ಮುಂಬೈ: ಮದುವೆಯಾಗದೆ ಮಗಳು ಗರ್ಭಿಣಿ, ಕೋಪದಲ್ಲಿ ಆಕೆಯನ್ನು ಕೊಂದ ತಾಯಿ

ಮುಂಬೈ, ಫೆಬ್ರವರಿ 24: ಮಗಳು ಮದುವೆಯಾಗದೆ ಗರ್ಭಿಣಿಯಾಗಿದ್ದಾಳೆಂದು ತಿಳಿದ ತಾಯಿ ಕಿರಿಯ ಮಗಳ ಸಹಾಯದಿಂದ ಆಕೆಯನ್ನು ಕೊಲೆ ಮಾಡಿರುವ ಘಟನೆ ಮುಂಬೈನಲ್ಲಿ ನಡೆದಿದೆ. ಗರ್ಭಿಣಿ ಎಂದು ತಿಳಿದ ಆಕೆ ತನ್ನ ಮಗಳನ್ನು ಕೊಂದ ಆರೋಪದ ಮೇಲೆ 46 ವರ್ಷದ ಮಹಿಳೆಯನ್ನು ಶುಕ್ರವಾರ ಬಂಧಿಸಲಾಗಿದೆ. ಮೃತಳ ತಂಗಿ ಈ ಕೊಲೆಗೆ ಸಹಾಯ ಮಾಡಿದ್ದಾಳೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಗುರುವಾರ ಅವರು ತಮ್ಮ 20 ವರ್ಷದ ಮಗಳು ಹೊಟ್ಟೆ ನೋವಿನಿಂದ ಸಾವನ್ನಪ್ಪಿದ್ದಾರೆ ಎಂದು ಪೊಲೀಸರಿಗೆ ಮಾಹಿತಿ ನೀಡಿದರು. ಆದಾಗ್ಯೂ, ಪೊಲೀಸರು ಆಕೆಯ ದೇಹದ ಮೇಲೆ ಅನುಮಾನಾಸ್ಪದ ಗಾಯಗಳನ್ನು ಕಂಡಿದ್ದಾರೆ.

ನಲ್ಲಸೋಪರಾ ಪೊಲೀಸ್ ಠಾಣೆಯ ಅಧಿಕಾರಿಯೊಬ್ಬರು, ಆಕೆಯ ಮುಖದ ಮೇಲೆ ಊತ ಮತ್ತು ದೇಹದ ಮೇಲೆ ಕೆಲವು ಅನುಮಾನಾಸ್ಪದ ಗಾಯಗಳಿರುವುದನ್ನು ಕಂಡುಕೊಂಡಿದ್ದರು. ಹಾಗಾಗಿ ಆಕೆಯ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಜೆಜೆ ಆಸ್ಪತ್ರೆಗೆಕಳುಹಿಸಿದ್ದಾರೆ.

ಮತ್ತಷ್ಟು  ಓದಿ: ಜಾತ್ರೆಗೆ ಹೋಗೋದಾಗಿ ಹೇಳಿದ್ದ ಮಹಿಳೆ ಶವವಾಗಿ ಪತ್ತೆ: ಕುಟುಂಬಸ್ಥರಿಂದ ಅತ್ಯಾಚಾರ, ಕೊಲೆ ಆರೋಪ

ಮರಣೋತ್ತರ ಪರೀಕ್ಷೆಯಲ್ಲಿ ಆಕೆಯ ದೇಹದ ಮೇಲೆ ಗಾಯಗಳು ಮತ್ತು ಕುತ್ತಿಗೆಯ ಮೇಲೆ ಗಾಯಗಳು ಕಂಡುಬಂದಿದ್ದು, ಅವು ಕತ್ತು ಹಿಸುಕಿದ ಗುರುತುಗಳೆಂದು ತೀರ್ಮಾನಿಸಲಾಯಿತು. ಇದರ ನಂತರ, ಪೊಲೀಸರು ಕೊಲೆ ಪ್ರಕರಣವನ್ನು ದಾಖಲಿಸಿದರು.
ಪೊಲೀಸರು ಮಮತಾಳನ್ನು ಬಂಧಿಸಿದಾಗ, ಮಗಳು ಪ್ರಿಯಕರನಿಂದ ಗರ್ಭಿಣಿಯಾಗಿದ್ದಾಳೆಂದು ತಿಳಿದ ನಂತರ ಆಕೆ ತನ್ನ ಮಗಳನ್ನು ಕೊಂದಿದ್ದಾಳೆ ಎಂದು ತಿಳಿದುಬಂದಿದೆ.

ಮಮತಾ ತನ್ನ ಮಗಳಿನ್ನೂ ಅವಿವಾಹಿತಳಾಗಿದ್ದ ಕಾರಣ ಗರ್ಭಪಾತ ಮಾಡಿಸಿಕೊಳ್ಳುವಂತೆ ಕೇಳಿಕೊಂಡಿದ್ದಳು. ಮಗಳು ನಿರಾಕರಿಸಿದಾಗ, ಆಕೆಯ ತಾಯಿ ಆಕೆಯ ಮೇಲೆ ಹಲ್ಲೆ ನಡೆಸಿದರು. ಆಕೆಯ 17 ವರ್ಷದ ತಂಗಿ ತನ್ನ ತಾಯಿಗೆ ಹಲ್ಲೆಯಲ್ಲಿ ಸಹಾಯ ಮಾಡಲು ಆಕೆಯ ಕಾಲುಗಳನ್ನು ಕಟ್ಟಿಹಾಕಿದಳು ಎಂದು ಅಧಿಕಾರಿ ಹೇಳಿದರು. ಮಮತಾ ಮಂಗಳವಾರದವರೆಗೆ ಪೊಲೀಸ್ ಕಸ್ಟಡಿಯಲ್ಲಿರಲಿದ್ದಾರೆ. ಮತ್ತೊಬ್ಬ ಮಗಳು ಹೈಸ್ಕೂಲ್ ಪರೀಕ್ಷೆಗಳನ್ನು ಬರೆಯುತ್ತಿರುವ ಕಾರಣ ಬಂಧಿಸಿಲ್ಲ.

ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