IND vs WI: ಕೊಹ್ಲಿ- ರೋಹಿತ್ ಗುಂಪಿಗೆ ಸೇರಲು ಸಂಜು ಸ್ಯಾಮ್ಸನ್ಗೆ 21 ರನ್ ಮಾತ್ರ ಬೇಕು..!
Sanju Samson: ವಾಸ್ತವವಾಗಿ ಟಿ20 ಕ್ರಿಕೆಟ್ನಲ್ಲಿ 6000 ಅಥವಾ ಅದಕ್ಕಿಂತ ಹೆಚ್ಚು ರನ್ ಕಲೆಹಾಕಿದ ಭಾರತದ ಬ್ಯಾಟರ್ಗಳ ಪಟ್ಟಿಯನ್ನು ಸೇರಲು ಸಂಜುಗೆ 21 ರನ್ ಅಗತ್ಯವಿದೆ.
ಬ್ರಿಯಾನ್ ಲಾರಾ ಸ್ಟೇಡಿಯಂನಲ್ಲಿ ನಡೆದ ಮೂರನೇ ಏಕದಿನ ಪಂದ್ಯದಲ್ಲಿ ಆಕರ್ಷಕ ಅರ್ಧಶತಕ ಸಿಡಿಸಿದ ಸ್ಟಾರ್ ಇಂಡಿಯನ್ ವಿಕೆಟ್ಕೀಪರ್-ಬ್ಯಾಟರ್ ಸಂಜು ಸ್ಯಾಮ್ಸನ್ ತಂಡದಲ್ಲಿ ಸ್ಥಾನ ಖಚಿತಪಡಿಸಿಕೊಳ್ಳುವ ಹಾದಿಯಲ್ಲಿದ್ದಾರೆ.
ಇದೀಗ ಉಭಯ ತಂಡಗಳ ನಡುವೆ ಆರಂಭವಾಗಲ್ಲಿರುವ ಐದು ಪಂದ್ಯಗಳ ಟಿ20 ಸರಣಿಯ ಮೊದಲ ಪಂದ್ಯದಲ್ಲಿ ಸಂಜು ಸ್ಯಾಮ್ಸನ್ ತಂಡದಲ್ಲಿ ಸ್ಥಾನ ಪಡೆದು, 21 ರನ್ ಬಾರಿಸಿದರೆ, ವಿರಾಟ್ ಕೊಹ್ಲಿ ಮತ್ತು ರೋಹಿತ್ ಶರ್ಮಾ ಅವರಂತಹ ದಾಖಲೆಗಳ ಶೂರರ ಪಟ್ಟಿಗೆ ಸೇರ್ಪಡೆಗೊಳ್ಳಲಿದ್ದಾರೆ.
ವಾಸ್ತವವಾಗಿ ಟಿ20 ಕ್ರಿಕೆಟ್ನಲ್ಲಿ 6000 ಅಥವಾ ಅದಕ್ಕಿಂತ ಹೆಚ್ಚು ರನ್ ಕಲೆಹಾಕಿದ ಭಾರತದ ಬ್ಯಾಟರ್ಗಳ ಪಟ್ಟಿಯನ್ನು ಸೇರಲು ಸಂಜುಗೆ 21 ರನ್ ಅಗತ್ಯವಿದೆ. ಇದುವರೆಗೆ ಆಡಿರುವ 241 ಟಿ20 ಪಂದ್ಯಗಳಲ್ಲಿ ಸಂಜು 5979 ರನ್ ಕಲೆಹಾಕಿದ್ದಾರೆ.
ಭಾರತ ಪರ 17 ಟಿ20 ಪಂದ್ಯಗಳಲ್ಲಿ 20.06 ಸರಾಸರಿಯಲ್ಲಿ 301 ರನ್ ಗಳಿಸಿರುವ ಸಂಜು, 152 ಐಪಿಎಲ್ ಪಂದ್ಯಗಳಿಂದ 3888 ರನ್ ಗಳಿಸಿದ್ದಾರೆ.
