ಮೈಸೂರು ಮೈಲಾರಿ ಹೋಟೆಲ್​ನಲ್ಲಿ ದೋಸೆ ಹಾಕಿದ ಪ್ರಿಯಾಂಕಾ ಗಾಂಧಿ, ನಂತರ ತಾವೊಂದು ತಿಂದು ಮತ್ತೊಂದು ಡಿಕೆ ಶಿವಕುಮಾರ್​​ ತಟ್ಟೆಗೆ ಹಾಕಿದರು!

ತಾನು ಇಂದಿರಾ ಗಾಂಧಿ ಕುಟುಂಬದ ಕುಡಿ ಎಂಬ ಹಮ್ಮುಬಿಮ್ಮ ಬಿಟ್ಟು, ಅಪ್ಪಟ ಗೃಹಿಣಿಯಂತೆ ಪ್ರಿಯಾಂಕಾ ಗಾಂಧಿ ಮೈಸೂರಿನ ಅಗ್ರಹಾರದಲ್ಲಿರುವ ಮೈಲಾರಿ ಹೋಟೆಲ್ ನಲ್ಲಿ ದೋಸೆ ಹಾಕಿದ್ದಾರೆ. ಜೊತೆಗೆ ಡಯಟ್​​ ಅಂತಾ ತಾವು ಒಂದೇ ದೋಸೆ ತಿಂದು, ಅಲ್ಲಿದ್ದ ಕಾಂಗ್ರೆಸ್​​ ನಾಯಕರಿಗೂ ದೋಸೆ ತಿನ್ನಿಸಿದ್ದಾರೆ. ಹೋಟೆಲಿಂದ ಹೊರಡು ಮುನ್ನ ಹೋಟೆಲ್​ ಮಾಲೀಕರ ಕುಟುಂಬಸ್ಥರನ್ನೆಲ್ಲ ಬಾಯ್ತುಂಬಾ ಮಾತನಾಡಿಸಿದ್ದಾರೆ.