Kannada News Photo gallery Cricket photos India vs south africa 3rd test virat kohli ajinkya rahane on verge of special records cape town

IND vs SA: ಕೇಪ್ ಟೌನ್ ಟೆಸ್ಟ್ನಲ್ಲಿ ಉಭಯ ತಂಡದ ಆಟಗಾರರಿಂದ ಸೃಷ್ಟಿಯಾಗಬಹುದಾದ 7 ದಾಖಲೆಗಳಿವು

TV9 Web | Updated By: ಪೃಥ್ವಿಶಂಕರ

Updated on: Jan 10, 2022 | 10:01 PM

IND vs SA: ಕೇಪ್ ಟೌನ್‌ನಲ್ಲಿ ಶ್ರೇಷ್ಠ ನಾಯಕ ಸ್ಟೀವ್ ವಾ ಅವರನ್ನು ಸರಿಗಟ್ಟುವ ಅವಕಾಶ ವಿರಾಟ್ ಕೊಹ್ಲಿಗೆ ಇದೆ. ಸ್ಟೀವ್ ವಾ ನಾಯಕನಾಗಿ 41 ಟೆಸ್ಟ್‌ಗಳನ್ನು ಗೆದ್ದಿದ್ದಾರೆ ಮತ್ತು ವಿರಾಟ್ ಕೊಹ್ಲಿ ಅವರನ್ನು ಸರಿಗಟ್ಟಲು ಕೇವಲ ಒಂದು ಗೆಲುವಿನ ಅಂತರದಲ್ಲಿದ್ದಾರೆ.

Ad

IND vs SA: ಕೇಪ್ ಟೌನ್ ಟೆಸ್ಟ್ನಲ್ಲಿ ಉಭಯ ತಂಡದ ಆಟಗಾರರಿಂದ ಸೃಷ್ಟಿಯಾಗಬಹುದಾದ 7 ದಾಖಲೆಗಳಿವು

ಕೊಹ್ಲಿ, ಅಶ್ವಿನ್

ಭಾರತ ಮತ್ತು ದಕ್ಷಿಣ ಆಫ್ರಿಕಾ ನಡುವಿನ ಕದನ ಇದೀಗ ಕೇಪ್ ಟೌನ್ ತಲುಪಿದೆ. ಸೆಂಚುರಿಯನ್ನಲ್ಲಿ ಇತಿಹಾಸ ಸೃಷ್ಟಿಸಿದ ಟೀಂ ಇಂಡಿಯಾ ಜೋಹಾನ್ಸ್ ಬರ್ಗ್ ನಲ್ಲಿ ಹಿನ್ನಡೆ ಅನುಭವಿಸಿದೆ. ಎರಡನೇ ಟೆಸ್ಟ್ ಪಂದ್ಯವನ್ನು ದಕ್ಷಿಣ ಆಫ್ರಿಕಾ 7 ವಿಕೆಟ್‌ಗಳಿಂದ ಗೆದ್ದು ಸರಣಿಯನ್ನು 1-1ರಲ್ಲಿ ಸಮಬಲಗೊಳಿಸಿದೆ. ಇದೀಗ ಕೇಪ್ ಟೌನ್ನಲ್ಲಿ ಪಂದ್ಯ ನಡೆಯುತ್ತಿದ್ದು, ಮಂಗಳವಾರದಿಂದ ಮೂರನೇ ಟೆಸ್ಟ್ ಪಂದ್ಯ ಆರಂಭವಾಗಲಿದೆ. ಕೇಪ್ ಟೌನ್ನಲ್ಲಿ ಟೀಂ ಇಂಡಿಯಾ ಹಾಗೂ ದಕ್ಷಿಣ ಆಫ್ರಿಕಾದ ಆಟಗಾರರಿಗೆ ವಿಶೇಷ ಸಾಧನೆ ಮಾಡುವ ಅವಕಾಶವಿದೆ.

