ಮೋದಿ ಸರ್ಕಾರದ ಯೋಜನೆಗಳಲ್ಲಿ ದೇಶದ ಜನರಿಗೆ ಪೂರ್ಣ ನಂಬಿಕೆ ಇದೆ: ಧರ್ಮೇಂದ್ರ ಪ್ರಧಾನ್

ದೆಹಲಿ ಅಕ್ಟೋಬರ್ 07: ಜಾತಿ, ಸಮುದಾಯದ ಬೇಧವಿಲ್ಲದೆ ಸಮಾಜದ ವಂಚಿತ ವರ್ಗಗಳು ಮತ್ತು ಕೆಳವರ್ಗದವರ ಅಭಿವೃದ್ಧಿಯೇ ನರೇಂದ್ರ ಮೋದಿ ಸರ್ಕಾರದ (Modi Govt) ಆದ್ಯತೆಯಾಗಿದ್ದು, ಈ ಹಿಂದೆ  ಅಧಿಕಾರದಲ್ಲಿದ್ದವರು ಹತಾಶೆಯಿಂದ ಏನನ್ನೂ ಮಾಡಲು ಸಾಧ್ಯವಾಗಲಿಲ್ಲ ಎಂದು ಕೇಂದ್ರ ಸಚಿವ ಧರ್ಮೇಂದ್ರ ಪ್ರಧಾನ್ (Dharmendra Pradhan) ಹೇಳಿದ್ದಾರೆ. “ಪ್ರಧಾನಿ ನರೇಂದ್ರ ಮೋದಿಯವರ (Narendra Modi) ನಾಯಕತ್ವದಲ್ಲಿ, ದೇಶದಲ್ಲಿ ಬಡವರ ಕಲ್ಯಾಣದ ಮಾದರಿ ಹೊರಹೊಮ್ಮಿದೆ. ಈಗ ನಾವು ವಿಶ್ವಕರ್ಮ ಯೋಜನೆಗೆ ಮುಂದಾಗಿದ್ದೇವೆ, ಇದರ ಗರಿಷ್ಠ ಪ್ರಯೋಜನವು ಪರಿಶಿಷ್ಟ ಜಾತಿ (ಎಸ್‌ಸಿ), ಪರಿಶಿಷ್ಟ ಪಂಗಡ (ಎಸ್‌ಟಿ) ಮತ್ತು ಇತರೆ ಹಿಂದುಳಿದ ವರ್ಗಗಳಿಗೆ (ಒಬಿಸಿ) ಆಗಲಿದೆ. ಬಡವನಿಗೆ ಜಾತಿ ಇಲ್ಲ, ಬಡವನಿಗೆ ಧರ್ಮವಿಲ್ಲ ಎಂಬ ಕಾರಣಕ್ಕೆ ಬಡವನಿಗೆ ಸವಲತ್ತು ಸಿಗುತ್ತದೆ ಎಂದು ಅವರು ಹೇಳಿದ್ದಾರೆ.

ಕಾಂಗ್ರೆಸ್ ವಿರುದ್ಧ ಟೀಕಾಪ್ರಹಾರ ಮಾಡಿದ ಪ್ರಧಾನ್, ಅಧಿಕಾರದಲ್ಲಿರುವಾಗ ಏನನ್ನೂ ಮಾಡಲಾಗದವರು (ಕಾಂಗ್ರೆಸ್) ಬಡವರ ಬಗ್ಗೆ ಕಾಳಜಿ ಇರುವವರನ್ನು ನಿಂದಿಸುತ್ತಿದ್ದಾರೆ. ಇದು ಅವರ ಹತಾಶೆಯ ಭಾವವನ್ನು ತೋರಿಸುತ್ತದೆ. ಇದನ್ನು ಅವಕಾಶವಾದ ಮತ್ತು ಅವಕಾಶವಾದಿ ರಾಜಕಾರಣ ಎನ್ನುತ್ತಾರೆ.

