ಬುಡಕಟ್ಟು ವ್ಯವಹಾರಗಳ ಸಚಿವಾಲಯದಿಂದ ಆದಿ ಸಂಸ್ಕೃತಿಯ ಬೀಟಾ ಆವೃತ್ತಿ ಪ್ರಾರಂಭ

ನವದೆಹಲಿ, ಸೆಪ್ಟೆಂಬರ್ 10: ಬುಡಕಟ್ಟು ವ್ಯವಹಾರಗಳ ಸಚಿವಾಲಯವು ಬುಡಕಟ್ಟು (Tribal) ಕಲೆ ಮತ್ತು ಸಂಸ್ಕೃತಿಯ ಸಂರಕ್ಷಣೆಗಾಗಿ ‘ಆದಿ ಸಂಸ್ಕೃತಿ’ ಎಂಬ ಡಿಜಿಟಲ್ ವೇದಿಕೆಯನ್ನು ಪ್ರಾರಂಭಿಸಿದೆ. ಇದರಲ್ಲಿ ಆದಿ ವಿಶ್ವವಿದ್ಯಾಲಯ (ಡಿಜಿಟಲ್ ಶಿಕ್ಷಣ), ಆದಿ ಸಂಪದ (ಸಾಂಸ್ಕೃತಿಕ ಆರ್ಕೈವ್) ಮತ್ತು ಆದಿ ಹಾತ್ (ಆನ್‌ಲೈನ್ ಮಾರುಕಟ್ಟೆ) ಸೇರಿವೆ. ಈ ವೇದಿಕೆಯು ಬುಡಕಟ್ಟು ಸಮುದಾಯಗಳಿಗೆ ಶಿಕ್ಷಣ, ಸಂಸ್ಕೃತಿಯ ಸಂರಕ್ಷಣೆ ಮತ್ತು ಆರ್ಥಿಕ ಸಬಲೀಕರಣಕ್ಕೆ ಅವಕಾಶಗಳನ್ನು ಒದಗಿಸುತ್ತದೆ. ಸಂಪ್ರದಾಯವನ್ನು ತಂತ್ರಜ್ಞಾನದೊಂದಿಗೆ ಸಂಯೋಜಿಸುವ ಮೂಲಕ ಬುಡಕಟ್ಟು ವ್ಯವಹಾರಗಳ ಸಚಿವಾಲಯ ಇಂದು ವಿಶೇಷ ಉಪಕ್ರಮವನ್ನು ಪ್ರಾರಂಭಿಸಿತು. ಆದಿ ಕರ್ಮಯೋಗಿ ಅಭಿಯಾನದ ರಾಷ್ಟ್ರೀಯ ಸಮ್ಮೇಳನದ ಸಂದರ್ಭದಲ್ಲಿ, ಬುಡಕಟ್ಟು ಕಲಾ ಪ್ರಕಾರಗಳ ಪ್ರಮುಖ ಡಿಜಿಟಲ್ ಕಲಿಕಾ ವೇದಿಕೆಯಾದ ಆದಿ ಸಂಸ್ಕೃತಿಯ ಬೀಟಾ ಆವೃತ್ತಿಯನ್ನು ನವದೆಹಲಿಯ ಭಾರತ್ ಮಂಟಪದಲ್ಲಿ ಅನಾವರಣಗೊಳಿಸಲಾಯಿತು.

