ದೆಹಲಿ ಪ್ರತಿಭಟನೆ ವೇಳೆ ಹೈಡ್ರಾಮಾ; ರಾಹುಲ್ ಗಾಂಧಿ, ಪ್ರಿಯಾಂಕಾ ಗಾಂಧಿ ಪೊಲೀಸ್ ವಶಕ್ಕೆ

ನವದೆಹಲಿ, ಅಕ್ಟೋಬರ್ 6: ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರ ವಿರುದ್ಧ ‘ಇಂಡಿಯಾ’ ಮೈತ್ರಿಕೂಟದ ನಾಯಕರು ನಡೆಸುತ್ತಿದ್ದ ಪ್ರತಿಭಟನೆ ತೀವ್ರ ಸ್ವರೂಪ ಪಡೆದುಕೊಂಡಿದ್ದು, ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಮತ್ತು ಅವರ ಸಹೋದರಿ, ವಯನಾಡ್ ಸಂಸದೆ ಪ್ರಿಯಾಂಕಾ ಗಾಂಧಿ ವಾದ್ರಾ ಅವರನ್ನು ದೆಹಲಿ ಪೊಲೀಸರು ಇಂದು ಸಂಜೆ ವಶಕ್ಕೆ ಪಡೆದುಕೊಂಡಿದ್ದಾರೆ. ಆಕಾಶವಾಣಿ ಭವನದ ಬಳಿ ನಡೆಯುತ್ತಿದ್ದ ಧರಣಿಯನ್ನು ತಡೆಯಲು ಪೊಲೀಸರು ಯತ್ನಿಸಿದಾಗ, ಪಂಜಾಬ್ ಪ್ರದೇಶ ಕಾಂಗ್ರೆಸ್ ಸಮಿತಿಯ ನಿರ್ಗಮಿತ ಅಧ್ಯಕ್ಷ ಅಮರೀಂದರ್ ಸಿಂಗ್ ರಾಜಾ ವಾರಿಂಗ್ ಸೇರಿದಂತೆ ಪ್ರಮುಖ ನಾಯಕರು ರಾಹುಲ್ ಗಾಂಧಿ ಅವರೊಂದಿಗೆ ಉಪಸ್ಥಿತರಿದ್ದರು. ಆಕಾಶ್‌ವಾಣಿ ಭವನದ ಬಳಿ ರಾತ್ರಿಯಿಡೀ ಧರಣಿ ನಡೆಸಲು ಅನುಮತಿ ಇಲ್ಲ ಎಂದು ದೆಹಲಿ ಪೊಲೀಸರು ಪ್ರಕಟಣೆ ಹೊರಡಿಸಿ, ಪ್ರತಿಭಟನಾಕಾರರು ತಕ್ಷಣವೇ ಸ್ಥಳದಿಂದ ತೆರಳುವಂತೆ ಸೂಚಿಸಿದ್ದರು. ಸ್ಥಳ ಖಾಲಿ ಮಾಡದಿದ್ದರೆ ವಶಕ್ಕೆ ಪಡೆಯಲಾಗುವುದು ಎಂದು ಮುನ್ನೆಚ್ಚರಿಕೆ ನೀಡಲಾಗಿತ್ತು.

