Fitness Tips: ಒಂದೇ ತಿಂಗಳಲ್ಲಿ ಫಿಟ್ ಮತ್ತು ಸ್ಲಿಮ್ ಆಗಲು ಬಯಸುವವರಿಗೆ ಇಲ್ಲಿವೆ ಕೆಲ ಸರಳ ಟಿಪ್ಸ್
ಹೊಸ ವರ್ಷ ಪ್ರಾರಂಭವಾಗಿ ಐದು ದಿನಗಳು ಕಳೆದಿವೆ. ಈ ವರ್ಷ ಫಿಟ್ನೆಸ್ನತ್ತ ಗಮನಹರಿಸಲು ಮತ್ತು ತೂಕ ಕಡಿಮೆ ಮಾಡಿಕೊಳ್ಳಲು ಬಯಸುವವರು ಈ ಚಿಕ್ಕ ಸಲಹೆಯನ್ನು ಪಾಲಿಸಿ.
ಪ್ರತಿದಿನ ಬೆಚ್ಚಗಿನ ನೀರನ್ನು ಕುಡಿಯುವುದರಿಂದ ನಿಮ್ಮ ತೂಕವನ್ನು ಆದಷ್ಟು ಬೇಗ ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ಈ ವಿಧಾನವನ್ನು ನಿಯಮಿತವಾಗಿ ಅನುಸರಿಸಬಹುದು. ಜೊತೆಗೆ ನಿಂಬೆ ರಸ ಅಥವಾ ಜೇನುತುಪ್ಪದೊಂದಿಗೆ ಬೆಚ್ಚಗಿನ ನೀರಿನ್ನು ಕುಡಿಯಬಹುದು.
ತೂಕ ಹೆಚ್ಚಾಗಿದೆ ಎಂದು ಸುಮ್ಮನೆ ಕುಳಿತುಕೊಂಡರೆ ಆಗದು. ಪ್ರತಿದಿನ ಕನಿಷ್ಠ ಅರ್ಧ ಗಂಟೆಯಾದರೂ ವಾಕಿಂಗ್ ಅಥವಾ ಜಾಗಿಂಗ್ ಮಾಡಬೇಕು. ಹೀಗೆ ಮಾಡುವುದರಿಂದ ದೇಹದಲ್ಲಿನ ಕ್ಯಾಲೊರಿಗಳು ಸುಟ್ಟು ಹೋಗಿ, ತೂಕ ಕಡಿಮೆಯಾಗುವುದು ಖಚಿತ.
ಫಿಟ್ನೆಸ್ಗೆ ಆರೋಗ್ಯಕರ ಆಹಾರ ಅತ್ಯಗತ್ಯ. ನೀವು ಎಣ್ಣೆಯುಕ್ತ, ಕರಿದ, ಮಸಾಲೆಯುಕ್ತ ಅಥವಾ ಜಂಕ್ ಫುಡ್ಗಳನ್ನು ಪ್ರತಿದಿನ ತಿನ್ನುವ ಅಭ್ಯಾಸವನ್ನು ಹೊಂದಿದ್ದರೆ, ಇಂದೇ ಅವುಗಳನ್ನು ತಿನ್ನುವುದನ್ನು ನಿಲ್ಲಿಸಿ. ಕೊಬ್ಬಿನ ಆಹಾರಗಳನ್ನು ತಪ್ಪಿಸುವುದರಿಂದ ತೂಕವನ್ನು ತ್ವರಿತವಾಗಿ ಕಳೆದುಕೊಳ್ಳಬಹುದು.
ಸಕ್ಕರೆ ಮತ್ತು ಕಾರ್ಬೋಹೈಡ್ರೇಟ್ ಇರುವ ಆಹಾರವನ್ನು ಹೆಚ್ಚಾಗಿ ಸೇವಿಸಬಾರದು. ತೂಕ ಇಳಿಸಿಕೊಳ್ಳಲು ಬಯಸುವವರು ಸಿಹಿತಿಂಡಿಗಳಿಂದ ದೂರವಿರಬೇಕು ಎನ್ನುತ್ತಾರೆ ತಜ್ಞರು.
ತೂಕ ಇಳಿಸಿಕೊಳ್ಳಲು ಜಿಮ್ಗೆ ಹೋಗುವುದು ಮುಖ್ಯವಲ್ಲ. ದೈಹಿಕ ವ್ಯಾಯಾಮವನ್ನು ಎಲ್ಲಿ ಬೇಕಾದರೂ ಮಾಡಬಹುದು. ಮನೆಯಲ್ಲಿ ಪ್ರತಿದಿನ 30-40 ನಿಮಿಷಗಳ ದೈಹಿಕ ವ್ಯಾಯಾಮವು ನಿಮ್ಮ ತೂಕವನ್ನು ಸುಲಭವಾಗಿ ಕಳೆದುಕೊಳ್ಳಲು ಸಹಾಯ ಮಾಡುತ್ತದೆ.
Published On - 10:20 pm, Fri, 6 January 23