Breaking ಪುಣೆಯಲ್ಲಿ ಭಾರತೀಯ ವಾಯುಪಡೆಯ ಲಘು ವಿಮಾನ ಪತನ, ಪೈಲಟ್​ಗೆ ಗಾಯ

ಮಹಾರಾಷ್ಟ್ರದ ಪುಣೆಯಲ್ಲಿ ಸೋಮವಾರ ಭಾರತೀಯ ವಾಯುಪಡೆಯ ತರಬೇತು ನಿರತ  ಲಘು  ವಿಮಾನ ಪತನವಾಗಿದ್ದು ಪೈಲಟ್ ಗೆ ಗಾಯವಾಗಿದೆ. ವಿಮಾನದ ಮಹಿಳಾ ಪೈಲಟ್ ಸಣ್ಣ ಪುಟ್ಟ ಗಾಯಗಳಾಗಿದ್ದು, ಪ್ರಾಣಾಪಾಯದಿಂದ ​ ಪಾರಾಗಿದ್ದಾರೆ. ತಾಂತ್ರಿಕ ಸಮಸ್ಯೆಯಿಂದ ಲಘು ವಿಮಾನ ಪತನವಾಗಿದೆ.  ಇಂದು  ಬೆಳಗ್ಗೆ   11.30ಕ್ಕೆ  ಪುಣೆಯ  ಇಂದಾಪುರ್ ತಾಲೂಕಿನ ಕದ್ಭನ್ ವಾಡಿ ಗ್ರಾಮದಲ್ಲಿನ ಹೊಲದಲ್ಲಿ ತರಬೇತು  ನಿರತ ವಿಮಾನ ಪತನವಾಗಿದೆ ಎಂದು ಎಎನ್ಐ ಸುದ್ದಿಸಂಸ್ಥೆ ಟ್ವೀಟ್ ಮಾಡಿದೆ. ಈ ಘಟನೆಯಲ್ಲಿ 22 ಹರೆಯದ ಮಹಿಳಾ ಪೈಲಟ್​​ಗೆ ಗಾಯಗಳಾಗಿವೆ.