ಬುಡಕಟ್ಟು ವ್ಯವಹಾರಗಳ ರಾಜ್ಯ ಸಚಿವ ದುರ್ಗಾದಾಸ್ ಉಯಿಕಿ ಅವರು ಆದಿ ಸಂಸ್ಕೃತಿಕ ಬೀಟಾ ಆವೃತ್ತಿಯನ್ನು ಲೋಕಾರ್ಪಣೆ ಮಾಡಿದರು. ಇದು ಬುಡಕಟ್ಟು ಸಂಸ್ಕೃತಿ ಮತ್ತು ಪರಂಪರೆಯ ಸಂರಕ್ಷಣೆ ಮತ್ತು ಪ್ರಚಾರಕ್ಕಾಗಿ ಹೊಸ ಡಿಜಿಟಲ್ ಯುಗಕ್ಕೆ ನಾಂದಿ ಹಾಡಿತು. ಬುಡಕಟ್ಟು ಸಮುದಾಯಗಳ ಸಂಸ್ಕೃತಿ ಮತ್ತು ಸಾಂಪ್ರದಾಯಿಕ ಜ್ಞಾನದ ಸಂರಕ್ಷಣೆ ಮತ್ತು ಪ್ರಚಾರಕ್ಕಾಗಿ ಮತ್ತು ಬುಡಕಟ್ಟು ಕುಶಲಕರ್ಮಿಗಳು ತಯಾರಿಸಿದ ಉತ್ಪನ್ನಗಳಿಗೆ ವಿಶ್ವ ಪ್ರವೇಶವನ್ನು ಒದಗಿಸುವ ಆನ್‌ಲೈನ್ ಮಾರುಕಟ್ಟೆಯಾಗಿ ಆದಿ ಸಂಸ್ಕೃತಿಯನ್ನು ಆರಂಭಿಸಲಾಗಿದೆ.

ಡಿಜಿಲಿಟ್ ಪ್ಲಾಟ್‌ಫಾರ್ಮ್‌ನಲ್ಲಿ ಏನೆಲ್ಲಾ ಇರುತ್ತದೆ?:

ಆದಿ ವಿಶ್ವವಿದ್ಯಾಲಯ (ಡಿಜಿಟಲ್ ಬುಡಕಟ್ಟು ಕಲಾ ಅಕಾಡೆಮಿ): ಪ್ರಸ್ತುತ ಬುಡಕಟ್ಟು ನೃತ್ಯ, ಚಿತ್ರಕಲೆ, ಕರಕುಶಲ ವಸ್ತುಗಳು, ಸಂಗೀತ ಮತ್ತು ಜಾನಪದದ ಕುರಿತು 45 ತೀವ್ರ ಕೋರ್ಸ್‌ಗಳನ್ನು ನೀಡುತ್ತಿದೆ.

ಆದಿ ಸಂಪದ (ಸಾಮಾಜಿಕ-ಸಾಂಸ್ಕೃತಿಕ ಸಂಗ್ರಹ): ವರ್ಣಚಿತ್ರಗಳು, ನೃತ್ಯಗಳು, ಜವಳಿ ಮತ್ತು ಬಟ್ಟೆ, ಕಲಾಕೃತಿಗಳು ಮತ್ತು ಜೀವನೋಪಾಯಗಳು ಸೇರಿದಂತೆ ಐದು ವಿಷಯಗಳ ಕುರಿತು 5,000 ಕ್ಕೂ ಹೆಚ್ಚು ಸಂಕಲಿಸಿದ ದಾಖಲೆಗಳ ಸಂಗ್ರಹ.

ಆದಿ ಹಾತ್ (ಆನ್‌ಲೈನ್ ಮಾರುಕಟ್ಟೆ): ಪ್ರಸ್ತುತ TRIFED ನೊಂದಿಗೆ ಸಂಪರ್ಕ ಹೊಂದಿದ್ದು, ಇದು ಬುಡಕಟ್ಟು ಕುಶಲಕರ್ಮಿಗಳಿಗೆ ಮೀಸಲಾದ ಆನ್‌ಲೈನ್ ಮಾರುಕಟ್ಟೆಯಾಗಿ ಅಭಿವೃದ್ಧಿ ಹೊಂದುತ್ತದೆ. ಹಾಗೇ, ಸುಸ್ಥಿರ ಜೀವನೋಪಾಯ ಮತ್ತು ಗ್ರಾಹಕರಿಗೆ ನೇರ ಪ್ರವೇಶವನ್ನು ಸಕ್ರಿಯಗೊಳಿಸುತ್ತದೆ.

