ಗೂಗಲ್ ಬಿಗ್ ಆಫರ್: ಸ್ಮಾರ್ಟ್ಫೋನ್ ಜೊತೆ ಕೇವಲ 1 ರೂ.ಗೆ ಸ್ಮಾರ್ಟ್ ಸ್ಪೀಕರ್
google pixel 4a price: ಈ ಫೋನ್ ಖರೀದಿ ಮೇಲೆ ಫ್ಲಿಪ್ಕಾರ್ಟ್ ಅನೇಕ ಕೊಡುಗೆಗಳನ್ನು ನೀಡುತ್ತಿದೆ. ಈ ಕೊಡುಗೆಯಲ್ಲಿ, ಫ್ಲಿಪ್ಕಾರ್ಟ್ ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ 5% ವರೆಗೆ ರಿಯಾಯಿತಿ ನೀಡಲಾಗುತ್ತದೆ.
ಜನಪ್ರಿಯ ಶಾಪಿಂಗ್ ವೆಬ್ಸೈಟ್ ಫ್ಲಿಪ್ಕಾರ್ಟ್ನಲ್ಲಿ ಗೂಗಲ್ ಸ್ಮಾರ್ಟ್ಫೋನ್ ಮೇಲೆ ಅತ್ಯುತ್ತಮ ಕೊಡುಗೆಗಳನ್ನು ನೀಡಲಾಗುತ್ತಿದೆ. ಅದರಲ್ಲೂ Google Pixel 4a ಫೋನ್ ಮೇಲೆ ವಿಶೇಷ ಆಫರ್ ಒಂದನ್ನು ನೀಡಲಾಗಿದ್ದು, ಈ ವಿಶೇಷ ಕೊಡುಗೆಯ ಮೂಲಕ ಗೂಗಲ್ ನೆಸ್ಟ್ ಮಿನಿ ಸ್ಪೀಕರ್ ಅನ್ನು ಉಚಿತವಾಗಿ ಪಡೆಯಬಹುದಾಗಿದೆ.
ಅಂದರೆ Google Pixel 4a ಸ್ಮಾರ್ಟ್ಫೋನ್ ಜೊತೆ ಗೂಗಲ್ ನೆಸ್ಟ್ ಮಿನಿ ಸ್ಮಾರ್ಟ್ ಸ್ಪೀಕರ್ ಅನ್ನು ಉಚಿತವಾಗಿ ತಮ್ಮದಾಗಿಸಿಕೊಳ್ಳಬಹುದು. ಇದರೊಂದಿಗೆ, ಫ್ಲಿಪ್ಕಾರ್ಟ್ ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಮತ್ತು ಐಸಿಐಸಿಐ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಗ್ರಾಹಕರಿಗೆ ಈ ಕೊಡುಗೆಯಲ್ಲಿ ಹೆಚ್ಚುವರಿ ರಿಯಾಯಿತಿ ನೀಡಲಾಗುತ್ತಿದೆ. ಹಾಗಿದ್ರೆ ಫ್ಲಿಪ್ಕಾರ್ಟ್ನಲ್ಲಿ Google Pixel 4a ಮೇಲಿರುವ ಆಫರ್ ಹಾಗೂ ಇದರ ವಿಶೇಷತೆಗಳನ್ನು ತಿಳಿಯೋಣ.
ಗೂಗಲ್ ಪಿಕ್ಸೆಲ್ 4 ಎ (Google Pixel 4a) ವಿಶೇಷತೆಗಳು: Google Pixel 4a ಸ್ಮಾರ್ಟ್ಫೋನ್ 5.81 ಇಂಚಿನ ಪೂರ್ಣ ಎಚ್‌ಡಿ + ಡಿಸ್‌ಪ್ಲೇಯನ್ನು ಹೊಂದಿದೆ. ಇದು ಕ್ವಾಲ್ಕಾಮ್ ಸ್ನಾಪ್‌ಡ್ರಾಗನ್ 730 ಜಿ ಪ್ರೊಸೆಸರ್ನಲ್ಲಿ ಕಾರ್ಯ ನಿರ್ವಹಿಸಲಿದೆ. ಇನ್ನು ಈ ಫೋನ್ನಲ್ಲಿ 3140mAh ಬ್ಯಾಟರಿ ನೀಡಲಾಗಿದೆ.
