ಪ್ರಧಾನಿ ಭದ್ರತೆ ಲೋಪದ ಬಗ್ಗೆ ವಿಚಾರಣೆ ನಡೆಸದಂತೆ ಸುಪ್ರೀಂಕೋರ್ಟ್ ಜಡ್ಜ್ಗಳಿಗೆ ಬೆದರಿಕೆ; ತಾನು ಎಸ್ಎಫ್ಜೆಯವನು ಎಂದ ಕರೆ ಮಾಡಿದಾತ !
+447418365564 ಎಂಬ ನಂಬರ್ನಿಂದ ನನಗೆ ಕರೆ ಬಂದಿತ್ತು. ಯುನೈಟೆಡ್ ಕಿಂಗ್ಡಮ್ನಿಂದ ಬರುತ್ತಿರುವ ಕರೆ ಎಂದು ತೋರಿಸುತ್ತದೆ. ಈ ನಂಬರ್ನಿಂದ ಬಂದ್ ಫೋನ್ ಸ್ವೀಕರಿಸುತ್ತಿದ್ದಂತೆ ಒಂದು ರೆಕಾರ್ಡ್ ಸಂದೇಶ ಕೇಳುತ್ತದೆ.
Updated on:Jan 10, 2022 | 3:03 PM
ಪಂಜಾಬ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ( PM Security Breach In Punjab)ಯವರ ಭದ್ರತೆಯಲ್ಲಿ ಲೋಪವಾದ ಪ್ರಕರಣದ ವಿಚಾರಣೆ ನಡೆಸದಂತೆ ಸುಪ್ರೀಂಕೋರ್ಟ್ಗೆ ಹಲವು ಬೆದರಿಕೆ ಕರೆಗಳು ಬರುತ್ತಿವೆ. ಈಗಾಗಲೂ ಸುಪ್ರೀಂಕೋರ್ಟ್(Supreme Court)ನ ಹಲವು ವಕೀಲರು ಈ ಅನಾಮಧೇಯ ಬೆದರಿಕೆ ಕರೆಗಳನ್ನು ಸ್ವೀಕರಿಸಿದ್ದಾರೆ ಎಂದು ಹೇಳಲಾಗಿದೆ. ಕರೆ ಮಾಡುವವನು, ತಾನು ಯುಎಸ್ಎಯಿಂದ ಫೋನ್ ಮಾಡುತ್ತಿದ್ದೇನೆ. ಸಿಖ್ ಫಾರ್ ಜಸ್ಟೀಸ್ ಸಂಘಟನೆಯ ಜನರಲ್ ಕೌನ್ಸೆಲ್ ಎಂದು ಹೇಳಿಕೊಳ್ಳುತ್ತಿದ್ದಾನೆ. ಅಷ್ಟೇ ಅಲ್ಲ, ಫಿರೋಜ್ಪುರಕ್ಕೆ ಹೊರಟಿದ್ದ ಪ್ರಧಾನಿ ಮೋದಿಯವರನ್ನು ಹುಸ್ಸೇನಿವಾಲಾ ಫ್ಲೈಓವರ್ ಮೇಲೆ ತಡೆದಿದ್ದರ ಹೊಣೆಯನ್ನು ಎಸ್ಎಫ್ಜೆ (ಸಿಖ್ ಫಾರ್ ಜಸ್ಟೀಸ್) ಸಂಘಟನೆಯೇ ಹೊತ್ತುಕೊಳ್ಳುತ್ತದೆ ಎಂದೂ ಹೇಳಿದ್ದಾನೆ ಎನ್ನಲಾಗಿದೆ.