ಎಸ್​ಐಆರ್ ಪ್ರಕ್ರಿಯೆಯಲ್ಲಿ ನಡೆದಿದೆ ಎನ್ನಲಾದ ಅಕ್ರಮಗಳನ್ನು ವಿರೋಧಿಸಿ ಹಾಗೂ ಸಿಇಸಿ ಜ್ಞಾನೇಶ್ ಕುಮಾರ್ ಅವರ ರಾಜೀನಾಮೆಗೆ ಆಗ್ರಹಿಸಿ ವಿರೋಧ ಪಕ್ಷದ ನಾಯಕರು ಈ ಸುದೀರ್ಘ ಹೋರಾಟ ನಡೆಸುತ್ತಿದ್ದಾರೆ. ಧರಣಿ ನಡೆಸುತ್ತಿದ್ದ ರಾಹುಲ್ ಗಾಂಧಿ ಮತ್ತು ಪ್ರಿಯಾಂಕಾ ಗಾಂಧಿ ಸೇರಿದಂತೆ ಸಂಸದರನ್ನು ಸಂಸತ್ ಭವನದ ರಸ್ತೆಯಲ್ಲಿರುವ ಆಕಾಶವಾಣಿ ಭವನ ಹಾಗೂ ನೀತಿ ಆಯೋಗದ ಕಚೇರಿಯ ಮುಂಭಾಗದಲ್ಲೇ ಪೊಲೀಸರು ತಡೆದರು. ಚುನಾವಣಾ ಆಯೋಗದತ್ತ ತೆರಳಲು ಅನುಮತಿ ನೀಡದಿದ್ದಾಗ ನಾಯಕರು ರಸ್ತೆಯಲ್ಲೇ ಕುಳಿತು ಪ್ರತಿಭಟನೆ ಆರಂಭಿಸಿದರು. ಈ ವೇಳೆ ರಾಹುಲ್ ಗಾಂಧಿ ಮತ್ತು ಟಿಎಂಸಿ ನಾಯಕ ಅಭಿಷೇಕ್ ಬ್ಯಾನರ್ಜಿ ಪೊಲೀಸರ ಬ್ಯಾರಿಕೇಡ್ ಏರಿ ಪ್ರತಿಭಟಿಸಿದರು.

VIDEO | Delhi: Lok Sabha LoP Rahul Gandhi and other leaders taken in Police van after detentions.

Congress MPs Rahul Gandhi and Priyanka Gandhi Vadra along with some others staged sit-in protest at the Akashwani Bhawan premises in a bid to reach the poll body’s office.

(Full video available on PTI Videos – https://t.co/bIyFWTfmBd)

— Press Trust of India (@PTI_News) October 6, 2026

ಇದನ್ನೂ ಓದಿ: ದೆಹಲಿಯಲ್ಲಿ ಇಂಡಿಯಾ ಸಂಸದರ ಪ್ರತಿಭಟನೆ ವೇಳೆ ಬ್ಯಾರಿಕೇಡ್ ಹತ್ತಿ ತ್ರಿವರ್ಣ ಧ್ವಜ ಬೀಸಿದ ರಾಹುಲ್ ಗಾಂಧಿ!

This is how Rahul Gandhi was detained. Priyanka Gandhi and Rahul Gandhi is being taken to Kingsway camp now as per Congress sources

#RahulGandhi https://t.co/KXz4HJsObz

— Hemant Rajaura (@hemantrajora_) October 6, 2026

ಪೋಲೀಸ್ ಬಸ್‌ನಿಂದ ಅರ್ಧದಷ್ಟು ಹೊರಬಂದಿದ್ದ ರಾಹುಲ್ ಗಾಂಧಿ, ಕೆಳಗೆ ನಿಂತಿದ್ದ ತಮ್ಮ ಸಹೋದರಿ ಪ್ರಿಯಾಂಕಾ ಗಾಂಧಿ ಅವರೊಂದಿಗೆ ಮಾತನಾಡಲು ಮುಂದಾಗಿದ್ದಾಗ ಅವರನ್ನು ಕೂಡ ಪೊಲೀಸರು ವಶಕ್ಕೆ ಪಡೆದರು. ವಿರೋಧ ಪಕ್ಷಗಳ ಬೀದಿ ಹೋರಾಟದ ಕೇಂದ್ರಬಿಂದುವಾಗಿದ್ದ ರಾಹುಲ್ ಗಾಂಧಿ, ನೂರಾರು ಬೆಂಬಲಿಗರು ಮತ್ತು ಪ್ರತಿಭಟನಾ ನಿರತ ಸಂಸದರೊಂದಿಗೆ ಹತ್ತಿರದಲ್ಲೇ ಇರುವ ಚುನಾವಣಾ ಆಯೋಗದ ಕಚೇರಿಯತ್ತ ಮೆರವಣಿಗೆ ನಡೆಸಲು ಯತ್ನಿಸಿದರು. ಇದರಿಂದಾಗಿ ಸಂಸತ್ ಭವನದ ರಸ್ತೆಯಲ್ಲಿ ಸಂಪೂರ್ಣ ಸಂಚಾರ ಸ್ಥಗಿತಗೊಂಡಿತ್ತು.