ಮೊದಲ ಪಂದ್ಯದಲ್ಲಿ ಸಂಜು 21 ರನ್ ಬಾರಿಸಿದರೆ, 6000 ಟಿ20 ರನ್ ಪೂರ್ಣಗೊಳಿಸಿದ 13ನೇ ಭಾರತೀಯ ಬ್ಯಾಟರ್ ಎನಿಸಿಕೊಳ್ಳಲಿದ್ದಾರೆ. ಇನ್ನು ಭಾರತದ ಪರ 6000 ಟಿ20 ರನ್ ಪೂರೈಸಿದ ಪ್ರಮುಖ ಆಟಗಾರರು ಯಾರು ಎಂಬುದನ್ನು ನೋಡುವುದಾದರೆ..
ಇದುವರೆಗೆ ಆಡಿರುವ 374 ಟಿ20 ಪಂದ್ಯಗಳಿಂದ 11,965 ರನ್ ಕಲೆಹಾಕಿರುವ ವಿರಾಟ್ ಕೊಹ್ಲಿ ಆಟದ ಅತ್ಯಂತ ಕಡಿಮೆ ಸ್ವರೂಪದಲ್ಲಿ ಅತಿ ಹೆಚ್ಚು ರನ್ ಗಳಿಸಿದ ಭಾರತೀಯ ಬ್ಯಾಟರ್ಗಳಲ್ಲಿ ನಂ. 1 ಸ್ಥಾನವನ್ನು ಆಕ್ರಮಿಸಿಕೊಂಡಿದ್ದರೆ, ವಿಶ್ವ ಮಟ್ಟದಲ್ಲಿ ಈ ಸಾಧನೆ ಮಾಡಿದ 4ನೇ ಬ್ಯಾಟರ್ ಎನಿಸಿಕೊಂಡಿದ್ದಾರೆ.
ಹಾಗೆಯೇ ಟೀಂ ಇಂಡಿಯಾ ನಾಯಕ ರೋಹಿತ್ ಶರ್ಮಾ 11,035 ರನ್ಗಳೊಂದಿಗೆ ಭಾರತದ ಎರಡನೇ ಬ್ಯಾಟರ್ ಎನಿಸಿಕೊಂಡಿದ್ದರೆ, ವಿಶ್ವ ಮಟ್ಟದಲ್ಲಿ ಎಂಟನೇ ಸ್ಥಾನದಲ್ಲಿದ್ದಾರೆ.
329 ಪಂದ್ಯಗಳಿಂದ 9645 ರನ್ ಕಲೆಹಾಕಿರುವ ಶಿಖರ್ ಧವನ್ ಮೂರನೇ ಸ್ಥಾನದಲ್ಲಿದ್ದಾರೆ.
336 ಪಂದ್ಯಗಳಿಂದ 8654 ರನ್ ಕಲೆಹಾಕಿರುವ ಸುರೇಶ್ ರೈನಾ ನಾಲ್ಕನೇ ಸ್ಥಾನದಲ್ಲಿದ್ದಾರೆ.
ಇನ್ನು ಐದನೇ ಸ್ಥಾನದಲ್ಲಿರುವ ಕನ್ನಡಿಗ ರಾಬಿನ್ ಉತ್ತಪ್ಪ291 ಪಂದ್ಯಗಳಿಂದ 7272 ರನ್ ಕಲೆಹಾಕಿದ್ದಾರೆ.
377 ಪಂದ್ಯಗಳಲ್ಲಿ 7271 ರನ್ ಬಾರಿಸಿರುವ ಮಾಜಿ ನಾಯಕ ಎಂಎಸ್ ಧೋನಿ ಆರನೇ ಸ್ಥಾನದಲ್ಲಿದ್ದಾರೆ.
386 ಪಂದ್ಯಗಳಿಂದ 7081 ರನ್ ಬಾರಿಸಿರುವ ದಿನೇಶ್ ಕಾರ್ತಿಕ್ಗೆ ಏಳನೇ ಸ್ಥಾನ.
ಎಂಟನೇ ಸ್ಥಾನದಲ್ಲಿರುವ ಮತ್ತೊಬ್ಬ ಕನ್ನಡಿಗ ಕೆಎಲ್ ರಾಹುಲ್ 212 ಪಂದ್ಯಗಳಿಂದ 7066 ರನ್ ಕಲೆಹಾಕಿದ್ದಾರೆ.