ಪಂಜಾಬ್ನಲ್ಲಿ ಜನವರಿ 5ರಂದು ಉಂಟಾದ ಪ್ರಧಾನಿ ಭದ್ರತಾ ಲೋಪಕ್ಕೆ ಸಂಬಂಧಪಟ್ಟಂತೆ ಲಾಯರ್ಸ್ ವೈಸ್ ಎಂಬ ಎನ್ಜಿಒ ಸಲ್ಲಿಸಿದ್ದ ಸಾರ್ವಜನಿಕ ಹಿತಾಸಕ್ತಿ ಅರ್ಜಿಯನ್ನು ಸುಪ್ರೀಂಕೋರ್ಟ್ ಇಂದು ವಿಚಾರಣೆ ನಡೆಸಿದ್ದಲ್ಲದೆ, ಘಟನೆಯ ತನಿಖೆಗಾಗಿ ಸುಪ್ರೀಂಕೋರ್ಟ್ ನಿವೃತ್ತ ನ್ಯಾಯಮೂರ್ತಿಯ ನೇತೃತ್ವದ ನಾಲ್ವರು ಸದಸ್ಯರ ತನಿಖಾ ಸಮಿತಿಯನ್ನು ರಚಿಸಿದೆ. ಹಾಗೇ, ಸದ್ಯ ನಡೆಯುತ್ತಿರುವ ಉಳಿದೆಲ್ಲ ತನಿಖೆಗಳನ್ನೂ ನಿಲ್ಲಿಸುವಂತೆ ಸೂಚನೆ ನೀಡಿದೆ. ಇಂದು ಸುಪ್ರೀಂಕೋರ್ಟ್ನಲ್ಲಿ ವಿಚಾರಣೆ ನಡೆಯುವುದಕ್ಕೂ ಮೊದಲು ಹೀಗೆ ಅನೇಕ ಸಲ ಬೆದರಿಕೆ ಕರೆಗಳು ಬಂದಿವೆ ಎಂದು ವರದಿಯಾಗಿದೆ. 1984ರಲ್ಲಿ ನಡೆದಿದ್ದ ಸಿಖ್ ವಿರೋಧಿ ದಂಗೆಯ ಆರೋಪಿಗಳಿಗೆ ಇನ್ನೂ ಶಿಕ್ಷೆ ಕೊಡಲು ಸಾಧ್ಯವಾಗದ ಸುಪ್ರೀಂಕೋರ್ಟ್ ಈಗ ಭದ್ರತಾ ಲೋಪದ ಬಗ್ಗೆಯೂ ಯಾವುದೇ ವಿಚಾರಣೆ ನಡೆಸಬಾರದು ಎಂದು ಕರೆ ಮಾಡಿದ್ದಾತ ಹೇಳಿದ್ದಾನೆ.
+447418365564 ಎಂಬ ನಂಬರ್ನಿಂದ ನನಗೆ ಕರೆ ಬಂದಿತ್ತು. ಯುನೈಟೆಡ್ ಕಿಂಗ್ಡಮ್ನಿಂದ ಬರುತ್ತಿರುವ ಕರೆ ಎಂದು ತೋರಿಸುತ್ತದೆ. ಈ ನಂಬರ್ನಿಂದ ಬಂದ್ ಫೋನ್ ಸ್ವೀಕರಿಸುತ್ತಿದ್ದಂತೆ ಒಂದು ರೆಕಾರ್ಡ್ ಸಂದೇಶ ಕೇಳುತ್ತದೆ. ಮೋದಿಯವರ ಪ್ರಯಾಣದ ಮಾರ್ಗವನ್ನು ನಿರ್ಬಂಧಿಸಿದ್ದರ ಹೊಣೆಯನ್ನು ನಾವು ಹೊರುತ್ತೇವೆ. ಈ ಪ್ರಕರಣದ ವಿಚಾರಣೆಯನ್ನು ಸುಪ್ರೀಂಕೋರ್ಟ್ ನ್ಯಾಯಾಧೀಶರು ನಡೆಸಬಾರದು. ಪ್ರಕರಣದ ವಿಚಾರಣೆಗೂ ಮೊದಲು ಸುಪ್ರೀಂಕೋರ್ಟ್ ಜಡ್ಜ್ಗಳು 1984 ದಂಗೆಯನ್ನು ನೆನಪಿಸಿಕೊಳ್ಳಲಿ ಎಂಬ ಮಾತುಗಳು ಕೇಳುತ್ತವೆ ಎಂದು ಸುಪ್ರೀಂಕೋರ್ಟ್ನ ವಕೀಲರು ಹೇಳಿದ್ದಾರೆ ಎನ್ನಲಾಗಿದೆ.
Published On - 3:02 pm, Mon, 10 January 22
