Kajol: ‘ಕಪ್ಪಗಿದ್ದಾಳೆ, ದಪ್ಪಗಿದ್ದಾಳೆ’ ಎಂದು ಬಾಡಿ ಶೇಮಿಂಗ್ ಮಾಡಿದ್ದ ಜನರ ಬಾಯಿ ಮುಚ್ಚಿಸಿದ್ದ ಕಾಜೋಲ್
ಬಾಡಿ ಶೇಮಿಂಗ್ ಮಾಡುವವರ ಮಾತುಗಳಿಂದ ಕಾಜೋಲ್ ಅವರಿಗೆ ನೋವಾಗುತ್ತಿತ್ತು. ಆದರೂ ಕೂಡ ಅವರು ತಮ್ಮತನವನ್ನು ಕಾಪಾಡಿಕೊಂಡರು.
ಚಿತ್ರರಂಗದಲ್ಲಿ ನಟಿಯರು ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಾರೆ. ಅದರಲ್ಲಿ ಬಾಡಿ ಶೇಮಿಂಗ್ ಕೂಡ ಒಂದು. ದೇಹದ ಆಕಾರ, ಎತ್ತರ, ಚರ್ಮದ ಬಣ್ಣ ಇತ್ಯಾದಿ ಅಂಶಗಳನ್ನು ಇಟ್ಟುಕೊಂಡು ಅಪಹಾಸ್ಯ ಮಾಡುವವರು ಸಾಕಷ್ಟು ಮಂದಿ ಇದ್ದಾರೆ. ನಟಿ ಕಾಜೋಲ್ ಅವರಿಗೆ ಇಂಥ ಸಮಸ್ಯೆ ಎದುರಾಗಿತ್ತು.
ಬೇರೆ ನಟಿಯರಿಗೆ ಹೋಲಿಸಿದರೆ ಕಾಜೋಲ್ ಅವರ ಮೈ ಬಣ್ಣ ಸ್ವಲ್ಪ ಕಪ್ಪಗಿದೆ. ಅದನ್ನೇ ಗುರಿಯಾಗಿಟ್ಟುಕೊಂಡು ಕೆಲವರು ಬಾಡಿ ಶೇಮಿಂಗ್ ಮಾಡಿದ್ದರು. ದಪ್ಪಗಿದ್ದಾಳೆ ಎಂದು ಕೂಡ ಹೀಯಾಳಿಸಿದ್ದರು. ಆ ಘಟನೆಗಳನ್ನು ಈಗ ಕಾಜೋಲ್ ನೆನಪಿಸಿಕೊಂಡಿದ್ದಾರೆ.
‘ಹ್ಯೂಮನ್ಸ್ ಆಫ್ ಬಾಂಬೆ’ಗೆ ನೀಡಿದ ಸಂದರ್ಶನದಲ್ಲಿ ಕಾಜೋಲ್ ಅವರು ಬಾಡಿ ಶೇಮಿಂಗ್ ಕುರಿತು ಮಾತನಾಡಿದ್ದಾರೆ. ಕಪ್ಪು, ದಪ್ಪ ಎಂದು ಹೀಯಾಳಿಸಿದ್ದು ಮಾತ್ರವಲ್ಲದೇ ಕನ್ನಡಕ ಹಾಕುತ್ತಾರೆ ಎಂಬ ಕಾರಣಕ್ಕೂ ಕಾಜೋಲ್ಗೆ ಅಪಹಾಸ್ಯ ಮಾಡಲಾಗಿತ್ತು.
ಈ ಮಾತುಗಳಿಂದ ಕಾಜೋಲ್ ಅವರಿಗೆ ನೋವಾಗುತ್ತಿತ್ತು. ಆದರೂ ಕೂಡ ಅವರು ಆ ಬಗ್ಗೆ ಜಾಸ್ತಿ ತಲೆ ಕೆಡಿಸಿಕೊಳ್ಳಲಿಲ್ಲ. ತಮ್ಮತನವನ್ನು ಅವರು ಕಾಪಾಡಿಕೊಂಡರು. ನಂತರ ಅವರು ಹೇಗಿದ್ದಾರೋ ಹಾಗೆಯೇ ಜಗತ್ತು ಅವರನ್ನು ಒಪ್ಪಿಕೊಂಡಿತು. ಆ ದಿನಗಳನ್ನು ಕಾಜೋಲ್ ಈಗ ನೆನಪು ಮಾಡಿಕೊಂಡಿದ್ದಾರೆ.
ಇಂದಿಗೂ ಕಾಜೋಲ್ ಅವರು ಚಿತ್ರರಂಗದಲ್ಲಿ ಬ್ಯುಸಿ ಆಗಿದ್ದಾರೆ. ಆದರೆ ಸಿನಿಮಾಗಳ ಆಯ್ಕೆಯಲ್ಲಿ ಅವರು ಚ್ಯೂಸಿ. ಕಾಜೋಲ್ ನಟಿಸಿದ್ದ ‘ಸಲಾಂ ವೆಂಕಿ’ ಸಿನಿಮಾ 2022ರ ಡಿಸೆಂಬರ್ನಲ್ಲಿ ತೆರೆಕಂಡಿತು. ಆ ಸಿನಿಮಾದಲ್ಲಿ ಆಮಿರ್ ಖಾನ್ ಅತಿಥಿ ಪಾತ್ರ ಮಾಡಿದ್ದರು.
Published On - 3:46 pm, Thu, 13 April 23