ಬುಲ್ಡೋಜರ್ ದಿಕ್ಕು ಬದಲಾಗಲಿದೆಯೇ ಯೋಗಿ? ಲಂಚಕ್ಕೆ ಬೇಡಿಕೆ ಇಟ್ಟ IPS ಅಧಿಕಾರಿಯ ಹಳೆಯ ವಿಡಿಯೊ ಹಂಚಿಕೊಂಡ ಅಖಿಲೇಶ್
ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಯಾದವ್ ಅವರು ಐಪಿಎಸ್ ಅಧಿಕಾರಿಯೊಬ್ಬರು ಉದ್ಯಮಿಯೊಬ್ಬರಿಂದ ಹಣಕ್ಕೆ ಬೇಡಿಕೆಯಿರುವ ವಿಡಿಯೊ ಕ್ಲಿಪ್ನ್ನು ಭಾನುವಾರ ತಮ್ಮ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ.
Updated on: Mar 13, 2023 | 11:32 AM
ವಾರಣಾಸಿ: ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್ ಯಾದವ್ (Akhilesh Yadav) ಅವರು ಐಪಿಎಸ್ ಅಧಿಕಾರಿಯೊಬ್ಬರು ಉದ್ಯಮಿಯೊಬ್ಬರಿಂದ ಹಣಕ್ಕೆ ಬೇಡಿಕೆಯಿರುವ ವಿಡಿಯೊ ಕ್ಲಿಪ್ನ್ನು ಭಾನುವಾರ ತಮ್ಮ ಟ್ವಿಟರ್ನಲ್ಲಿ ಹಂಚಿಕೊಂಡಿದ್ದಾರೆ. ಇದೀಗ ಈ ವಿಡಿಯೊ ಟ್ವಿಟರ್ನಲ್ಲಿ ಚರ್ಚೆಗೆ ಕಾರಣವಾಗಿದೆ, ಈ ವಿಡಿಯೊವನ್ನು ಹಂಚಿಕೊಂಡು ಅಖಿಲೇಶ್ ಯಾದವ್ ಅವರು ಉತ್ತರ ಪ್ರದೇಶದ ಯೋಗಿ ಆದಿತ್ಯನಾಥ್ ಸರ್ಕಾರದ ಮೇಲೆ ವಾಗ್ದಳಿ ನಡೆಸಿದ್ದಾರೆ. ಯೋಗಿ ಅವರು ಈ ಅಧಿಕಾರಿಯ ವಿರುದ್ಧ ಬುಲ್ಡೋಜರ್ ಕ್ರಮ ಕೈಗೊಳ್ಳುತ್ತಾರೆಯೇ ಎಂದು ಪ್ರಶ್ನಿಸಿದರು. ಈ ವಿಡಿಯೊ ವೈರಲ್ ಆಗುತ್ತಿದ್ದಂತೆ ಐಪಿಎಸ್ ಅಧಿಕಾರಿಯನ್ನು ತನಿಖೆ ಮಾಡುವಂತೆ ಆದೇಶ ನೀಡಿದ್ದಾರೆ.
ಯುಪಿ ಪೊಲೀಸ್ ಐಪಿಎಸ್ ಅಧಿಕಾರಿ ಅನಿರುದ್ಧ್ ಸಿಂಗ್ ಅವರನ್ನು ವಾರಣಾಸಿಗೆ ನಿಯೋಜಿಸಲಾಗಿದೆ ಎಂದು ವರದಿಯಾಗಿದೆ. ಈ ವಿಡಿಯೊದ ಪ್ರಕಾರ ಅವರು 20 ಲಕ್ಷ ರೂ. ಬೇಡಿಕೆ ಇಟ್ಟಿದ್ದಾರೆ ಎಂದು ಹೇಳಲಾಗಿದೆ. ರೆಕಾರ್ಡ್ ಮಾಡಲಾದ ವೀಡಿಯೊದಲ್ಲಿ ಅನಿರುದ್ಧ್ ಸಿಂಗ್ ಮೀರತ್ ಜಿಲ್ಲೆಯಲ್ಲಿ ನೆಲೆಸಿದ್ದ ಸಮಯದಲ್ಲಿ ಚಿತ್ರಿಸಲಾಗಿದೆ.