This is how Rahul Gandhi was detained. Priyanka Gandhi and Rahul Gandhi is being taken to Kingsway camp now as per Congress sources

#RahulGandhi https://t.co/KXz4HJsObz

— Hemant Rajaura (@hemantrajora_) October 6, 2026

ಸಾರ್ವಜನಿಕರ ಹರ್ಷೋದ್ಗಾರದ ನಡುವೆ, ರಾಹುಲ್ ಗಾಂಧಿ ಅವರು ಬಹುಪದರದ ಉಕ್ಕಿನ ಬ್ಯಾರಿಕೇಡ್‌ಗಳ ಮೇಲೆ ಏರಿ ನಿಂತು ತ್ರಿವರ್ಣ ಧ್ವಜವನ್ನು ಪ್ರದರ್ಶಿಸಿದರು. ನಂತರ ಪೊಲೀಸರ ಭದ್ರತಾ ಪಡೆಯನ್ನು ದಾಟಿ ಆಕಾಶವಾಣಿ ಭವನದ ಆವರಣದೊಳಗೆ ಪ್ರವೇಶಿಸಿದರು. ಸೂರ್ಯಾಸ್ತದ ನಂತರವೂ ಅವರು ಸುಮಾರು 8 ಗಂಟೆಗೂ ಹೆಚ್ಚು ಕಾಲ ಆಕಾಶವಾಣಿ ಭವನದ ಆವರಣದಲ್ಲೇ ಉಳಿದುಕೊಂಡು ಧರಣಿ ನಡೆಸಿದರು.

Delhi: Congress MP Priyanka Gandhi Vadra detained by Delhi Police.

INDIA bloc MPs are staging a protest against the ECI, demanding the resignation of CEC Gyanesh Kumar. https://t.co/e57becd6Bo

— IANS (@ians_india) October 6, 2026

ಇದನ್ನೂ ಓದಿ: ‘ರಾಹುಲ್ ಗಾಂಧಿಯ ಫಾರ್ಮ್ 6 ಆರೋಪ ದಾರಿ ತಪ್ಪಿಸುವಂತಿದೆ’; ಚುನಾವಣಾ ಆಯೋಗ ತಿರುಗೇಟು

ಇಂದು ಬೆಳಿಗ್ಗೆ 10 ಗಂಟೆ ಸುಮಾರಿಗೆ ಸಂಸತ್ ಭವನದಿಂದ ಆರಂಭವಾದ ಧರಣಿಯನ್ನು ಪೊಲೀಸರು ತಡೆದರು. ನಂತರ ವಿರೋಧ ಪಕ್ಷದ ಸಂಸದರು ಚುನಾವಣಾ ಆಯೋಗದ ಕಚೇರಿಯಿಂದ ಸುಮಾರು 200 ಮೀಟರ್ ದೂರದಲ್ಲಿರುವ ಆಕಾಶವಾಣಿ ಭವನದ ಮುಂಭಾಗದಲ್ಲೇ ಧರಣಿ ಕುಳಿತರು. ಸಮಾಜವಾದಿ ಪಕ್ಷದ ಅಖಿಲೇಶ್ ಯಾದವ್, ಟಿಎಂಸಿಯ ಅಭಿಷೇಕ್ ಬ್ಯಾನರ್ಜಿ, ಡೆರೆಕ್ ಓಬ್ರೇನ್ ಮತ್ತು ಸಿಪಿಐ(ಎಂ) ಸಂಸದ ಜಾನ್ ಬ್ರಿಟ್ಟಾಸ್ ಸೇರಿದಂತೆ ಹಲವು ನಾಯಕರನ್ನು ಪೊಲೀಸರು ವಶಕ್ಕೆ ಪಡೆದು ಬಸ್‌ಗಳಲ್ಲಿ ಕರೆದೊಯ್ದು, ನಂತರ ಬಿಡುಗಡೆ ಮಾಡಿದರು.

ಇನ್ನಷ್ಟು ರಾಷ್ಟ್ರೀಯ ಸುದ್ದಿಗಳನ್ನು ಓದಲು ಇಲ್ಲಿ ಕ್ಲಿಕ್ ಮಾಡಿ