IPL 2023: ಕೊಹ್ಲಿ, ಬಟ್ಲರ್ ಅಲ್ಲ; ತನ್ನ ಐಪಿಎಲ್ ದಾಖಲೆ ಮುರಿಯುವ ಆಟಗಾರನನ್ನು ಹೆಸರಿಸಿದ ಕ್ರಿಸ್ ಗೇಲ್
IPL 2023: ಇದೀಗ ತಮ್ಮ ಹೆಸರಿನಲ್ಲಿರುವ ಅತೀ ದೊಡ್ಡ ದಾಖಲೆಯನ್ನು ಮುರಿಯುವ ಆಟಗಾರನ ಬಗ್ಗೆ ಗೇಲ್ ಮಾತನಾಡಿದ್ದು, ಅಚ್ಚರಿಯ ಹೆಸರನ್ನು ತೆಗೆದುಕೊಂಡಿದ್ದಾರೆ.
ಕೆರಿಬಿಯನ್ ದೈತ್ಯ ಕ್ರಿಸ್ ಗೇಲ್ ತನ್ನ ವೃತ್ತಿ ಬದುಕಿನಲ್ಲಿ ಹಲವಾರು ದಾಖಲೆಗಳನ್ನು ನಿರ್ಮಿಸಿದ್ದಾರೆ. ತನ್ನ ಅಬ್ಬರದ ಬ್ಯಾಟಿಂಗ್ ಮೂಲಕ ಟಿ20 ಕ್ರಿಕೆಟ್ನಲ್ಲಿ ಯಾರೂ ಮುರಿಯಲಾಗದ ದಾಖಲೆಗಳನ್ನು ನಿರ್ಮಿಸಿರುವ ಗೇಲ್, ಐಪಿಎಲ್ನಲ್ಲೂ ಅಂತಹ ಹಲವು ದಾಖಲೆಗಳನ್ನು ಮಾಡಿದ್ದಾರೆ.
ಇದೀಗ ತಮ್ಮ ಹೆಸರಿನಲ್ಲಿರುವ ಅತೀ ದೊಡ್ಡ ದಾಖಲೆಯನ್ನು ಮುರಿಯುವ ಆಟಗಾರನ ಬಗ್ಗೆ ಗೇಲ್ ಮಾತನಾಡಿದ್ದು, ಅಚ್ಚರಿಯ ಹೆಸರನ್ನು ತೆಗೆದುಕೊಂಡಿದ್ದಾರೆ. ವಾಸ್ತವವಾಗಿ ಗೇಲ್ ಐಪಿಎಲ್ನಲ್ಲಿ 175 ರನ್ ಬಾರಿಸುವ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಒಂದು ಪಂದ್ಯದಲ್ಲಿ ಅತ್ಯಧಿಕ ವೈಯಕ್ತಿಕ ಸ್ಕೋರ್ ಬಾರಿಸಿದ ಆಟಗಾರ ಎಂಬ ದಾಖಲೆ ಬರೆದಿದ್ದಾರೆ.
ಈಗ ಆ ದಾಖಲೆಯನ್ನು ಯಾವ ಆಟಗಾರ ಮುರಿಯಬಹುದು ಎಂಬುದಕ್ಕೆ ಉತ್ತರಿಸಿರುವ ಗೇಲ್, ಅಚ್ಚರಿಯೆಂಬಂತೆ ಕನ್ನಡಿಗ ಕೆಎಲ್ ರಾಹುಲ್ ಹೆಸರನ್ನು ತೆಗೆದುಕೊಂಡಿದ್ದಾರೆ.
ಇದಕ್ಕೆ ಸೂಕ್ತ ಸಮಜಾಯಿಷಿಯನ್ನು ನೀಡಿರುವ ಗೇಲ್, ನಾನು ತೀರ ಹತ್ತಿರದಿಂದ ರಾಹುಲ್ ಆಟವನ್ನು ನೋಡಿದ್ದೇನೆ. ಅವರು ಮನಸ್ಸು ಮಾಡಿದ್ದರೆ ಖಂಡಿತ ನನ್ನ ದಾಖಲೆಯನ್ನು ಮುರಿಯುತ್ತಾರೆ. ಸಾಮಾನ್ಯವಾಗಿ 15ರಿಂದ 20ನೇ ಓವರ್ ನಡುವೆ ಬ್ಯಾಟಿಂಗ್ಗೆ ಬಂದಾಗ ಅಥವಾ ಡೆತ್ ಓವರ್ಗಳಲ್ಲಿ ಬ್ಯಾಟಿಂಗ್ಗೆ ಬಂದಾಗ ರಾಹುಲ್ ತುಂಬಾ ಅಪಾಯಕಾರಿ. ಅವರು ಉತ್ತಮ ಆರಂಭವನ್ನು ಪಡೆದರೆ, ಖಂಡಿತವಾಗಿಯೂ ನನ್ನ 175 ರನ್ಗಳ ದಾಖಲೆಯನ್ನು ಮುರಿಯಲಿದ್ದಾರೆ ಎಂದಿದ್ದಾರೆ.
ಸದ್ಯ ರಾಹುಲ್ ಕಳಪೆ ಫಾರ್ಮ್ನಿಂದ ಬಳಲುತ್ತಿದ್ದು ಇತ್ತೀಚೆಗೆ ಆಸ್ಟ್ರೇಲಿಯಾ ವಿರುದ್ಧ ಮುಕ್ತಾಯಗೊಂಡ ಬಾರ್ಡರ್-ಗವಾಸ್ಕರ್ ಟ್ರೋಫಿಯಲ್ಲೂ ಉತ್ತಮ ಪ್ರದರ್ಶನ ನೀಡಲಿಲ್ಲ. ಆದರೆ ವೈಟ್ ಬಾಲ್ ಕ್ರಿಕೆಟ್ನಲ್ಲಿ ತನ್ನ ಹಳೆಯ ಲಯಕ್ಕೆ ಬಂದಿರುವ ರಾಹುಲ್ ಮೊದಲ ಏಕದಿನ ಪಂದ್ಯದಲ್ಲಿ ಅಜೇಯ 75 ರನ್ ಬಾರಿಸಿದ್ದರು.
Published On - 5:57 pm, Mon, 20 March 23