ಗೂಗಲ್ ಸಿಇಒ ಸುಂದರ್ ಪಿಚೈ ಅವರ ಐಐಟಿ ಖರಗ್‌ಪುರ​ ಕ್ಲಾಸ್​ಮೇಟ್​​ ಶರ್ಮಿಷ್ಠಾ ದುಬೆ ಸಾಧನೆ ಏನು ಗೊತ್ತಾ!?

ಗೂಗಲ್ ಸಿಇಒ ಸುಂದರ್ ಪಿಚೈ (Google CEO Sundar Pichai) ಅವರ ಐಐಟಿ ಖರಗ್‌ಪುರ (IIT Kharagpur) ಸಹಪಾಠಿ ಶರ್ಮಿಷ್ಠಾ ದುಬೆ 3,00,000 ಕೋಟಿ ರೂ. ಉದ್ಯಮವನ್ನು ಮುನ್ನಡೆಸಿದ್ದಾರೆ. ಶರ್ಮಿಷ್ಠಾ ದುಬೆ ಅವರನ್ನು 2020 ರಲ್ಲಿ Match.com ನ CEO ಆಗಿ ನೇಮಿಸಲಾಯಿತು. ಅವರ ಐಐಟಿ ಸಹಪಾಠಿಯಂತೆ, ಶರ್ಮಿಷ್ಠಾ ದುಬೆ ಅವರು ಯುಎಸ್‌ನಲ್ಲಿ ಭಾರತದ ಹೆಸರಾಂತ ವ್ಯಾಪಾರ ಕಾರ್ಯನಿರ್ವಾಹಕರಾಗಿದ್ದಾರೆ. ಶಾರ್ ದುಬೆ ( Sharmistha Dubey) ಎಂದೂ ಕರೆಯಲ್ಪಡುವ ಅವರು ಆನ್‌ಲೈನ್ ಡೇಟಿಂಗ್ ದೈತ್ಯ ಮ್ಯಾಚ್ ಗ್ರೂಪ್‌ (Match Group) ಸಿಇಒ ಆಗಿ ಸೇವೆ ಸಲ್ಲಿಸಿದರು. ಅದು ಟಿಂಡರ್, ಹಿಂಜ್ ಮತ್ತು ಒಕ್‌ಕ್ಯೂಪಿಡ್‌ ಅಂತಹ ಅಪ್ಲಿಕೇಶನ್‌ಗಳನ್ನು ಹೊಂದಿದೆ. ಕೋವಿಡ್-19 ಸಾಂಕ್ರಾಮಿಕ ರೋಗದ ಮೂಲಕ ಸಂಘಟಿತ ಸಂಸ್ಥೆಯನ್ನು ಮುನ್ನಡೆಸಿದ ಮತ್ತು ತನ್ನ ಆಲೋಚನೆಗಳೊಂದಿಗೆ ಉದ್ಯಮವನ್ನು ಮರುಶೋಧಿಸಿದ ಕೀರ್ತಿ ಆಕೆಗೆ ಸಲ್ಲುತ್ತದೆ.

ಶರ್ಮಿಷ್ಠಾ (53 ವರ್ಷ -1970) ಜೆಮ್‌ಶೆಡ್‌ಪುರದವರು. ಲೊಯೊಲಾ ಶಾಲೆಯಲ್ಲಿ ಓದಿದ ನಂತರ, ಅವರು ಖರಗ್‌ಪುರದ ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಯಿಂದ ಪದವಿ ಪಡೆದರು. ಗೂಗಲ್ ಸಿಇಒ ಸುಂದರ್ ಪಿಚೈ ಅವರ ಸಹಪಾಠಿಯಾಗಿದ್ದರು. ಇಡೀ ತರಗತಿಯಲ್ಲಿ ಇವರೊಬ್ಬರೇ ಮಹಿಳೆ.

ನಂತರ ಶರ್ಮಿಷ್ಠಾ ತವರು ಜಮ್ಶೆಡ್‌ಪುರದ ಸ್ಟೀಲ್ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದರು. ಆ ವೇಳೆ ತಮ್ಮ ಮುಂದಿನ ಶಿಕ್ಷಣಕ್ಕಾಗಿ ಹಣವನ್ನು ಉಳಿಸಿದರು, ನಂತರ MS ಪದವಿಯನ್ನು ಗಳಿಸಲು US ಗೆ ಹೋದರು. ಅವರು 1998 ರಲ್ಲಿ ಟೆಕ್ಸಾಸ್ ಇನ್ಸ್ಟ್ರುಮೆಂಟ್ಸ್ನೊಂದಿಗೆ ಎಂಜಿನಿಯರ್ ಆಗಿ ತಮ್ಮ ವೃತ್ತಿಜೀವನವನ್ನು ಪ್ರಾರಂಭಿಸಿದರು. ಅವರು 2006 ರಲ್ಲಿ Match.com ಗೆ ಸೇರಿದರು.

