ಹೃದಯಾಘಾತದಿಂದ ಸಾವನ್ನಪ್ಪಿದ 36 ವರ್ಷದ ಪಾಕಿಸ್ತಾನ ಕ್ರಿಕೆಟರ್ ಶಹಜಾದ್ ಅಜಮ್
ಶಹಜಾದ್ ಅಜಮ್ ರಾಣಾ ತಮ್ಮ ವೃತ್ತಿ ಜೀವನದಲ್ಲಿ 496 ವಿಕೆಟ್ಗಳನ್ನು ಕಬಳಿಸಿದ್ದು, ಪ್ರಥಮ ದರ್ಜೆಯಲ್ಲಿ 388 ವಿಕೆಟ್ಗಳನ್ನು ಪಡೆದಿದ್ದರು.
ಪಾಕಿಸ್ತಾನದ ವೇಗದ ಬೌಲರ್ ಶಹಜಾದ್ ಅಜಮ್ ರಾಣಾ ತಮ್ಮ 36 ನೇ ವಯಸ್ಸಿನಲ್ಲಿ ಹೃದಯಾಘಾತದಿಂದ ಇಹಲೋಕ ತ್ಯಜಿಸಿದ್ದಾರೆ. ಅಜಮ್ ಅವರ ಹಠಾತ್ ನಿದನದಿಂದ ಅವರ ಕುಟುಂಬ ಮತ್ತು ಸ್ನೇಹಿತರು ಆಘಾತಕ್ಕೊಳಗಾಗಿದ್ದಾರೆ.
ಸಿಯಾಲ್ಕೋಟ್ನವರಾದ ಶಹಜಾದ್ ಅಜಮ್ ರಾಣಾ ಅವರು ಬಲಗೈ ವೇಗದ ಬೌಲರ್ ಆಗಿದ್ದರು. 95 ಪ್ರಥಮ ದರ್ಜೆ ಪಂದ್ಯಗಳನ್ನು ಆಡಿರುವ ಅಜಮ್, 58 ಲಿಸ್ಟ್ ಎ ಮತ್ತು 29 ಟಿ20 ಪಂದ್ಯಗಳನ್ನು ಸಹ ಆಡಿದ್ದಾರೆ.
ಶಹಜಾದ್ ಅಜಮ್ ರಾಣಾ ತಮ್ಮ ವೃತ್ತಿ ಜೀವನದಲ್ಲಿ 496 ವಿಕೆಟ್ಗಳನ್ನು ಕಬಳಿಸಿದ್ದು, ಪ್ರಥಮ ದರ್ಜೆಯಲ್ಲಿ 388 ವಿಕೆಟ್ಗಳನ್ನು ಪಡೆದಿದ್ದರು. ಅದೇ ಸಮಯದಲ್ಲಿ, ಅವರು ಲಿಸ್ಟ್ ಎ ನಲ್ಲಿ 81 ಮತ್ತು ಟಿ 20 ಕ್ರಿಕೆಟ್ನಲ್ಲಿ 27 ವಿಕೆಟ್ಗಳನ್ನು ಪಡೆದಿದ್ದಾರೆ. ಇನ್ನೊಂದು ಕುತೂಹಲಕಾರಿಯಾದ ಸಂಗತಿಯೆಂದರೆ ಶಹಜಾದ್, ಈಗಿನ ಪಾಕ್ ತಂಡದ ನಾಯಕ ಬಾಬರ್ ಅಜಮ್ ಜೊತೆ ಕ್ರಿಕೆಟ್ ಆಡಿದ್ದರು.
2018 ರಲ್ಲಿ ತಮ್ಮ ಕೊನೆಯ ಪ್ರಥಮ ದರ್ಜೆ ಮತ್ತು ಲಿಸ್ಟ್ ಎ ಪಂದ್ಯವನ್ನು ಆಡಿದ್ದ ಶಹಜಾದ್ ಅಜಮ್, ಕೊನೆಯ ಲಿಸ್ಟ್ ಎ ಪಂದ್ಯದಲ್ಲಿ ಅಜಮ್ 5 ವಿಕೆಟ್ ಪಡೆದಿದ್ದರು. ಜೊತೆಗೆ 2020 ರಲ್ಲಿ ಅಜಮ್ ತಮ್ಮ ಕೊನೆಯ T20 ಪಂದ್ಯವನ್ನು ಆಡಿದ್ದರು.
ಇಸ್ಲಾಮಾಬಾದ್ ಪರ 2017-18ರಲ್ಲಿ ಆಡಿದ ಶಹಜಾದ್ ಸಖತ್ ಸುದ್ದಿಯಾಗಿದ್ದರು. ಈ ವೇಗದ ಬೌಲರ್ ಇಸ್ಲಾಮಾಬಾದ್ ಪರ 7 ಪಂದ್ಯಗಳಲ್ಲಿ ಒಟ್ಟು 26 ವಿಕೆಟ್ ಪಡೆದಿದ್ದರು. ಇದರ ನಂತರ, ಅವರು 2018-19 ODI ಕಪ್ನಲ್ಲಿ ಇಸ್ಲಾಮಾಬಾದ್ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಸಾಧನೆಯನ್ನು ಸಹ ಮಾಡಿದ್ದರು.