ಕೇಪ್ ಟೌನ್‌ನಲ್ಲಿ ಶ್ರೇಷ್ಠ ನಾಯಕ ಸ್ಟೀವ್ ವಾ ಅವರನ್ನು ಸರಿಗಟ್ಟುವ ಅವಕಾಶ ವಿರಾಟ್ ಕೊಹ್ಲಿಗೆ ಇದೆ. ಸ್ಟೀವ್ ವಾ ನಾಯಕನಾಗಿ 41 ಟೆಸ್ಟ್‌ಗಳನ್ನು ಗೆದ್ದಿದ್ದಾರೆ ಮತ್ತು ವಿರಾಟ್ ಕೊಹ್ಲಿ ಅವರನ್ನು ಸರಿಗಟ್ಟಲು ಕೇವಲ ಒಂದು ಗೆಲುವಿನ ಅಂತರದಲ್ಲಿದ್ದಾರೆ. ವಿರಾಟ್ ಕೊಹ್ಲಿ ಕೇಪ್ ಟೌನ್ ಟೆಸ್ಟ್ ಗೆದ್ದರೆ, ದಕ್ಷಿಣ ಆಫ್ರಿಕಾದಲ್ಲಿ ಸರಣಿ ಗೆದ್ದ ಮೊದಲ ಭಾರತೀಯ ನಾಯಕ ಎಂಬ ಹೆಗ್ಗಳಿಕೆಗೆ ಪಾತ್ರರಾಗುತ್ತಾರೆ ಮತ್ತು ಅವರು ಸ್ಟೀವ್ ವಾಗೆ ಸರಿಸಾಟಿಯಾಗುತ್ತಾರೆ. ಇದಲ್ಲದೇ ಕೇಪ್ ಟೌನ್ ಟೆಸ್ಟ್ನಲ್ಲೂ ವಿರಾಟ್ ಕೊಹ್ಲಿ ಬ್ಯಾಟ್ಸ್ ಮನ್ ಆಗಿ ವಿಶೇಷ ಸಾಧನೆ ಮಾಡಬಲ್ಲರು. ವಿರಾಟ್ ಕೊಹ್ಲಿ ಕೇಪ್ ಟೌನ್ನಲ್ಲಿ 146 ರನ್ ಗಳಿಸಿದರೆ ಟೆಸ್ಟ್ ಕ್ರಿಕೆಟ್ನಲ್ಲಿ 8000 ರನ್ ಪೂರೈಸಲಿದ್ದಾರೆ. ಅಷ್ಟೇ ಅಲ್ಲ 2 ಕ್ಯಾಚ್ ಹಿಡಿದರೆ ಟೆಸ್ಟ್ ಕ್ರಿಕೆಟ್ನಲ್ಲಿ 100 ಕ್ಯಾಚ್ ಪೂರೈಸಿದಂತಾಗುತ್ತದೆ.

ಕೇಪ್ ಟೌನ್ ಟೆಸ್ಟ್ ರವಿಚಂದ್ರನ್ ಅಶ್ವಿನ್ ಅವರಿಗೂ ವಿಶೇಷವಾಗಿದೆ. ಅಶ್ವಿನ್ 5 ವಿಕೆಟ್ ಪಡೆದರೆ, ಕುಂಬ್ಳೆ ನಂತರ ಅತಿ ಹೆಚ್ಚು ಟೆಸ್ಟ್ ವಿಕೆಟ್ ಪಡೆದ ಬೌಲರ್ ಎಂಬ ಹೆಗ್ಗಳಿಕೆಗೆ ಕಪಿಲ್ ದೇವ್ ಅವರನ್ನು ಹಿಂದಿಕ್ಕಲಿದ್ದಾರೆ. ಪ್ರಸ್ತುತ, ಅಶ್ವಿನ್ ತಮ್ಮ ಹೆಸರಿಗೆ 430 ವಿಕೆಟ್‌ಗಳನ್ನು ಹೊಂದಿದ್ದಾರೆ ಮತ್ತು ಕಪಿಲ್ ದೇವ್ ಟೆಸ್ಟ್ ಕ್ರಿಕೆಟ್‌ನಲ್ಲಿ 434 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಚೇತೇಶ್ವರ್ ಪೂಜಾರ ಕೂಡ ದಿಲೀಪ್ ವೆಂಗ್‌ಸರ್ಕರ್ ಅವರನ್ನು ಸೋಲಿಸುವ ಸನಿಹದಲ್ಲಿದ್ದಾರೆ. ಕೇಪ್ ಟೌನ್‌ನಲ್ಲಿ 8 ರನ್ ಗಳಿಸಿದ ನಂತರ, ಪೂಜಾರ ಅವರು ದಿಲೀಪ್ ವೆಂಗ್‌ಸರ್ಕರ್ ಅವರ 6668 ರನ್‌ಗಳ ಗಡಿಯನ್ನು ದಾಟುತ್ತಾರೆ. ಅಲ್ಲದೆ, ಪೂಜಾರ 7000 ಟೆಸ್ಟ್ ರನ್ ಪೂರ್ಣಗೊಳಿಸುವ ಅವಕಾಶವನ್ನು ಹೊಂದಿದ್ದಾರೆ.

