4 ಲಕ್ಷಕ್ಕೂ ಹೆಚ್ಚು ಷೇರುಗಳನ್ನು ಸಹ-ಸಂಸ್ಥಾಪಕನಿಗೆ ಉಡುಗೊರೆಯಾಗಿ ನೀಡಿದ Infosys!

ಇನ್ಫೋಸಿಸ್ ಸಹ-ಸಂಸ್ಥಾಪಕ ಎಸ್​.ಡಿ ಶಿಬುಲಾಲ್ ಕಂಪನಿಯ 4 ಲಕ್ಷಕ್ಕೂ ಹೆಚ್ಚು ಷೇರುಗಳನ್ನು ಉಡುಗೊರೆಯಾಗಿ ಸ್ವೀಕರಿಸಿದ್ದಾರೆ. ಇದೀಗ, ಅವರ ಒಡೆತನದಲ್ಲಿ ಒಟ್ಟು 21.6 ಲಕ್ಷಕ್ಕೂ ಹೆಚ್ಚು ಷೇರುಗಳಿದೆ ಎಂದು ರೆಗ್ಯೂಲೇಟರಿ ಫೈಲಿಂಗ್ ತಿಳಿಸಿದೆ.

ಇನ್ಫೋಸಿಸ್ ಲಿಮಿಟೆಡ್ NSE ಶೇಕಡಾ 0.58ನ 4,01,000 ಈಕ್ವಿಟಿ ಷೇರುಗಳನ್ನು 2020 ರ ನವೆಂಬರ್ 12 ರಂದು ಆಫ್ ಮಾರ್ಕೆಟ್ ವಹಿವಾಟಿನಲ್ಲಿ ಎಸ್.ಡಿ ಶಿಬುಲಾಲ್​ಗೆ ಉಡುಗೊರೆಯಾಗಿ ನೀಡಲಾಗಿದೆ ಎಂದು ಸಂಸ್ಥೆಯು ಶುಕ್ರವಾರ ಷೇರು ವಿನಿಮಯ ಕೇಂದ್ರಗಳಿಗೆ ತಿಳಿಸಿದೆ.

ಶಿಬುಲಾಲ್ ಬಳಿಯಿರುವ ಷೇರುಗಳ ಸಂಖ್ಯೆ ಶೇಕಡಾ 0.05 ಕ್ಕೆ ಏರಿದೆ ಶಿಬುಲಾಲ್ ಅವರ ಪತ್ನಿ ಕುಮಾರಿ ಒಂದೇ ದಿನ 4.01 ಲಕ್ಷ ಷೇರುಗಳನ್ನು ಉಡುಗೊರೆಯಾಗಿ ನೀಡಿದ್ದಾರೆ ಎಂದು ಪ್ರತ್ಯೇಕ ರೆಗ್ಯೂಲೇಟರಿ ಫೈಲಿಂಗ್ ಹೇಳಿದೆ. ಆದರೆ, ಸ್ವೀಕರಿಸುವವರ ಹೆಸರನ್ನು ಬಹಿರಂಗಪಡಿಸಲಾಗಿಲ್ಲ. ಇನ್ಫೋಸಿಸ್​​ನಲ್ಲಿ ಕುಮಾರಿಯ ಷೇರುಗಳು ಈಗ ಶೇಕಡಾ 0.21 ಕ್ಕೆ ಇಳಿದಿದ್ದರೆ, ಶಿಬುಲಾಲ್ ಅವರ ಬಳಿಯಿರುವ ಷೇರುಗಳು ಶೇಕಡಾ 0.05 ಕ್ಕೆ ಏರಿದೆ. ವಹಿವಾಟಿನ ನಂತರ, ಕುಮಾರಿ ಮತ್ತು ಶಿಬುಲಾಲ್ ಒಡೆತನದ ಇನ್ಫೋಸಿಸ್ ಷೇರುಗಳ ಸಂಖ್ಯೆ ಕ್ರಮವಾಗಿ 88,96,930 ಮತ್ತು 21,66,768 ರಷ್ಟಿದೆ.

ಇನ್ಫೋಸಿಸ್​​‌ನ ಷೇರುಗಳು ಶುಕ್ರವಾರ BSEನಲ್ಲಿ ತಲಾ 1,123.90 ರೂ.ಗೆ ತಲುಪಿದೆ. ಜುಲೈನಲ್ಲಿ ಶಿಬುಲಾಲ್​ರ ಕುಟುಂಬದ ಸದಸ್ಯರು 770 ಕೋಟಿ ರೂ. ಮೌಲ್ಯದ ಕಂಪನಿಯ 85 ಲಕ್ಷ ಷೇರುಗಳನ್ನು ಮಾರಾಟ ಮಾಡಿದ್ದರು. ಅದರಿಂದ ಬಂದ ಮೊತ್ತವನ್ನು ಲೋಕೋಪಕಾರಿ ಮತ್ತು ಹೂಡಿಕೆ ಚಟುವಟಿಕೆಗಳಿಗೆ ಬಳಸಬೇಕಾಗಿತ್ತು. ಎಸ್.ಡಿ ಶಿಬುಲಾಲ್, ಎನ್.ಆರ್ ನಾರಾಯಣ ಮೂರ್ತಿ ಹಾಗೂ ಇತರ 5 ಮಂದಿ 1981 ರಲ್ಲಿ ಇನ್ಫೋಸಿಸ್ ಸಂಸ್ಥೆಯನ್ನು ಸ್ಥಾಪಿಸಿದರು.

ಶಿಬುಲಾಲ್ 2011ರಿಂದ 2014ರವರೆಗೆ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿ ಮತ್ತು ಇನ್ಫೋಸಿಸ್ ವ್ಯವಸ್ಥಾಪಕ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದರು. CEO ಮತ್ತು MD ಆಗುವ ಮೊದಲು ಅವರು 2007ರಿಂದ 2011ರವರೆಗೆ ಕಂಪನಿಯ ಮುಖ್ಯ ಕಾರ್ಯ ನಿರ್ವಹಣಾಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು.

Published On - 5:58 pm, Sat, 14 November 20