ಟೀಂ ಇಂಡಿಯಾದ ವೆಸ್ಟ್ ಇಂಡೀಸ್ ಪ್ರವಾಸ ಮೊದಲೆರಡು ದಿನದಲ್ಲಿ ನಿರೀಕ್ಷೆಯಂತೆಯೇ ಆರಂಭವಾಗಿದೆ. ಡೊಮಿನಿಕಾದಲ್ಲಿ ನಡೆಯುತ್ತಿರುವ ಮೊದಲ ಟೆಸ್ಟ್ ಪಂದ್ಯದ ಎರಡನೇ ದಿನ ಯಶಸ್ವಿ ಜೈಸ್ವಾಲ್ ಅವರ ಸ್ಮರಣೀಯ ಚೊಚ್ಚಲ ಶತಕ ಮತ್ತು ನಾಯಕ ರೋಹಿತ್ ಶರ್ಮಾ ಅವರ ಶತಕದ ನೆರವಿನಿಂದ ಟೀಂ ಇಂಡಿಯಾ, ವಿಂಡೀಸ್ ವಿರುದ್ಧ ಮೇಲುಗೈ ಸಾಧಿಸಿದೆ.
1 / 5
ಆರಂಭಿಕರಿಬ್ಬರ ಶತಕದ ಬಳಿಕ ಈ ಟೆಸ್ಟ್‌ನಲ್ಲಿ ಉತ್ತಮ ಆರಂಭ ಪಡೆದಿರುವ ವಿರಾಟ್ ಮೇಲೆ ಇದೀಗ ಎಲ್ಲರ ಕಣ್ಣು ನೆಟ್ಟಿದ್ದು, ಕೊಹ್ಲಿ ದೊಡ್ಡ ಮೊತ್ತದ ಸ್ಕೋರ್ ಮಾಡುವ ನಿರೀಕ್ಷೆಯಿದೆ. ಅದಕ್ಕೂ ಮುನ್ನ ಎರಡನೇ ದಿನದಾಟದಲ್ಲಿ ಅಜೇಯ 36 ರನ್ ಬಾರಿಸಿರುವ ಕೊಹ್ಲಿ, ವೀರೇಂದ್ರ ಸೆಹ್ವಾಗ್ ಅವರ ದಾಖಲೆಯೊಂದನ್ನು ಮುರಿದಿದ್ದಾರೆ.
2 / 5
ಜೈಸ್ವಾಲ್ ಅವರೊಂದಿಗೆ ಅರ್ಧಶತಕದ ಜೊತೆಯಾಟ ಹಂಚಿಕೊಂಡಿರುವ ಕೊಹ್ಲಿ, ಎರಡನೇ ದಿನ ಕೊಹ್ಲಿ ಯಾವುದೇ ರಿಸ್ಕ್ ತೆಗೆದುಕೊಳ್ಳದೆ ಸಂಯಮದಿಂದ ಬ್ಯಾಟಿಂಗ್ ನಡೆಸಿದರು. ಸುದೀರ್ಘ ಇನ್ನಿಂಗ್ಸ್ ಆಡಲು ಉತ್ತಮ ಅವಕಾಶವನ್ನು ಗ್ರಹಿಸಿದ ಕೊಹ್ಲಿ ಶಾಂತವಾಗಿ ಕ್ರೀಸ್‌ನಲ್ಲಿ ಸಮಯ ಕಳೆದು ವಿಶೇಷ ದಾಖಲೆಯೊಂದನ್ನು ನಿರ್ಮಿಸಿದರು.
3 / 5
ಕೊಹ್ಲಿ ತಮ್ಮ ಇನ್ನಿಂಗ್ಸ್‌ನಲ್ಲಿ 21 ನೇ ರನ್ ಬಾರಿಸಿದ ತಕ್ಷಣ ಟೆಸ್ಟ್ ಕ್ರಿಕೆಟ್ನಲ್ಲಿ 8500 ರನ್‌ಗಳನ್ನು ಪೂರೈಸಿದರು. ಬಳಿಕ ಅವರ ಬ್ಯಾಟ್ನಿಂದ 25ನೇ ರನ್ ಹೊರಬಿದ್ದ ಕೂಡಲೇ ಅನುಭವಿ ಆರಂಭಿಕ ವೀರೇಂದ್ರ ಸೆಹ್ವಾಗ್ ಅವರ ದಾಖಲೆಯನ್ನು ಹಿಂದಿಕ್ಕಿದರು. ವಾಸ್ತವವಾಗಿ ಸೆಹ್ವಾಗ್ ಟೆಸ್ಟ್ ಕ್ರಿಕೆಟ್ನಲ್ಲಿ 8503 ರನ್ ಕಲೆಹಾಕಿದ್ದು, ಇದೀಗ ಕೊಹ್ಲಿ, ಭಾರತದ ಪರ ಅತಿ ಹೆಚ್ಚು ಟೆಸ್ಟ್ ರನ್ ಗಳಿಸಿದವರ ಪಟ್ಟಿಯಲ್ಲಿ ಐದನೇ ಸ್ಥಾನ ಪಡೆದುಕೊಂಡಿದ್ದಾರೆ.
4 / 5
ಮೂರು ವರ್ಷಗಳಿಂದ ಬಿಗ್ ಇನ್ನಿಂಗ್ಸ್‌ಗಾಗಿ ಪರದಾಡುತ್ತಿರುವ ಕೊಹ್ಲಿ ಮತ್ತೊಮ್ಮೆ ಉತ್ತಮ ಆಟ ಆರಂಭಿಸಿದ್ದಾರೆ. ದಿನದಾಟದ ಅಂತ್ಯಕ್ಕೆ 36 ರನ್ ಗಳಿಸಿ ಅಜೇಯರಾಗಿ ಉಳಿದು 96 ಎಸೆತಗಳನ್ನು ಎದುರಿಸಿದ್ದಾರೆ. ಅದರಲ್ಲೂ ಕೊಹ್ಲಿಯ ಇನ್ನಿಂಗ್ಸ್‌ನ ಮೊದಲ ಬೌಂಡರಿ 81ನೇ ಎಸೆತದಲ್ಲಿ ಬಂದಿದ್ದು ಅವರ ತಾಳ್ಮೆಯ ಬ್ಯಾಟಿಂಗ್ಗೆ ಮತ್ತೊಂದು ಸಾಕ್ಷಿಯಾಗಿದೆ.