ಇಂದು ಪ್ರಧಾನಿ ಮೋದಿಯವರ ನೇತೃತ್ವದಲ್ಲಿ ಕಲ್ಯಾಣ ವ್ಯವಸ್ಥೆ ನಡೆಯುತ್ತಿದ್ದು, ಸಮಾಜದ ವಂಚಿತ ವರ್ಗಗಳು, ಕೆಳವರ್ಗದ ವರ್ಗಗಳ ಅಭಿವೃದ್ಧಿ ಸರ್ಕಾರದ ಆದ್ಯತೆಯಾಗಿದೆ ಎಂದು ಬಿಜೆಪಿ ಹಿರಿಯ ನಾಯಕ ಪ್ರಧಾನ್ ಹೇಳಿದರು.

ಮೋದಿ ಪ್ರಧಾನಿಯಾದಾಗ ತಮ್ಮ ಮೊದಲ ಭಾಷಣದಲ್ಲಿ ಭಾರತದ ಮಹಿಳೆಯರ ಮೇಲೆ ಅವರ ಜವಾಬ್ದಾರಿ ಹೆಚ್ಚು ಎಂದು ಹೇಳಿದ್ದರು. ಎರಡು ದಿನಗಳ ಹಿಂದೆ ಉಜ್ವಲ ಯೋಜನೆಯ ಫಲಾನುಭವಿಗಳಿಗೆ ಜನ್ ಧನ್ ಬ್ಯಾಂಕ್ ಖಾತೆ ತೆರೆಯುವುದರಿಂದ ಹಿಡಿದು ಶೌಚಾಲಯ ನಿರ್ಮಾಣ ಮತ್ತು 100 ರೂ.ಗಳ ಸಹಾಯಧನವನ್ನು ಹೆಚ್ಚಿಸುವವರೆಗೆ ಸರ್ಕಾರ ಈ ನಿಟ್ಟಿನಲ್ಲಿ ಕ್ರಮ ಕೈಗೊಂಡಿದೆ ಎಂದು ಪ್ರಧಾನ್ ಹೇಳಿದರು.

ಇದನ್ನೂ ಓದಿ: ಈ ಕಷ್ಟದ ಸಮಯದಲ್ಲಿ ನಾವು ಇಸ್ರೇಲ್‌ನೊಂದಿಗೆ ಒಗ್ಗಟ್ಟಿನಿಂದ ನಿಲ್ಲುತ್ತೇವೆ: ಪ್ರಧಾನಿ ಮೋದಿ

ಕಳೆದ ಒಂಬತ್ತೂವರೆ ವರ್ಷಗಳಲ್ಲಿ ಸರ್ಕಾರದ ಕ್ರಮಗಳನ್ನು ಗಮನಿಸಿದರೆ, ಮಹಿಳೆಯರ ಆರ್ಥಿಕ, ರಾಜಕೀಯ ಮತ್ತು ಸಾಮಾಜಿಕ ಸಬಲೀಕರಣದಲ್ಲಿ ಸಮಗ್ರ ಕಾರ್ಯತಂತ್ರದ ಭಾಗವಾಗಿ ಮೋದಿ ಸರ್ಕಾರ ತನ್ನ ಜವಾಬ್ದಾರಿಯನ್ನು ಪೂರೈಸಿದೆ. ಆದರೆ ಇತರರು ಅಸೂಯೆಯಿಂದ ನೋಡುತ್ತಾರೆ. ಪ್ರಧಾನ ಮಂತ್ರಿ ಮೋದಿ ಅವರು ‘ಮಹಿಳಾ ಅಭಿವೃದ್ಧಿ’ ವಿಷಯಕ್ಕೆ ಒತ್ತು ನೀಡಿದ್ದಾರೆ. ಅವರು ಅದನ್ನು ಜಾಗತಿಕ ವೇದಿಕೆಯಲ್ಲಿ ಹೇಳಿದ್ದಾರೆ. ಮೋದಿ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸುತ್ತಿರುವವರಿಗೆ ರಾಜಕೀಯ ಹತಾಶೆಯಿದ್ದು, ಅವರ ಬಗ್ಗೆ ಏನು ಹೇಳಲು ಸಾಧ್ಯವಿಲ್ಲ ಎಂದು ಪ್ರಧಾನ್ ಹೇಳಿದ್ದಾರೆ.

ಮತ್ತಷ್ಟು ರಾಷ್ಟ್ರೀಯ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