U19 T20 World Cup: ಅಬ್ಬಬ್ಬಾ.. 20 ಎಸೆತಗಳಲ್ಲಿ 80 ರನ್..! ಟಿ20 ವಿಶ್ವಕಪ್ನಲ್ಲಿ ಭಾರತದ ಹೆಣ್ಣು ಹುಲಿಯ ಅಬ್ಬರ!
U19 T20 World Cup: ಶ್ವೇತಾ ಇಡೀ ಇನ್ನಿಂಗ್ಸ್ನಲ್ಲಿ ಒಟ್ಟು 20 ಬೌಂಡರಿಗಳನ್ನು ಹೊಡೆದರು. ಅಂದರೆ ಅವರು ಬಾರಿಸಿದ 92 ರನ್ಗಳಲ್ಲಿ 80 ರನ್ಗಳು ಬೌಂಡರಿಗಳಿಂದಲೇ ಬಂದವು.
ದಕ್ಷಿಣ ಆಫ್ರಿಕಾದಲ್ಲಿ ನಡೆಯುತ್ತಿರುವ ಮೊದಲ ಮಹಿಳಾ 19 ವರ್ಷದೊಳಗಿನವರ ಟಿ20 ವಿಶ್ವಕಪ್ನಲ್ಲಿ ಭಾರತ ತಂಡ ಶುಭಾರಂಭ ಮಾಡಿದೆ. ಅದರಲ್ಲೂ ಮೊದಲ ಪಂದ್ಯದಿಂದಲೇ 18 ವರ್ಷದ ಯುವ ಬ್ಯಾಟರ್ ಅಬ್ಬರಿಸುವ ಮೂಲಕ ಟೀಂ ಇಂಡಿಯಾ ಮಹಿಳಾ ತಂಡದ ಭವಿಷ್ಯದ ಸೂಪರ್ ಸ್ಟಾರ್ ಆಗುವ ಸಿಗ್ನಲ್ ನೀಡಿದ್ದಾರೆ.
ಶನಿವಾರ, ಜನವರಿ 15 ರಂದು ನಡೆದ ಪಂದ್ಯದಲ್ಲಿ ದಕ್ಷಿಣ ಆಫ್ರಿಕಾವನ್ನು 7 ವಿಕೆಟ್ಗಳಿಂದ ಸೋಲಿಸುವಲ್ಲಿ ಟೀಂ ಇಂಡಿಯಾ ಯಶಸ್ವಿಯಾಗಿತ್ತು. ಇದರಲ್ಲಿ 18 ವರ್ಷದ ಆರಂಭಿಕ ಆಟಗಾರ್ತಿ ಶ್ವೇತಾ ಸೆಹ್ರಾವತ್ ಪ್ರಮುಖ ಪಾತ್ರ ವಹಿಸಿದ್ದರು.
ಈ ಬಲಗೈ ಬ್ಯಾಟರ್ ಶ್ವೇತಾ ಇನಿಂಗ್ಸ್ ಆರಂಭಿಸಿ ಕೇವಲ 57 ಎಸೆತಗಳಲ್ಲಿ 92 ರನ್ಗಳಿಸಿ ತಂಡವನ್ನು ಗೆಲುವಿನ ದಡ ಸೇರಿಸಿದರು.
ಭಾರತ ತಂಡದ ಉಪನಾಯಕಿ ಶ್ವೇತಾ ಅವರ ಈ ಇನ್ನಿಂಗ್ಸ್ನ ವಿಶೇಷವೆಂದರೆ ಬೌಂಡರಿಗಳ ಸುರಿಮಳೆ. ದೆಹಲಿಯಿಂದ ಬಂದ ಈ ಆಕ್ರಮಣಕಾರಿ ಆರಂಭಿಕ ಆಟಗಾರ್ತಿ ಇಡೀ ಇನ್ನಿಂಗ್ಸ್ನಲ್ಲಿ ಒಟ್ಟು 20 ಬೌಂಡರಿಗಳನ್ನು ಹೊಡೆದರು. ಅಂದರೆ ಅವರು ಬಾರಿಸಿದ 92 ರನ್ಗಳಲ್ಲಿ 80 ರನ್ಗಳು ಬೌಂಡರಿಗಳಿಂದಲೇ ಬಂದವು.
ಅಂದಹಾಗೆ, ಶ್ವೇತಾ ಮಾತ್ರವಲ್ಲ, ತಂಡದ ನಾಯಕಿ, ಭಾರತದ ಸ್ಟಾರ್ ಬ್ಯಾಟರ್ ಶೆಫಾಲಿ ವರ್ಮಾ ಕೂಡ ಬಿರುಸಿನ ಬ್ಯಾಟಿಂಗ್ ಮಾಡಿದರು. ಶೆಫಾಲಿ ಒಂದೇ ಓವರ್ನಲ್ಲಿ 5 ಬೌಂಡರಿ ಹಾಗೂ 1 ಸಿಕ್ಸರ್ ನೆರವಿನಿಂದ 26 ರನ್ ಗಳಿಸಿದರು. ಕೇವಲ 16 ಎಸೆತಗಳಲ್ಲಿ 45 ರನ್ ಗಳಿಸುವ ಮೂಲಕ ಭಾರತಕ್ಕೆ ಚುರುಕಾದ ಆರಂಭವನ್ನು ನೀಡುವಲ್ಲಿ ಶೆಫಾಲಿ ಪ್ರಮುಖ ಪಾತ್ರವಹಿಸಿದರು.
Published On - 11:13 am, Sun, 15 January 23