Obesity: ದೇಹದಲ್ಲಿನ ಬೊಜ್ಜು ಕಡಿಮೆ ಮಾಡಿಕೊಳ್ಳಲು ಈ ಅಭ್ಯಾಸಗಳನ್ನು ರೂಢಿಸಿಕೊಳ್ಳಿ
ಸ್ಥೂಲಕಾಯತೆ ಅಥವಾ ಬೊಜ್ಜು ಇತ್ತೀಚಿನ ದಿನಗಳಲ್ಲಿ ಎಲ್ಲರಲ್ಲಿ ಕಾಡುವ ಸಾಮಾನ್ಯ ಸಮಸ್ಯೆಯಾಗಿದೆ. ಅದಕ್ಕಾಗಿ ಈ ಅಭ್ಯಾಸಗಳನ್ನು ರೂಢಿಸಿಕೊಳ್ಳಿ. ಬೊಜ್ಜಿನ ಸಮಸ್ಯೆಯಿಂದ ದೂರವಾಗಿ
ದೇಹದ ತೂಕ ಇಳಿಸಿಕೊಳ್ಳುವುದು ಅಷ್ಟು ಸುಲಭದ ಕೆಲಸವಲ್ಲ. ಒಂದಷ್ಟು ನಿರಂತರ ಸಾಧನೆ, ಆಹಾರ ಸೇವನೆಯಲ್ಲಿ ಕಟ್ಟುನಿಟ್ಟು, ಜೀವನಶೈಲಿಯಲ್ಲಿ ಬದಲಾವಣೆ ಎಲ್ಲವೂ ಮುಖ್ಯ. ಅದಕ್ಕಾಗಿ ಇಲ್ಲಿದೆ ಒಂದಷ್ಟು ಸಲಹೆ.
ದೇಹದಲ್ಲಿ ತೂಕ ಹೆಚ್ಚಲು ಮುಖ್ಯ ಕಾರಣ ಎಂದರೆ ಅದು ತಪ್ಪಾದ ಆಹಾರ ಸೇವನೆ ಪದ್ಧತಿ. ಪ್ರತೀ 2-3 ಗಂಟೆಗಳಿಗೊಮ್ಮೆ ತಿನ್ನುವುದರಿಂದ ಅನಗತ್ಯ ಬೊಜ್ಜು ಕಾಡುತ್ತದೆ. ಆದ್ದರಿಂದ ಆಹಾರ ಸೇವನೆಯ ಶೈಲಿಯನ್ನು ಸರಿಯಾಗಿ ರೂಢಿಸಿಕೊಳ್ಳಿ.
ನಿದ್ದೆ ದೇಹವನ್ನು ಸಮತೋಲನದಲ್ಲಿಡಲು ಸಹಾಯಕ. ಅದ್ದರಿಂದ ಸರಿಯಾದ ಸಮಯದಲ್ಲಿ ನಿದ್ದೆ ಮಾಡಿ. ದೇಹಕ್ಕೆ ಅಗತ್ಯವಿರುವಷ್ಟು ವಿಶ್ರಾಂತಿ ನೀಡಿ. ನಿದ್ದೆಗೆಡುವುದರಿಂದಲೂ ಬೊಜ್ಜು ಹೆಚ್ಚಾಗುವ ಸಾಧ್ಯತೆ ಇರುತ್ತದೆ.
ವಾಕಿಂಗ್ ದೇಹದ ಬೊಜ್ಜು ಕರಗಿಸಿಲು ಇರುವ ಸುಲಭ ವಿಧಾನ. ಪ್ರತಿದಿನ ಕನಿಷ್ಠ ಒಂದು ಕಿಮೀ ನಷ್ಟು ದೂರವಾದರೂ ನಡೆಯಿರಿ.
ಪ್ಯಾಕೇಜ್ ಆಹಾರಗಳನ್ನು ಆದಷ್ಟು ಅವೈಡ್ ಮಾಡಿ. ಅದರ ಬದಲು, ಹಸರಿ ತರಕಾರಿಗಳ ಸಲಾಡ್, ಹಣ್ಣುಗಳನ್ನು ಸೇವಿಸಿ.
ಆತಂಕದಿಂದ ದೂರವಾಗಿ. ಆತಂಕ ಖಿನ್ನತೆಯಲ್ಲಿರುವವರು ಹೆಚ್ಚು ತಿನ್ನಲು ಇಷ್ಟಪಡುತ್ತಾರೆ. ಇದು ದೇಹದಲ್ಲಿ ಬೊಜ್ಜು ಬೆಳೆಯಲು ಕಾರಣವಾಗುತ್ತದೆ. ಆದ್ದರಿಂದ ನಿಮ್ಮ ಮನಸ್ಸನ್ನು ಶಾಂತವಾಗಿ ಇರಿಸಿಕೊಳ್ಳಿ.
ಏರೋಬಿಕ್ಸ್ ವ್ಯಾಯಾಮಗಳನ್ನು ದಿನನಿತ್ಯದ ಅಭ್ಯಾಸವಾಗಿಸಿಕೊಳ್ಳಿ. ಇವು ದೇಹದ ವಿವಿಧ ಬಾಗಗಳಲ್ಲಿ ಸೇರಿಕೊಂಡ ಬೊಜ್ಜನ್ನು ಕರಗಿಸುತ್ತದೆ.
ಭಾರ ಎತ್ತು ಅಭ್ಯಾಸ ಮಾಡಿಕೊಳ್ಳಿ. ವಿಶ್ವ ಆರೋಗ್ಯ ಸಂಸ್ಥೆಯೂ ಹೇಳುವಂತೆ ಭಾರ ಎತ್ತುವುದರಿಂದ ದೇಹದ ಎಲ್ಲಾ ಭಾಗಗಳಿಗೆ ವ್ಯಾಯಾಮ ದೊರುಕುತ್ತದೆ. ಇದರಿಂದ ಕೊಬ್ಬು ಕರಗುತ್ತದೆ.
Published On - 11:44 am, Sun, 6 March 22