ಕ್ಯಾಮೆರಾ ವೈಶಿಷ್ಟ್ಯಗಳ ಬಗ್ಗೆ ಹೇಳುವುದಾದರೆ, ಹಿಂಭಾಗದಲ್ಲಿ 12.2 ಮೆಗಾಪಿಕ್ಸೆಲ್ ಕ್ಯಾಮೆರಾ ಮತ್ತು ಮುಂಭಾಗದಲ್ಲಿ ಸೆಲ್ಫಿಗಾಗಿ 8 ಮೆಗಾಪಿಕ್ಸೆಲ್ ಕ್ಯಾಮೆರಾ ಸೆನ್ಸಾರ್ ನೀಡಲಾಗಿದೆ. ಹಾಗೆಯೇ ಈ ಫೋನ್ 6 GB RAM ಮತ್ತು 128 GB ಸ್ಟೊರೇಜ್ನೊಂದಿಗೆ ಖರೀದಿಗೆ ಲಭ್ಯವಿದೆ. 6 GB RAM ಮತ್ತು 128 GB ಸ್ಟೋರೇಜ್ ಹೊಂದಿರುವ ಗೂಗಲ್ ಪಿಕ್ಸೆಲ್ 4 ಎ ಫ್ಲಿಪ್ಕಾರ್ಟ್ ಬೆಲೆ ಕೇವಲ 31,999 ರೂ. ಹಾಗೆಯೇ ಈ ಸ್ಮಾರ್ಟ್ಫೋನ್ ಅನ್ನು ಮಾಸಿಕ ಇಎಂಐ ರೂ. 1,094 ನೊಂದಿಗೆ ಖರೀದಿಸುವ ಅವಕಾಶ ಕೂಡ ಇದೆ.
Google Pixel 4a ಖರೀದಿ ಮೇಲಿರುವ ಕೊಡುಗೆಗಳು: ಈ ಫೋನ್ ಖರೀದಿ ಮೇಲೆ ಫ್ಲಿಪ್ಕಾರ್ಟ್ ಅನೇಕ ಕೊಡುಗೆಗಳನ್ನು ನೀಡುತ್ತಿದೆ. ಈ ಕೊಡುಗೆಯಲ್ಲಿ, ಫ್ಲಿಪ್ಕಾರ್ಟ್ ಆಕ್ಸಿಸ್ ಬ್ಯಾಂಕ್ ಕ್ರೆಡಿಟ್ ಕಾರ್ಡ್ ಬಳಕೆದಾರರಿಗೆ 5% ವರೆಗೆ ರಿಯಾಯಿತಿ ನೀಡಲಾಗುತ್ತದೆ. ಐಸಿಐಸಿಐ ಬ್ಯಾಂಕ್ ಮಾಸ್ಟರ್ ಕಾರ್ಡ್ ಕ್ರೆಡಿಟ್ ಕಾರ್ಡ್ ಗ್ರಾಹಕರು ತಮ್ಮ ಮೊದಲ ಬಾರಿ ವಹಿವಾಟಿನ ಮೇಲೆ 10% ರಿಯಾಯಿತಿ ಪಡೆಯಬಹುದು. ಇನ್ನು ಈ ಫೋನ್ ಜೊತೆ 2999 ರೂ. ಬೆಲೆಯ ಗೂಗಲ್ ನೆಸ್ಟ್ ಮಿನಿ ಚಾರ್ಕೋಲ್ ಸ್ಪೀಕರ್ ಕೇವಲ 1 ರೂ.ಗೆ ನೀಡಲಾಗುತ್ತಿರುವುದು ವಿಶೇಷ.
Published On - 7:34 pm, Sat, 18 September 21