ಮ್ಯಾಚ್ ಗ್ರೂಪ್‌ನಲ್ಲಿ, ಅವರು ಆನ್‌ಲೈನ್ ಡೇಟಿಂಗ್ ಆಪ್​ ಅನ್ನು ಮರುಶೋಧಿಸಿದರು. ಅವರು 2017 ರಲ್ಲಿ ಟಿಂಡರ್‌ಗಾಗಿ ‘ಲೈಕ್ಸ್ ಯು’ ‘Likes You’ ವೈಶಿಷ್ಟ್ಯವನ್ನು ಅಳವಡಿಸಿದರು. ಅವರು ಆ ಅಪ್ಲಿಕೇಶನ್‌ನಲ್ಲಿ ಪಾವತಿಸಿದ ಸದಸ್ಯತ್ವ ವೈಶಿಷ್ಟ್ಯ ಸೇರಿಸಿದರು. ಇದರಿಂದ ಟಿಂಡರ್‌ನ ಜನಪ್ರಿಯತೆ ಮುಗಿಲುಮುಟ್ಟಲು ಸಹಾಯ ಮಾಡಿತು. ಈ ಕಲ್ಪನೆಯು ಟಿಂಡರ್ ಅನ್ನು ಶತಕೋಟಿ ಡಾಲರ್ ಸಂಸ್ಥೆಯಾಗಿ ಮತ್ತು ಉದ್ಯಮದಲ್ಲಿ ಹೆಚ್ಚು ಲಾಭದಾಯಕವಾಗುವಂತೆ ಮಾಡಿದೆ. ಈ ಕ್ರಮವು ಟಿಂಡರ್ ಅನ್ನು ವಿಶ್ವದ ಅತಿ ಹೆಚ್ಚು ಗಳಿಕೆಯ ಗೇಮಿಂಗ್ ಅಲ್ಲದ ಮೊಬೈಲ್ ಅಪ್ಲಿಕೇಶನ್ ಅನ್ನಾಗಿ ಮಾಡಿತು ಮತ್ತು ಆನ್‌ಲೈನ್ ಡೇಟಿಂಗ್ ಉದ್ಯಮವನ್ನು ಶಾಶ್ವತವಾಗಿ ಬದಲಾಯಿಸಿತು.

ಶರ್ಮಿಷ್ಠಾರನ್ನು 2017 ರಲ್ಲಿ ಟಿಂಡರ್‌ COO ಎಂದು ಹೆಸರಿಸಲಾಯಿತು. ಅವರು ಮಾರ್ಚ್ 2020 ರಲ್ಲಿ CEO ಆಗಿ ನೇಮಕಗೊಂಡರು ಮತ್ತು ಮೇ 2022 ರಲ್ಲಿ ಕೆಳಗಿಳಿಯುವ ಮೊದಲು ಅವರು ಸಾಂಕ್ರಾಮಿಕ ರೋಗದ ಸಮಯದಲ್ಲಿ $ 40 ಶತಕೋಟಿ (3 ಲಕ್ಷ ಕೋಟಿ ರೂಪಾಯಿಗೂ ಹೆಚ್ಚು) ಗುಂಪನ್ನು ಯಶಸ್ವಿಯಾಗಿ ಮುನ್ನಡೆಸಿದರು. ಅವರು ಇಂದಿಗೂ ಆ ಗ್ರೂಪ್​ನ ನಿರ್ದೇಶಕರ ಮಂಡಳಿಯಲ್ಲಿ ಉಳಿದಿದ್ದಾರೆ.

ಇದನ್ನೂ ಓದಿ: PM Kisan 14th Installment: ಕೃಷಿಕರಿಗೆ ನೀಡುವ ಪಿಎಂ ಕಿಸಾನ್ 14ನೇ ಕಂತಿನ ಹಣ ಮುಂದಿನ ವಾರ ಬಿಡುಗಡೆ? ಪಟ್ಟಿಯಲ್ಲಿ ನಿಮ್ಮ ಹೆಸರಿದೆಯಾ ಪರಿಶೀಲಿಸಿ

ಶರ್ಮಿಷ್ಠಾ ದುಬೆ ಅವರು ಜೆಮ್ಶೆಡ್​​ಪುರದಲ್ಲಿ ಬೆಳೆದವರು.

1993 ರಲ್ಲಿ ಅವರು ಇಂಡಿಯನ್ ಇನ್‌ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಐಐಟಿ) ಖರಗ್‌ಪುರದಿಂದ ಎಂಜಿನಿಯರಿಂಗ್‌ನಲ್ಲಿ ಸ್ನಾತಕೋತ್ತರ ಪದವಿ ಪಡೆದರು.

ಆ ವರ್ಷ ಪದವಿ ಪಡೆದ ಏಕೈಕ ಮಹಿಳಾ ಮೆಟಲರ್ಜಿಕಲ್ ಇಂಜಿನಿಯರ್.

ಪದವಿಯ ನಂತರ, ಅವರು ಜಮ್ಶೆಡ್‌ಪುರದಲ್ಲಿ ಒಂದು ವರ್ಷ ಸ್ಟೀಲ್ ಕಂಪನಿಯಲ್ಲಿ ಕೆಲಸ ಮಾಡಿದರು

ಇದರಿಂದಾಗಿ, ಓಹಿಯೋ ಸ್ಟೇಟ್ ಯೂನಿವರ್ಸಿಟಿಯಲ್ಲಿ ಎಂಎಸ್ ವ್ಯಾಸಂಗ ಮಾಡಲು ಅವರು ಸಾಕಷ್ಟು ಹಣವನ್ನು ಗಳಿಸಿದರು.

2006 ರಲ್ಲಿ Match.com ಗೆ ಸೇರಿದ ನಂತರ, ಅವರು ಅನೇಕ ಆಯಕಟ್ಟಿನ ನಾಯಕತ್ವ ಸ್ಥಾನಗಳನ್ನು ನಿರ್ವಹಿಸಿದರು. ಉದಾಹರಣೆಗೆ, ಮ್ಯಾಚ್ ಗ್ರೂಪ್ ಅಮೇರಿಕಾಸ್ ಸಂಸ್ಥೆಯ ಅಧ್ಯಕ್ಷರಾದರು

ಇನ್ನಷ್ಟು ವಾಣಿಜ್ಯ ಸುದ್ದಿಗಳಿಗೆ ಇಲ್ಲಿ ಕ್ಲಿಕ್ ಮಾಡಿ

Published On - 3:25 pm, Mon, 12 June 23