಕ್ಷೇಪಣೆಗಳನ್ನು ಪರಿಶೀಲಿಸಲು ತಜ್ಞರನ್ನು ನೇಮಿಸುವಂತೆ ವಿನಂತಿಸಿದೆ. 2016ರಲ್ಲಿ, ಪಾಕಿಸ್ತಾನವು ಈ ವಿನಂತಿಯನ್ನು ಏಕಪಕ್ಷೀಯವಾಗಿ ಹಿಂತೆಗೆದುಕೊಂಡಿತು ಮತ್ತು ಅದರ ಆಕ್ಷೇಪಣೆಗಳ ಮೇಲೆ ಮಧ್ಯಸ್ಥಿಕೆ ನ್ಯಾಯಾಲಯವು ತೀರ್ಪು ನೀಡುವಂತೆ ಪ್ರಸ್ತಾಪಿಸಿತು.

ಪಾಕಿಸ್ತಾನದ ಈ ಏಕಪಕ್ಷೀಯ ಕ್ರಮವು ಐಡಬ್ಲ್ಯೂಟಿಯ ಆರ್ಟಿಕಲ್ IX ಯಿಂದ ಕಲ್ಪಿಸಲಾದ ವಿವಾದ ಇತ್ಯರ್ಥದ ಶ್ರೇಣೀಕೃತ ಕಾರ್ಯವಿಧಾನಕ್ಕೆ ವಿರುದ್ಧವಾಗಿದೆ ಎಂದು ಮೂಲಗಳು ತಿಳಿಸಿವೆ. ಅದರಂತೆ, ಈ ವಿಷಯವನ್ನು ತಜ್ಞರಿಗೆ ಉಲ್ಲೇಖಿಸಲು ಭಾರತವು ಪ್ರತ್ಯೇಕ ವಿನಂತಿಯನ್ನು ಮಾಡಿತು.

ಒಂದೇ ಪ್ರಶ್ನೆಗಳ ಮೇಲೆ ಎರಡು ಏಕಕಾಲಿಕ ಪ್ರಕ್ರಿಯೆಗಳ ಅಸಮಂಜಸ ಅಥವಾ ವಿರೋಧಾತ್ಮಕ ಹಾಗೂ ಕಾನೂನುಬದ್ಧವಾಗಿ ಅಸಮರ್ಥನೀಯ ಪರಿಸ್ಥಿತಿಯನ್ನು ಸೃಷ್ಟಿಸುತ್ತದೆ, ಇದು IWT ಗೆ ಅಪಾಯವನ್ನುಂಟು ಮಾಡುತ್ತದೆ ಎಂದು ಮೂಲಗಳು ತಿಳಿಸಿವೆ. ವಿಶ್ವ ಬ್ಯಾಂಕ್ 2016ರಲ್ಲಿ ಇದನ್ನು ಒಪ್ಪಿಕೊಂಡಿತು ಮತ್ತು ಎರಡು ಸಮಾನಾಂತರ ಪ್ರಕ್ರಿಯೆಗಳಿಗೆ ನಿರ್ಬಂಧವನ್ನು ಮಾಡಲು ನಿರ್ಧಾರವನ್ನು ತೆಗೆದುಕೊಂಡಿತು. ಜೊತೆಗೆ ಭಾರತ ಮತ್ತು ಪಾಕಿಸ್ತಾನವನ್ನು ಸೌಹಾರ್ದಯುತ ಕಾರ್ಯನಿರ್ವಹಿಸುವಂತೆ ತಿಳಿಸಿತ್ತು.

ಇದನ್ನು ಓದಿ:ಸಿಂಧೂ ಜಲ ಒಪ್ಪಂದದ ಕುರಿತು ಭಾರತ-ಪಾಕಿಸ್ತಾನ ನಡುವಿನ 118ನೇ ದ್ವಿಪಕ್ಷೀಯ ಸಭೆ ಇಂದು ಆರಂಭ

ಪರಸ್ಪರ ಈ ಬಗ್ಗೆ ಒಪ್ಪಿಯನ್ನು ಸೂಚಿಸುವ ಮಾರ್ಗವನ್ನು ಕಂಡುಕೊಳ್ಳಲು ಭಾರತವು ಪ್ರಯತ್ನಗಳ ಹೊರತಾಗಿಯೂ, 2017 ರಿಂದ 2022 ರವರೆಗೆ ಶಾಶ್ವತ ಸಿಂಧೂ ಆಯೋಗದ ಐದು ಸಭೆಗಳಲ್ಲಿ ಈ ವಿಷಯವನ್ನು ಚರ್ಚಿಸಲು ಪಾಕಿಸ್ತಾನ ನಿರಾಕರಿಸಿತು ಎಂದು ಮೂಲಗಳು ತಿಳಿಸಿವೆ.

ಪಾಕಿಸ್ತಾನದ ನಿರಂತರ ಒತ್ತಾಯದ ಮೇರೆಗೆ, ವಿಶ್ವ ಬ್ಯಾಂಕ್ ಇತ್ತೀಚೆಗೆ ತಜ್ಞರು ಮತ್ತು ನ್ಯಾಯಾಲಯದ ಮಧ್ಯಸ್ಥಿಕೆ ಪ್ರಕ್ರಿಯೆಗಳ ಮೇಲೆ ಕ್ರಮಗಳನ್ನು ಪ್ರಾರಂಭಿಸಿದೆ. ಅದೇ ಸಮಸ್ಯೆಗಳ ಅಂತಹ ಸಮಾನಾಂತರ ಪರಿಗಣನೆಯು IWTಯ ಯಾವುದೇ ನಿಬಂಧನೆಯ ಅಡಿಯಲ್ಲಿ ಒಳಗೊಳ್ಳುವುದಿಲ್ಲ ಎಂದು ಮೂಲಗಳು ತಿಳಿಸಿವೆ.

ಐಡಬ್ಲ್ಯೂಟಿ ನಿಬಂಧನೆಗಳ ಇಂತಹ ಉಲ್ಲಂಘನೆಯನ್ನು ಎದುರಿಸುತ್ತಿರುವ ಭಾರತವು ಮಾರ್ಪಾಡುಗಳ ಸೂಚನೆಯನ್ನು ನೀಡುವಂತೆ ಒತ್ತಾಯಿಸಲ್ಪಟ್ಟಿದೆ ಎಂದು ಮೂಲಗಳು ತಿಳಿಸಿವೆ, ಆದರೆ ತಿದ್ದುಪಡಿಗಾಗಿ ಸೂಚನೆಯ ಉದ್ದೇಶವು ಪಾಕಿಸ್ತಾನಕ್ಕೆ 90 ದಿನಗಳೊಳಗೆ ಅಂತರಸರ್ಕಾರದ ಮಾತುಕತೆಗಳಲ್ಲಿ ಸರಿಪಡಿಸಲು ಅವಕಾಶವನ್ನು ಒದಗಿಸುವುದಾಗಿದೆ ಮೂಲಗಳು ತಿಳಿಸಿದೆ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ

Published On - 11:38 am, Fri, 27 January 23