ಇದನ್ನೂ ಓದಿ: ಬಿಡುಗಡೆಗೆ ಸಿದ್ಧವಾದ ದೇಶದ ಮೊದಲ AI ಬುಡಕಟ್ಟು ಭಾಷಾ ಅನುವಾದಕ “ಆದಿ ವಾಣಿ”

ಆದಿ ಸಂಸ್ಕೃತಿಯನ್ನು ರಾಜ್ಯ ಬುಡಕಟ್ಟು ಸಂಶೋಧನಾ ಸಂಸ್ಥೆಗಳ (TRI) ನಿಕಟ ಸಹಭಾಗಿತ್ವದಲ್ಲಿ ಉತ್ಪಾದಿಸಲಾಗುತ್ತಿದೆ. ಮೊದಲ ಹಂತದಲ್ಲಿ, ಆಂಧ್ರಪ್ರದೇಶ, ಅಸ್ಸಾಂ, ಬಿಹಾರ, ಛತ್ತೀಸ್‌ಗಢ, ಗೋವಾ, ಗುಜರಾತ್, ಕೇರಳ, ಮಧ್ಯಪ್ರದೇಶ, ಮಹಾರಾಷ್ಟ್ರ, ಮೇಘಾಲಯ, ಒಡಿಶಾ, ರಾಜಸ್ಥಾನ, ತಮಿಳುನಾಡು, ತೆಲಂಗಾಣ ಮತ್ತು ಉತ್ತರ ಪ್ರದೇಶದ ಬುಡಕಟ್ಟು ಕಲಾ ಸಂಸ್ಥೆಗಳು (TRI) ಬುಡಕಟ್ಟು ಕಲಾಕೃತಿಗಳ ದಾಖಲೀಕರಣ, ವಿಷಯ ಸಂಕಲನ ಮತ್ತು ಡಿಜಿಟಲ್ ಮ್ಯಾಪಿಂಗ್‌ಗೆ ಕೊಡುಗೆ ನೀಡಿವೆ. ಈ ಸಾಮೂಹಿಕ ಪ್ರಯತ್ನವು ಭಾರತದ ಬುಡಕಟ್ಟು ಪರಂಪರೆಯ ವೈವಿಧ್ಯತೆ ಮತ್ತು ಶ್ರೀಮಂತಿಕೆಯನ್ನು ಪ್ರದರ್ಶಿಸುವ ವೇದಿಕೆಗೆ ಅಡಿಪಾಯ ಹಾಕಿದೆ.

ಈ ಸಂದರ್ಭದಲ್ಲಿ ಮಾತನಾಡಿದ ಬುಡಕಟ್ಟು ವ್ಯವಹಾರಗಳ ರಾಜ್ಯ ಸಚಿವ ದುರ್ಗಾದಾಸ್ ಉಯಿಕೆ, ಪರಿಶಿಷ್ಟ ಪಂಗಡಗಳ ಉನ್ನತಿ ಮತ್ತು ಅವರ ಪರಂಪರೆಯ ಸಂರಕ್ಷಣೆಗಾಗಿ ಸಚಿವಾಲಯದ ನಿರಂತರ ಪ್ರಯತ್ನಗಳ ಬಗ್ಗೆ ತಿಳಿಸಿದರು. ಬುಡಕಟ್ಟು ಭಾಷೆಗಳಿಗೆ ಕೃತಕ ಬುದ್ಧಿಮತ್ತೆ (ಎಐ) ಆಧಾರಿತ ಅನುವಾದಕ ‘ಆದಿ ವಾಣಿ’ಯನ್ನು ಈ ಹಿಂದೆ ಬಿಡುಗಡೆ ಮಾಡಿದ್ದನ್ನು ಅವರು ನೆನಪಿಸಿಕೊಂಡರು. ಅಂತಹ ಸಾಧನಗಳು ಶೀಘ್ರದಲ್ಲೇ ಪ್ರಜಾಪ್ರಭುತ್ವ ವೇದಿಕೆಗಳು ಮತ್ತು ಸಂಸ್ಥೆಗಳಲ್ಲಿ ಉಪಯುಕ್ತವಾಗುತ್ತವೆ ಎಂದು ಅಭಿಪ್ರಾಯಪಟ್ಟರು.