उप्र में एक आईपीएस की वसूली के इस वीडियो के बाद क्या बुलडोज़र की दिशा उनकी तरफ़ बदलेगी या फिर फ़रार आईपीएस की सूची में एक नाम और जोड़कर संलिप्त भाजपा सरकार ये मामला भी रफ़ा-दफ़ा करवा देगी।
उप्र की जनता देख रही है कि ये है अपराध के प्रति भाजपा की झूठी ज़ीरो टालरेंस की सच्चाई। pic.twitter.com/JsMAhzRFPU
— Akhilesh Yadav (@yadavakhilesh) March 12, 2023
ಉತ್ತರಪ್ರದೇಶದಲ್ಲಿ ಐಪಿಎಸ್ ಅಧಿಕಾರಿ ಹಣಕ್ಕಾಗಿ ಇಟ್ಟಿರುವ ಬೇಡಿಕೆಯ ಈ ವಿಡಿಯೊ ಸಂಬಂಧಿಸಿದಂತೆ ಈಗ ಬುಲ್ಡೋಜರ್ಗಳ ದಿಕ್ಕು ಬದಲಾಗಲಿದೆಯೇ ಅಥವಾ ಪರಾರಿಯಾಗಿರುವ ಐಪಿಎಸ್ ಅಧಿಕಾರಿಯ ಬದಲು ಮತ್ತೊಬ್ಬ ಅಧಿಕಾರಿಯ ಹೆಸರನ್ನು ಸೇರಿಸುವ ಮೂಲಕ ಬಿಜೆಪಿ ಸರ್ಕಾರವು ಪ್ರಕರಣದಿಂದ ಮುಕ್ತಿ ಪಡೆಯುತ್ತದೆಯೇ? ಯುಪಿ ಜನರು ವಾಸ್ತವವನ್ನು ನೋಡುತ್ತಿದ್ದಾರೆ. ಅಪರಾಧದ ಬಗ್ಗೆ ಬಿಜೆಪಿಯ ಶೂನ್ಯ ಸಹಿಷ್ಣುತೆ ಹೊಂದಿದೆ ಎಂದು ಅಖಿಲೇಶ್ ಯಾದವ್ 10 ಸೆಕೆಂಡುಗಳ ವೀಡಿಯೊ ಕ್ಲಿಪ್ ಜೊತೆಗೆ ಟ್ವೀಟ್ ಮಾಡಿದ್ದಾರೆ. ಅಖಿಲೇಶ್ ಅವರ ಟ್ವೀಟ್ಗೆ ಪ್ರತಿಕ್ರಿಯಿಸಿದ ಮೀರತ್ ಪೊಲೀಸರು, ಈ ವೀಡಿಯೊ 2 ವರ್ಷಕ್ಕಿಂತ ಹಳೆಯದು ಮತ್ತು ಅನಿರುದ್ಧ್ ಸಿಂಗ್ ಅವರನ್ನು ಈಗಾಗಲೇ ಆ ಹುದ್ದೆಯಿಂದ ತೆಗೆಯಲಾಗಿದೆ. ಪ್ರಕರಣದ ತನಿಖೆ ಪೂರ್ಣಗೊಂಡಿದೆ ಎಂದು ಹೇಳಿದ್ದಾರೆ.
ಇದನ್ನೂ ಓದಿ: Akhilesh Yadav: ಪುಷ್ಪರಾಜ್ ಜೈನ್ ಮೇಲಿನ ಐಟಿ ದಾಳಿ ಹಿಂದೆ ಬಿಜೆಪಿ ಕೈವಾಡ; ಅಖಿಲೇಶ್ ಯಾದವ್ ಆರೋಪ
ಎರಡು ವರ್ಷಗಳ ಹಳೆಯ ವಿಡಿಯೋ
ಟ್ವಿಟರ್ನಲ್ಲಿ ಅಖಿಲೇಶ್ ಹಂಚಿಕೊಂಡಿರುವ ವಿಡಿಯೊ ಬಗ್ಗೆ ಉತ್ತರಿಸಿದ ಯುಪಿ ಪೊಲೀಸ್ ಮಹಾನಿರ್ದೇಶಕರ ಪ್ರಕಾರ ಎರಡು ವರ್ಷದ ಹಳೆಯ ವೀಡಿಯೊದ ವಿಷಯಗಳನ್ನು ತನಿಖೆ ಮಾಡಲಾಗುತ್ತಿದೆ. ಮೀರತ್ ಜಿಲ್ಲೆಯ ಗ್ರಾಮಾಂತರ ಎಸ್ಪಿಯಾಗಿ ನೇಮಕಗೊಂಡಿರುವ ಐಪಿಎಸ್ ಅಧಿಕಾರಿ ಅನಿರುದ್ಧ್ ಸಿಂಗ್ ಅವರ ವೀಡಿಯೊ ವೈರಲ್ ಆಗುತ್ತಿದೆ, ಅದರಲ್ಲಿ ಅವರು ಒಬ್ಬ ವ್ಯಕ್ತಿಯೊಂದಿಗೆ ವೀಡಿಯೊ ಕರೆ ಮೂಲಕ ಸಂಭಾಷಣೆ ನಡೆಸುತ್ತಿದ್ದಾರೆ. ಈ ವೀಡಿಯೊದ ಆಧಾರದ ಮೇಲೆ ಸಿಂಗ್ ವಿರುದ್ಧ ಭ್ರಷ್ಟಾಚಾರದ ಆರೋಪಗಳನ್ನು ಹೊರಿಸಲಾಗಿದೆ ಎಂದು ಡಿಜಿಪಿ ಹೊರಡಿಸಿದ ಅಧಿಕೃತ ಪ್ರಕಟಣೆ ತಿಳಿಸಿದೆ.
