IPL 2022: ಐಪಿಎಲ್ ಪಂದ್ಯವೊಂದರಲ್ಲಿ ಅತೀ ಹೆಚ್ಚು ಸಿಕ್ಸ್ ಸಿಡಿಸಿದ ಬ್ಯಾಟರ್ ಯಾರು ಗೊತ್ತಾ?
IPL Records: ಕಳೆದ 14 ಸೀಸನ್ ಐಪಿಎಲ್ನಲ್ಲಿ 9 ಆಟಗಾರರು ಒಂದೇ ಇನಿಂಗ್ಸ್ನಲ್ಲಿ 10 ಕ್ಕೂ ಅಧಿಕ ಸಿಕ್ಸ್ ಬಾರಿಸಿದ್ದಾರೆ. ಹೀಗೆ ಐಪಿಎಲ್ನಲ್ಲಿ ಒಂದೇ ಪಂದ್ಯದಲ್ಲಿ ಸಿಕ್ಸ್ಗಳ ಸುರಿಮಳೆಗೈದ 10 ಬ್ಯಾಟ್ಸ್ಮನ್ಗಳ ಪರಿಚಯ ಇಲ್ಲಿದೆ.
ಐಪಿಎಲ್ ಸೀಸನ್ 15 ಶುರುವಾಗಲು ಇನ್ನು ದಿನಗಳು ಮಾತ್ರ ಉಳಿದಿವೆ. ಈಗಾಗಲೇ ಎಲ್ಲಾ ತಂಡಗಳು ಟೂರ್ನಿಗಾಗಿ ಭರ್ಜರಿ ಸಿದ್ದತೆಯಲ್ಲಿದೆ. ಅದರಂತೆ ಈ ಬಾರಿ 10 ತಂಡಗಳು ಕಣಕ್ಕಿಳಿಯಲಿದ್ದು, ಎಲ್ಲಾ ತಂಡಗಳು ಮೇಲ್ನೋಟಕ್ಕೆ ಬಲಿಷ್ಠವಾಗಿದೆ. ಅದರಲ್ಲೂ ಕೆಲ ತಂಡಗಳಲ್ಲಿ ಸ್ಟಾರ್ ಆಟಗಾರರಿದ್ದು, ಭರ್ಜರಿ ಸಿಕ್ಸರ್ಗಳನ್ನು ನಿರೀಕ್ಷಿಸಬಹುದು. ಇನ್ನು ಕಳೆದ 14 ಸೀಸನ್ ಐಪಿಎಲ್ನಲ್ಲಿ 9 ಆಟಗಾರರು ಒಂದೇ ಇನಿಂಗ್ಸ್ನಲ್ಲಿ 10 ಕ್ಕೂ ಅಧಿಕ ಸಿಕ್ಸ್ ಬಾರಿಸಿದ್ದಾರೆ. ಹೀಗೆ ಐಪಿಎಲ್ನಲ್ಲಿ ಒಂದೇ ಪಂದ್ಯದಲ್ಲಿ ಸಿಕ್ಸ್ಗಳ ಸುರಿಮಳೆಗೈದ 10 ಬ್ಯಾಟ್ಸ್ಮನ್ಗಳ ಪರಿಚಯ ಇಲ್ಲಿದೆ.
10- ಕೀರನ್ ಪೊಲಾರ್ಡ್: 2019 ರಲ್ಲಿ ಪೊಲಾರ್ಡ್ ಪಂಜಾಬ್ ಕಿಂಗ್ಸ್ ವಿರುದ್ದದ ಪಂದ್ಯದಲ್ಲಿ 10 ಸಿಕ್ಸ್ ಸಿಡಿಸುವ ಮೂಲಕ ಕೇವಲ 31 ಎಸೆತಗಳಲ್ಲಿ 83 ರನ್ ಬಾರಿಸಿದ್ದರು.
9- ಕ್ರಿಸ್ ಗೇಲ್: 2018 ರಲ್ಲಿ ಗೇಲ್ ಎಸ್ಆರ್ಹೆಚ್ ವಿರುದ್ದ 11 ಸಿಕ್ಸ್ ಬಾರಿಸಿದ್ದರು. ಈ ವೇಳೆ ಕ್ರಿಸ್ ಗೇಲ್ 63 ಎಸೆತಗಳಲ್ಲಿ 104 ರನ್ ಸಿಡಿಸಿದ್ದರು.