ಅಜಿಂಕ್ಯ ರಹಾನೆ ಅವರಿಗೂ ಕೇಪ್ ಟೌನ್ ಟೆಸ್ಟ್ ವಿಶೇಷ ಅಂಕಿ ಅಂಶಗಳಿಗೆ ಸಾಕ್ಷಿಯಾಗಬಹುದು. 79 ರನ್ ಗಳಿಸಿದ ತಕ್ಷಣ ರಹಾನೆ ಟೆಸ್ಟ್ ಕ್ರಿಕೆಟ್‌ನಲ್ಲಿ 5000 ರನ್ ಪೂರೈಸಲಿದ್ದಾರೆ. ಈ ಸಾಧನೆ ಮಾಡಿದ ಭಾರತದ 13ನೇ ಆಟಗಾರ ಎನಿಸಿಕೊಳ್ಳಲಿದ್ದಾರೆ. ಇಷ್ಟೇ ಅಲ್ಲ, ಕೇಪ್ ಟೌನ್ ಟೆಸ್ಟ್ ನಲ್ಲಿ ರಹಾನೆ ಕ್ಯಾಚ್ ಹಿಡಿದರೆ ಅವರ 100 ಕ್ಯಾಚ್ ಗಳು ಕೂಡ ಈ ಮಾದರಿಯಲ್ಲಿ ಪೂರ್ಣಗೊಂಡಂತಾಗುತ್ತದೆ.

ಅತ್ಯುತ್ತಮ ಫಾರ್ಮ್‌ನಲ್ಲಿರುವ ಮೊಹಮ್ಮದ್ ಶಮಿ ಕೂಡ ವಿಶೇಷ ಅರ್ಧಶತಕದ ಸಮೀಪದಲ್ಲಿದ್ದಾರೆ. ಕೇಪ್ ಟೌನ್‌ನಲ್ಲಿ ಶಮಿ ಐದು ವಿಕೆಟ್ ಪಡೆದರೆ, ದಕ್ಷಿಣ ಆಫ್ರಿಕಾ ವಿರುದ್ಧ 50 ಟೆಸ್ಟ್ ವಿಕೆಟ್‌ಗಳ ಹೆಸರು ಶಮಿ ಪಾಲಾಗಲಿದೆ. ದಕ್ಷಿಣ ಆಫ್ರಿಕಾ ವಿರುದ್ಧ ಅಶ್ವಿನ್, ಹರ್ಭಜನ್ ಮತ್ತು ಅನಿಲ್ ಕುಂಬ್ಳೆ ಮಾತ್ರ 50 ಟೆಸ್ಟ್ ವಿಕೆಟ್ ಪಡೆದಿದ್ದಾರೆ.

ದಕ್ಷಿಣ ಆಫ್ರಿಕಾದ ಆರಂಭಿಕ ಆಟಗಾರ ಏಡೆನ್ ಮಾರ್ಕ್ರಾಮ್ ಕೂಡ 2000 ಟೆಸ್ಟ್ ರನ್‌ಗಳನ್ನು ಪೂರೈಸುವ ಸಮೀಪದಲ್ಲಿದ್ದಾರೆ. ಈ ಅಂಕವನ್ನು ತಲುಪಲು ದಕ್ಷಿಣ ಆಫ್ರಿಕಾದ ಆರಂಭಿಕ ಆಟಗಾರ ಕೇಪ್ ಟೌನ್‌ನಲ್ಲಿ 124 ರನ್ ಗಳಿಸಬೇಕಾಗಿದೆ.

Published On - 10:00 pm, Mon, 10 January 22