ಇದನ್ನೂ ಓದಿ: 30 ಸಾವಿರ ಬುಡಕಟ್ಟು ಮಕ್ಕಳಿಗೆ ಡಿಜಿಟಲ್ ಕಲಿಕೆ, ಮಾರ್ಗದರ್ಶನ; ಕೇಂದ್ರ ಸರ್ಕಾರದಿಂದ ಮಹತ್ವದ ಹೆಜ್ಜೆ

ಬುಡಕಟ್ಟು ವ್ಯವಹಾರಗಳ ಸಚಿವಾಲಯದ ಜಂಟಿ ಕಾರ್ಯದರ್ಶಿ ಅನಂತ್ ಪ್ರಕಾಶ್ ಪಾಂಡೆ ಮಾತನಾಡಿ, ಅಭಿವೃದ್ಧಿ ಹೊಂದಿದ ಭಾರತ ಅಥವಾ ವಿಕಸಿತ ಭಾರತ- 2047ಕ್ಕೆ ಸಾಂಸ್ಕೃತಿಕ ಸಂರಕ್ಷಣೆ ಮತ್ತು ಬುಡಕಟ್ಟು ಸಬಲೀಕರಣದತ್ತ ಆದಿ ಸಂಸ್ಕೃತಿ ಒಂದು ಪ್ರಮುಖ ಹೆಜ್ಜೆಯಾಗಿದೆ. ಜನರು ಈ ಪೋರ್ಟಲ್ ಅನ್ನು ಬಳಸಬೇಕು ಮತ್ತು ಅದರ ನಿರಂತರ ವರ್ಧನೆಗಾಗಿ ಪ್ರತಿಕ್ರಿಯೆಯನ್ನು ಹಂಚಿಕೊಳ್ಳಬೇಕು ಎಂದು ಒತ್ತಾಯಿಸಿದರು. ಇದು ಈಗ ಸಾರ್ವಜನಿಕ ವಲಯದಲ್ಲಿ ಲಭ್ಯವಿದೆ.

ಹೆಚ್ಚಿನ ಕೋರ್ಸ್‌ಗಳು, ಸಂಗ್ರಹಣೆಗಳು ಮತ್ತು ಮಾರುಕಟ್ಟೆ ಏಕೀಕರಣದೊಂದಿಗೆ ಆದಿ ಸಂಸ್ಕೃತಿಯನ್ನು ಹಂತ ಹಂತವಾಗಿ ವಿಸ್ತರಿಸಲಾಗುವುದು ಎಂದು ಸಚಿವಾಲಯ ದೃಢಪಡಿಸಿದೆ. ಪ್ರಮಾಣೀಕರಣಗಳು, ಸುಧಾರಿತ ಸಂಶೋಧನಾ ಅವಕಾಶಗಳು ಮತ್ತು ಪರಿವರ್ತನೆಯ ಕಲಿಕಾ ಮಾರ್ಗಗಳನ್ನು ಒದಗಿಸುವ ಬುಡಕಟ್ಟು ಡಿಜಿಟಲ್ ವಿಶ್ವವಿದ್ಯಾಲಯವಾಗಿ ಈ ವೇದಿಕೆಯನ್ನು ಅಭಿವೃದ್ಧಿಪಡಿಸುವುದು ದೀರ್ಘಾವಧಿಯ ದೃಷ್ಟಿಕೋನವಾಗಿದೆ.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