Happy Birthday Steve Smith: ಭಾರತದ ವಿರುದ್ಧ ಅತಿ ಹೆಚ್ಚು ಶತಕ ಬಾರಿಸಿರುವ ಸ್ಟೀವ್ ಸ್ಮಿತ್ಗೆ ಇಂದು ಜನ್ಮದಿನ
Happy Birthday Steve Smith: ಏಕದಿನ ಕ್ರಿಕೆಟ್ನಲ್ಲಿ 142 ಏಕದಿನ ಪಂದ್ಯಗಳನ್ನಾಡಿರುವ ಸ್ಮಿತ್, 12 ಶತಕ ಮತ್ತು 29 ಅರ್ಧಶತಕ ಸೇರಿದಂತೆ 4939 ರನ್ ಬಾರಿಸಿದ್ದಾರೆ.
ಆಸ್ಟ್ರೇಲಿಯಾದ ಅನುಭವಿ ಬ್ಯಾಟ್ಸ್‌ಮನ್ ಸ್ಟೀವ್ ಸ್ಮಿತ್ ಇಂದು ತಮ್ಮ 34ನೇ ವಸಂತಕ್ಕೆ ಕಾಲಿರಿಸಿದ್ದಾರೆ. ಅಂತರಾಷ್ಟ್ರೀಯ ಕ್ರಿಕೆಟ್ನಲ್ಲಿ ಅನೇಕ ಸಾಧನೆಗಳನ್ನು ಮಾಡಿರುವ ಸ್ಮಿತ್ ವೃತ್ತಿ ಬದುಕು ಹಲವಾರು ಏರಿಳಿತಗಳಿಂದ ಕೂಡಿದೆ. ಭಾರತ, ಇಂಗ್ಲೆಂಡ್, ಶ್ರೀಲಂಕಾ ಮತ್ತು ಪಾಕಿಸ್ತಾನ ಸೇರಿದಂತೆ ಹಲವು ಬಲಿಷ್ಠ ತಂಡಗಳ ವಿರುದ್ಧ ಶ್ರೇಷ್ಠ ಇನ್ನಿಂಗ್ಸ್ ಆಡಿರುವ ಸ್ಮಿತ್ ಹಲವು ದಾಖಲೆಗಳನ್ನು ಸೃಷ್ಟಿಸಿದ್ದಾರೆ. ಇನ್ನು ಭಾರತದ ವಿರುದ್ಧ ಅದ್ಭುತ ಪ್ರದರ್ಶನ ನೀಡಿರುವ ಸ್ಮಿತ್ ಹಲವಾರು ದಾಖಲೆಗಳನ್ನು ನಿರ್ಮಿಸಿದ್ದಾರೆ.
ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲೂ ಅದ್ಭುತ ಪ್ರದರ್ಶನ ನೀಡಿರುವ ಸ್ಟೀವ್ ಸ್ಮಿತ್, ಟೆಸ್ಟ್ ಕ್ರಿಕೆಟ್ನಲ್ಲಿ 27 ಶತಕ, ಮತ್ತು ಏಕದಿನ ಪಂದ್ಯಗಳಲ್ಲಿ 11 ಶತಕಗಳನ್ನು ಬಾರಿಸಿದ್ದಾರೆ. ಇನ್ನು ಟೀಂ ಇಂಡಿಯಾ ವಿರುದ್ಧ ಅತಿ ಹೆಚ್ಚು ಶತಕ ಬಾರಿಸಿದ ದಾಖಲೆ ಬರೆದಿರುವ ಸ್ಮಿತ್ ಭಾರತದ ವಿರುದ್ಧ ಆಡಿರುವ 24 ಏಕದಿನ ಪಂದ್ಯಗಳಲ್ಲಿ 5 ಶತಕ ಸಿಡಿಸಿದ್ದು, ಒಟ್ಟು 1145 ರನ್ ಕಲೆ ಹಾಕಿದ್ದಾರೆ.
ಆಸೀಸ್ ಪರ 96 ಟೆಸ್ಟ್ ಪಂದ್ಯಗಳನ್ನಾಡಿರುವ ಸ್ಮಿತ್ 8792 ರನ್ ಬಾರಿಸಿದ್ದು, ಇದರಲ್ಲಿ 30 ಶತಕ ಮತ್ತು 37 ಅರ್ಧ ಶತಕಗಳು ಸೇರಿವೆ. ಅಲ್ಲದೆ ಈ ಮಾದರಿಯಲ್ಲಿ ಸ್ಮಿತ್ 3 ದ್ವಿಶತಕಗಳನ್ನು ಸಿಡಿಸಿದ್ದಾರೆ.
ಏಕದಿನ ಕ್ರಿಕೆಟ್ನಲ್ಲಿ 142 ಏಕದಿನ ಪಂದ್ಯಗಳನ್ನಾಡಿರುವ ಸ್ಮಿತ್, 12 ಶತಕ ಮತ್ತು 29 ಅರ್ಧಶತಕ ಸೇರಿದಂತೆ 4939 ರನ್ ಬಾರಿಸಿದ್ದಾರೆ. ಟಿ20 ಕ್ರಿಕೆಟ್ನಲ್ಲೂ ಅದ್ಭುತ ಪ್ರದರ್ಶನ ನೀಡಿರುವ ಸ್ಮಿತ್ 63 ಟಿ20 ಪಂದ್ಯಗಳಲ್ಲಿ 2485 ರನ್ ಕಲೆ ಹಾಕಿದ್ದಾರೆ.
ಇನ್ನು ಸ್ಟೀವ್ ಸ್ಮಿತ್ ಅವರ ಐಪಿಎಲ್ ಪ್ರಯಾಣವನ್ನು ನೋಡುವುದಾದರೆ, 2012 ರಲ್ಲಿ ಮೊದಲ ಬಾರಿಗೆ ಐಪಿಎಲ್ಗೆ ಪದಾರ್ಪಣೆ ಮಾಡಿದ ಸ್ಮಿತ್ ಮೊದಲ ಸೀಸನ್ನಲ್ಲೇ 15 ಪಂದ್ಯಗಳನ್ನು ಆಡಿ ಒಟ್ಟು 362 ರನ್ ಬಾರಿಸಿದರು. 2016 ರ ಸೀಸನ್ನಲ್ಲಿ 1 ಶತಕ ಮತ್ತು 3 ಅರ್ಧಶತಕಗಳೊಂದಿಗೆ ಒಟ್ಟು 472 ರನ್ ಕಲೆ ಹಾಕಿದರು. ಸದ್ಯ ಈ ಲೀಗ್‌ನಲ್ಲಿ 103 ಪಂದ್ಯಗಳನ್ನಾಡಿರುವ ಸ್ಮಿತ್ 1 ಶತಕ ಮತ್ತು 11 ಅರ್ಧಶತಕ ಸೇರಿದಂತೆ 2485 ರನ್ ಬಾರಿಸಿದ್ದಾರೆ.
Published On - 2:18 pm, Fri, 2 June 23