IND vs WI: 5 ಪಂದ್ಯಗಳ ಟಿ20 ಸರಣಿಯಲ್ಲಿ ಹಾರ್ದಿಕ್ ಪಡೆ ನಿರ್ಮಿಸಬಹುದಾದ ಪ್ರಮುಖ ದಾಖಲೆಗಳಿವು
IND vs WI: ಮೊದಲ ಟಿ20 ಪಂದ್ಯದಲ್ಲಿ ಕಣಕ್ಕಿಳಿಯುವ ಮೂಲಕ ಟೀಂ ಇಂಡಿಯಾ ತನ್ನ 200ನೇ ಅಂತಾರಾಷ್ಟ್ರೀಯ ಟಿ20 ಪಂದ್ಯವನ್ನು ಆಡಲಿದೆ. ಹಾಗೆಯೇ ಇದೇ ಟಿ20 ಸರಣಿಯಲ್ಲಿ ತಂಡದ ಹಲವು ಆಟಗಾರರು ದಾಖಲೆ ಬರೆಯುವ ಹೊಸ್ತಿಲಿನಲ್ಲಿದ್ದಾರೆ.
ಭಾರತ ಮತ್ತು ವೆಸ್ಟ್ ಇಂಡೀಸ್ ತಂಡಗಳು ಟಿ20 ಸರಣಿಯಲ್ಲಿ ಪರಸ್ಪರ ಮುಖಾಮುಖಿಯಾಗಲು ಸಿದ್ಧವಾಗಿವೆ. 5 ಪಂದ್ಯಗಳ ಟಿ20 ಸರಣಿ ಇಂದು ಆಗಸ್ಟ್ 3 ರಂದು ಆರಂಭವಾಗುತ್ತಿದೆ. ಮೊದಲ ಟಿ20 ಪಂದ್ಯದಲ್ಲಿ ಕಣಕ್ಕಿಳಿಯುವ ಮೂಲಕ ಟೀಂ ಇಂಡಿಯಾ ತನ್ನ 200ನೇ ಅಂತಾರಾಷ್ಟ್ರೀಯ ಟಿ20 ಪಂದ್ಯವನ್ನು ಆಡಲಿದೆ. ಹಾಗೆಯೇ ಇದೇ ಟಿ20 ಸರಣಿಯಲ್ಲಿ ತಂಡದ ಹಲವು ಆಟಗಾರರು ದಾಖಲೆ ಬರೆಯುವ ಹೊಸ್ತಿಲಿನಲ್ಲಿದ್ದಾರೆ.
1 / 8
ಹಾರ್ದಿಕ್ ಪಾಂಡ್ಯ: ತಂಡದ ನಾಯಕ ಹಾರ್ದಿಕ್ ಪಾಂಡ್ಯ ಇನ್ನೂ 2 ವಿಕೆಟ್‌ ಪಡೆದರೆ ಟಿ20 ಮಾದರಿಯಲ್ಲಿ 150 ವಿಕೆಟ್‌ಗಳ ದಾಖಲೆಯನ್ನು ಪೂರ್ಣಗೊಳಿಸಲಿದ್ದಾರೆ. ಇದರೊಂದಿಗೆ 4000 ಕ್ಕೂ ಹೆಚ್ಚು ಟಿ20 ರನ್ ಮತ್ತು 150 ಕ್ಕೂ ಹೆಚ್ಚು ವಿಕೆಟ್‌ಗಳನ್ನು ಪಡೆದ ಮೊದಲ ಭಾರತೀಯ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಲಿದ್ದಾರೆ.
2 / 8
ಸಂಜು ಸ್ಯಾಮ್ಸನ್: ಟಿ20 ಕ್ರಿಕೆಟ್‌ನಲ್ಲಿ 6000 ರನ್ ಪೂರೈಸಲು ಸಂಜು ಸ್ಯಾಮ್ಸನ್ಗೆ ಇನ್ನೂ 21 ರನ್ ಅಗತ್ಯವಿದೆ. ಇದರೊಂದಿಗೆ ಸಂಜು ಈ ಮೈಲಿಗಲ್ಲು ತಲುಪಿದ 12ನೇ ಭಾರತೀಯ ಕ್ರಿಕೆಟಿಗ ಎನಿಸಿಕೊಳ್ಳಲಿದ್ದಾರೆ.