8- ಮುರಳಿ ವಿಜಯ್: 2010 ರಲ್ಲಿ ಮುರಳಿ ವಿಜಯ್ ರಾಜಸ್ಥಾನ್ ರಾಯಲ್ಸ್ ವಿರುದ್ದ 11 ಸಿಕ್ಸ್ ಸಿಡಿಸುವ ಮೂಲಕ ಕೇವಲ 56 ಎಸೆತಗಳಲ್ಲಿ 127 ರನ್ ಬಾರಿಸಿದ್ದರು.
7- ಸನತ್ ಜಯಸೂರ್ಯ: 2008 ರಲ್ಲಿ ಸನತ್ ಜಯಸೂರ್ಯ ಸಿಎಸ್ಕೆ ವಿರುದ್ದ 48 ಎಸೆತಗಳಲ್ಲಿ 114 ರನ್ ಬಾರಿಸಿದ್ದರು. ಈ ವೇಳೆ 11 ಭರ್ಜರಿ ಸಿಕ್ಸರ್ ಸಿಡಿಸಿದ್ದರು.
6- ಆಂಡ್ರೆ ರಸೆಲ್: 2018 ರಲ್ಲಿ ರಸೆಲ್ ಸಿಎಸ್ಕೆ ವಿರುದ್ದ 48 ಎಸೆತಗಳಲ್ಲಿ 114 ರನ್ ಬಾರಿಸಿದ್ದರು. ಈ ಭರ್ಜರಿ ಇನಿಂಗ್ಸ್ನಲ್ಲಿ ರಸೆಲ್ ಬ್ಯಾಟ್ನಿಂದ 11 ಸಿಕ್ಸರ್ಗಳು ಸಿಡಿದಿದ್ದವು.
5- ಕ್ರಿಸ್ ಗೇಲ್: 2015 ರಲ್ಲಿ ಗೇಲ್ ಪಂಜಾಬ್ ಕಿಂಗ್ಸ್ 12 ಸಿಕ್ಸ್ ಬಾರಿಸುವ ಮೂಲಕ 57 ಎಸೆತಗಳಲ್ಲಿ 117 ರನ್ ಬಾರಿಸಿ ಅಬ್ಬರಿಸಿದ್ದರು.
4- ಎಬಿ ಡಿವಿಲಿಯರ್ಸ್: 2016 ರಲ್ಲಿ ಎಬಿಡಿ ಗುಜರಾತ್ ಲಯನ್ಸ್ ವಿರುದ್ದ 52 ಎಸೆತಗಳಲ್ಲಿ 129 ರನ್ ಬಾರಿಸಿದ್ದರು. ಈ ವೇಳೆ ಎಬಿಡಿ ಸಿಡಿಸಿದ್ದು ಬರೋಬ್ಬರಿ 12 ಸಿಕ್ಸ್ಗಳು.
3- ಕ್ರಿಸ್ ಗೇಲ್: 2012 ರಲ್ಲಿ ಕ್ರಿಸ್ ಗೇಲ್ ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ದ 62 ಎಸೆತಗಳಲ್ಲಿ 128 ರನ್ ಚಚ್ಚಿದ್ದರು. ಈ ವೇಳೆ ಗೇಲ್ 13 ಸಿಕ್ಸರ್ ಬಾರಿಸಿದ್ದರು.
2- ಬ್ರೆಂಡನ್ ಮೆಕಲಂ: 2008 ರಲ್ಲಿ ಆರ್ಸಿಬಿ ವಿರುದ್ದ ಮೆಕಲಂ 13 ಸಿಕ್ಸ್ ಸಿಡಿಸುವ ಮೂಲಕ 73 ಎಸೆತಗಳಲ್ಲಿ 158 ರನ್ ಬಾರಿಸಿದ್ದರು. ಇದು ಐಪಿಎಲ್ನ ಮೊದಲ ಶತಕ ಎಂಬುದು ವಿಶೇಷ.
1- ಕ್ರಿಸ್ ಗೇಲ್: 2013 ರಲ್ಲಿ ಕ್ರಿಸ್ ಗೇಲ್ ಪುಣೆ ವಾರಿಯರ್ಸ್ ವಿರುದ್ದ 66 ಎಸೆತಗಳಲ್ಲಿ 175 ರನ್ ಬಾರಿಸಿದ್ದರು. ಈ ವೇಳೆ ಗೇಲ್ ಬ್ಯಾಟ್ನಿಂದ ಮೂಡಿಬಂದಿದ್ದು ಬರೋಬ್ಬರಿ 17 ಭರ್ಜರಿ ಸಿಕ್ಸರ್ಗಳು. ಇದು ಐಪಿಎಲ್ನ ದಾಖಲೆಯಾಗಿ ಉಳಿದಿದೆ.