ಸರ್ಕಾರಿ ಆಸ್ಪತ್ರೆಯ ಎನ್ಐ​ಸಿಯುನಲ್ಲಿರುವ ವಾರ್ಮರ್ ಹೆಚ್ಚು ಬಿಸಿಯಾಗಿ ನವಜಾತ ಶಿಶುಗಳ ಸಾವು

ರಾಜಸ್ಥಾನದ ಭಿಲ್ವಾರಾ ಜಿಲ್ಲೆಯ ಸರ್ಕಾರಿ ಆಸ್ಪತ್ರೆಯ ನವಜಾತ ಶಿಶುಗಳ ತೀವ್ರ ನಿಗಾ ಘಟಕದಲ್ಲಿ (ಎನ್‌ಐಸಿಯು) ವಾರ್ಮರ್‌ ಹೆಚ್ಚು ಬಿಸಿಯಾದ ಕಾರಣ ಎರಡು ನವಜಾತ ಶಿಶುಗಳು ಸಾವನ್ನಪ್ಪಿವೆ. ಮಹಾತ್ಮಾ ಗಾಂಧಿ (ಎಂಜಿ) ಸರ್ಕಾರಿ ಆಸ್ಪತ್ರೆಯಲ್ಲಿ ಈ ಘಟನೆ ನಡೆದಿದೆ. ಮುಂಜಾನೆ ವಾರ್ಮರ್ ಅಧಿಕ ಬಿಸಿಯಾಗಿ ಎರಡು ಶಿಶುಗಳು ಮೃತಪಟ್ಟುವೆ.

ಘಟನೆ ನಡೆದ ಕೂಡಲೇ 21 ದಿನದ ಹೆಣ್ಣು ಮಗು ಸಾವನ್ನಪ್ಪಿದ್ದರೆ, ಗುರುವಾರ ಗಂಡು ಮಗು ಸಾವನ್ನಪ್ಪಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.
ಘಟನೆಯ ವೇಳೆ ಕರ್ತವ್ಯದಲ್ಲಿದ್ದ ಇಬ್ಬರು ಗುತ್ತಿಗೆ ಶುಶ್ರೂಷಕರ ಸೇವೆಯನ್ನು ತಕ್ಷಣದಿಂದ ಜಾರಿಗೆ ಬರುವಂತೆ ವಜಾಗೊಳಿಸಲಾಗಿದ್ದು, ತನಿಖಾ ಸಮಿತಿಯನ್ನು ರಚಿಸಲಾಗಿದೆ ಎಂದು ಆಸ್ಪತ್ರೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಸಾವನ್ನಪ್ಪಿದ ಹೆಣ್ಣು ಮಗುವನ್ನು ತೂಕ ಕಡಿಮೆ ಇತ್ತು ಎಂದು ಅಕ್ಟೋಬರ್ 5 ರಂದು NICU ಗೆ ದಾಖಲಿಸಲಾಗಿತ್ತು.

ಸಂತ್ರಸ್ತ ನವಜಾತ ಶಿಶುಗಳ ಕುಟುಂಬ ಸದಸ್ಯರು ಬುಧವಾರ ಗಲಾಟೆ ಮಾಡಿದ ನಂತರ, ಗುತ್ತಿಗೆ ನೌಕರರ ಮೇಲೆ ಕ್ರಮ ಕೈಗೊಳ್ಳಲಾಯಿತು ಮತ್ತು ತನಿಖಾ ಸಮಿತಿಯನ್ನು ರಚಿಸಲಾಯಿತು. ಸಮಿತಿಯ ವರದಿ ಆಧರಿಸಿ ಮುಂದಿನ ಕ್ರಮ ಕೈಗೊಳ್ಳಲಾಗುವುದು’ ಎಂದು ಅಧಿಕಾರಿ ತಿಳಿಸಿದರು.

ದೇಶದ ಇತರೆ ಸುದ್ದಿಗಳಿಗಾಗಿ ಇಲ್ಲಿ ಕ್ಲಿಕ್ ಮಾಡಿ