3 / 8
ಸೂರ್ಯಕುಮಾರ್ ಯಾದವ್: ಸೂರ್ಯಕುಮಾರ್ ಯಾದವ್ ಟಿ20 ಕ್ರಿಕೆಟ್‌ನಲ್ಲಿ 2000 ರನ್ ಪೂರೈಸಲು 325 ರನ್‌ಗಳ ಅಂತರದಲ್ಲಿದ್ದಾರೆ.
4 / 8
ಯುಜುವೇಂದ್ರ ಚಹಾಲ್: ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ 100 ವಿಕೆಟ್‌ಗಳ ದಾಖಲೆ ಮಾಡಲು ಯುಜುವೇಂದ್ರ ಚಹಾಲ್ಗೆ 9 ವಿಕೆಟ್‌ಗಳು ಬೇಕಾಗಿದೆ. ಇದು ಸಾಧ್ಯವಾದರೆ ಈ ಸಾಧನೆ ಮಾಡಿದ ಭಾರತದ ಮೊದಲ ಪುರುಷ ಕ್ರಿಕೆಟಿಗ ಎಂಬ ಹೆಗ್ಗಳಿಕೆಗೆ ಚಹಾಲ್ ಪಾತ್ರರಾಗಲಿದ್ದಾರೆ.
5 / 8
ಅರ್ಷ್‌ದೀಪ್ ಸಿಂಗ್: ಟಿ20 ಕ್ರಿಕೆಟ್‌ನಲ್ಲಿ 50 ವಿಕೆಟ್‌ಗಳ ದಾಖಲೆಯನ್ನು ಪೂರ್ಣಗೊಳಿಸಲು ಅರ್ಷ್‌ದೀಪ್ ಸಿಂಗ್‌ಗೆ 9 ವಿಕೆಟ್‌ಗಳ ಅಗತ್ಯವಿದೆ. ಭುವನೇಶ್ವರ್ ಕುಮಾರ್, ಜಸ್ಪ್ರೀತ್ ಬುಮ್ರಾ, ಹಾರ್ದಿಕ್ ಪಾಂಡ್ಯ ಮತ್ತು ಜೂಲನ್ ಗೋಸ್ವಾಮಿ ನಂತರ ಈ ಸಾಧನೆ ಮಾಡಿದ ಐದನೇ ಭಾರತೀಯ ವೇಗಿ ಎನಿಸಿಕೊಳ್ಳಲಿದ್ದಾರೆ.
6 / 8
ಕುಲ್ದೀಪ್ ಯಾದವ್ - ಅಂತಾರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ 50 ವಿಕೆಟ್‌ಗಳ ದಾಖಲೆಯನ್ನು ಪೂರ್ಣಗೊಳಿಸಲು ಕುಲ್ದೀಪ್ ಯಾದವ್‌ಗೆ ಇನ್ನೂ 4 ವಿಕೆಟ್‌ಗಳ ಅಗತ್ಯವಿದೆ. ಅಂತರಾಷ್ಟ್ರೀಯ ಟಿ20 ಕ್ರಿಕೆಟ್‌ನಲ್ಲಿ ಅತಿವೇಗವಾಗಿ 50 ವಿಕೆಟ್‌ ಪಡೆದ ಆಟಗಾರ ಎನಿಸಿಕೊಳ್ಳುವ ಅವಕಾಶ ಕುಲ್ದೀಪ್ ಅವರಿಗಿದೆ.
7 / 8
ಅಕ್ಷರ್ ಪಟೇಲ್: ಭಾರತದ ಸ್ಟಾರ್ ಆಲ್ ರೌಂಡರ್ ಅಕ್ಷರ್ ಪಟೇಲ್ ಟಿ20 ಕ್ರಿಕೆಟ್‌ನಲ್ಲಿ 2500 ರನ್ ಪೂರ್ಣಗೊಳಿಸಲು ಇನ್ನೂ 80 ರನ್ ಅಗತ್ಯವಿದೆ. ರವೀಂದ್ರ ಜಡೇಜಾ ನಂತರ ಟಿ20 ಕ್ರಿಕೆಟ್‌ನಲ್ಲಿ 2,500 ರನ್ ಮತ್ತು 150 ಅಥವಾ ಅದಕ್ಕಿಂತ ಹೆಚ್ಚು ವಿಕೆಟ್‌ಗಳನ್ನು ಪಡೆದ ಎರಡನೇ ಕ್ರಿಕೆಟಿಗನಾಗಲಿದ್ದಾರೆ.
