Promise Day 2022: ಪ್ರೀತಿಸುವ ಜೀವಕ್ಕೆ ಈ ಪ್ರಾಮಿಸ್ಗಳನ್ನು ಮಾಡಿ: ಬಂಧ ಗಟ್ಟಿಯಾಗಿಸಿಕೊಳ್ಳಿ
ಇಂದು ಫೆ.11 ರಂದು ಪ್ರೇಮಿಗಳ ವಾರದ ನಾಲ್ಕನೇ ದಿನ ಪ್ರಾಮಿಸ್ ಡೇ. ಹೀಗಾಗಿ ನಿಮ್ಮ ಪ್ರೀತಿಯ ಜೀವಕ್ಕೊಂದಿಷ್ಟು ಭರವಸೆಗಳು ನೀಡಿ. ಹಾಗಾದರೆ ಯಾವೆಲ್ಲಾ ರೀತಿಯ ಮಾತುಗಳನ್ನು ನೀಡಬೇಕು ಎನ್ನುವ ಮಾಹಿತಿ ಇಲ್ಲಿದೆ.
ಪ್ರತೀ ಪ್ರೇಮಿ ಬದುಕುವುದು ನಂಬಿಕೆಯ ಮೇಲೆ, ತನ್ನ ಸಂಗಾತಿ ಬಿಡೆನು ಎನ್ನುವ ಭರವಸೆಯಲ್ಲಿ. ಪ್ರೇಮಿಗಳ ವಾರದ ಈ ದಿನ ಪ್ರಾಮಿಸ್ ಡೇ. ಹೀಗಾಗಿ ನಿಮ್ಮನ್ನು ಪ್ರೀತಿಸುವ ಜೀವಕ್ಕೆ ಈ ಪ್ರಾಮಿಸ್ಗಳನ್ನು ಮಾಡಿ
ಎಂದಿಗೂ ದೂರಮಾಡುವುದಿಲ್ಲ: ಕೆಲವೊಮ್ಮೆ ಸಂದರ್ಭಗಳು ಸಂಬಂಧದಲ್ಲಿ ಅಭದ್ರತೆಯನ್ನು ಮೂಡಿಸುತ್ತದೆ. ಹೀಗಾಗಿ ಈ ದಿನ ಮನಸಿನಾಳದಿಂದ ಮಾತುಕೊಡಿ ಎಂದಿಗೂ ದೂರಮಾಡಿ ಹೋಗುವುದಿಲ್ಲ ಎಂದು.
ಜಗಳ, ಮುನಿಸು ಸಂಬಂಧದಲ್ಲಿ ಸಹಜ. ಹಾಗೆಂದ ಮಾತ್ರಕ್ಕೆ ಸಂಗಾತಿಯನ್ನು ನೋಯಿಸಬೇಕೆಂದಿಲ್ಲ. ತಾಳ್ಮೆಯಿಂದ ಕುಳಿತು ಮಾತನಾಡಿದರೆ ಸಮಸ್ಯೆಗೆ ಪರಹಾರ ಸಿಗುವುದು. ಆದ್ದರಿಂದ ಇಂದು ಪ್ರೇಮಿಗೆ ಪ್ರಾಮಿಸ್ ಮಾಡಿ ಎಂದಿಗೂ ನೋಯಿಸುವುದಿಲ್ಲ ಎಂದು.
ಸುಳ್ಳು ಸಂಬಂಧದವನ್ನು ಹಾಳುಗೆಡುವುತ್ತದೆ. ಆದ್ದರಿಂದ ಸಂಗಾತಿಗೆ ಸತ್ಯ ಹೇಳಿ. ಯಾವ ವಿಷಯವನ್ನಾದರೂ ಆಗಿದ್ದಾಗಲೇ ಬಗೆಹರಿಸಿಕೊಳ್ಳಿ. ಹೀಗಾಗಿ ಸುಳ್ಳು ಹೇಳುವುದಿಲ್ಲ ಎಂದು ಪ್ರೀತಿಸುವ ಜೀವಕ್ಕೆ ಮಾತು ನೀಡಿ ಸಂಬಂಧವನ್ನು ಗಟ್ಟಿಯಾಗಿಸಿಕೊಳ್ಳಿ.
ಕೋಪ ಎಂತಹವರನ್ನೂ ನೋಯಿಸುತ್ತದೆ. ಹೀಗಾಗಿ ನಿಮ್ಮನ್ನು ಪ್ರೀತಿಸುವ ಜೀವದ ಮೇಲೆ ಎಂದಿಗೂ ಕೋಪಿಸಿಕೊಳ್ಳುವುದಿಲ್ಲ ಎಂದು ಮಾತು ನೀಡಿ. ಅದರಂತೆ ನಡೆದುಕೊಳ್ಳಿ.
ದುರಾಭ್ಯಾಸಗಳನ್ನು ಬಿಡುವೆನೆಂಬ ಮಾತು ನೀಡಿ. ಕುಡಿತ, ಧೂಮಪಾನ ಆರೋಗ್ಯಕ್ಕೂ ಹಾನಿಕರ ಜತೆಗೆ ಸಂಬಂಧಕ್ಕೂ ಹಾನಿಕರ ಹೀಗಾಗಿ ಅದನ್ನು ತ್ಯಜಿಸುವ ಮಾತು ನೀಡಿ. ಬಾಂಧವ್ಯ ಬಿಗಿಯಾಗಿಸಿಕೊಳ್ಳಿ.