ಈ ಪ್ರಕರಣ 2 ವರ್ಷಗಳಷ್ಟು ಹಳೆಯದಾಗಿದೆ, ಆದರೆ ಪ್ರಕರಣದ ಗಂಭೀರತೆಯ ದೃಷ್ಟಿಯಿಂದ, ಪೊಲೀಸ್ ಪ್ರಧಾನ ಕಚೇರಿಯು ವಾರಣಾಸಿಯ ಕಮಿಷನರ್ ಜೊತೆಗೆ ಈ ಬಗ್ಗೆ ವಿಚಾರಿಸಿದೆ, ಪ್ರಸ್ತುತ ಅಧಿಕಾರಿಯ ಪೋಸ್ಟಿಂಗ್ ಮತ್ತು 3 ದಿನಗಳಲ್ಲಿ ವರದಿಯನ್ನು ಕೇಳಿದೆ ಎಂದು ಅದು ಹೇಳಿದೆ.
ಈ ಮಧ್ಯೆ, ಪಿಟಿಐ ಪ್ರಕಾರ, ಐಪಿಎಸ್ ಅಧಿಕಾರಿ ಸಿಂಗ್ ಅವರ ಪತ್ನಿ ವಿರುದ್ಧ ಟ್ವೀಟ್ನಲ್ಲಿ ಮಾಡಿದ ಆರೋಪದ ಬಗ್ಗೆ ಪೊಲೀಸರು ಹೊಸ ತನಿಖೆಯನ್ನು ತೆರೆದಿದ್ದಾರೆ, ಅವರು ತಮ್ಮ ಜಮೀನುದಾರನ ಬಾಡಿಗೆಯನ್ನು ಪಾವತಿಸಲಿಲ್ಲ.
ಡಿಜಿಪಿ ಕಚೇರಿಯ ಪ್ರಕಾರ, ವಾರಣಾಸಿಯ ಡಿಸಿಪಿ ವರುಣಾ ವಲಯ ಕಮಿಷನರೇಟ್ ಆಗಿ ಕಾರ್ಯನಿರ್ವಹಿಸುತ್ತಿರುವ ಆರತಿ ಸಿಂಗ್ ಅವರ ಅಪಾರ್ಟ್ಮೆಂಟ್ ಬಾಡಿಗೆ ಪಾವತಿಸಲು ವಿಫಲರಾಗಿದ್ದಾರೆ ಎಂದು ಆರೋಪಿಸಲಾಗಿದೆ.
“ಆರತಿ ಸಿಂಗ್ ಅವರು ಅನಿರುದ್ಧ್ ಸಿಂಗ್ ಅವರ ಪತ್ನಿ. ಆರತಿ ಸಿಂಗ್ ಅವರು ಬಾಡಿಗೆ ಪಾವತಿಸಿದ್ದಾರೆ ಮತ್ತು ಬಾಕಿ ಉಳಿದಿಲ್ಲ ಎಂದು ನಮಗೆ ತಿಳಿದು ಬಂದಿದೆ, ಆದರೆ ಪೊಲೀಸ್ ಪ್ರಧಾನ ಕಚೇರಿಯು ವಾರಣಾಸಿ ಕಮಿಷನರ್ ಅವರನ್ನು ಈ ವಿಷಯದ ಬಗ್ಗೆ ತನಿಖೆ ನಡೆಸಿ 3 ದಿನಗಳಲ್ಲಿ ಅವರ ವರದಿಯನ್ನು ನೀಡುವಂತೆ ಕೇಳಿದೆ.” ಅದು ಹೇಳಿದ್ದು.
