Insomnia: ನಿದ್ರಾಹೀನತೆ ಕಾಡುತ್ತಿದೆಯೇ?; ನೆಮ್ಮದಿಯಿಂದ ನಿದ್ರಿಸಲು ಈ 5 ಗಿಡಮೂಲಿಕೆ ಬಳಸಿ ನೋಡಿ
ಗಿಡಮೂಲಿಕೆಗಳು ನಿಮ್ಮ ನರಗಳನ್ನು ಶಾಂತಗೊಳಿಸಿ, ನಿಮ್ಮ ಇಂದ್ರಿಯಗಳನ್ನು ಶಮನಗೊಳಿಸುತ್ತದೆ. ಹಾಗೇ, ಸಾಕಷ್ಟು ನಿದ್ರೆಯನ್ನು ಒದಗಿಸುತ್ತದೆ.
ನಿದ್ರೆಯೊಂದು ಸರಿಯಾದರೆ ಅನೇಕ ರೀತಿಯ ಆರೋಗ್ಯ ಸಮಸ್ಯೆಗಳು ದೂರವಾಗುತ್ತವೆ. ನಿದ್ರಾಹೀನತೆಯಿಂದ ಬಳಲುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ನಮ್ಮ ದೇಹಕ್ಕೆ ಸರಿಯಾದ ವಿಶ್ರಾಂತಿ ಸಿಗಬೇಕೆಂದರೆ ನಿದ್ರೆ ಬಹಳ ಅತ್ಯಗತ್ಯ.
ಮಾನಸಿಕ ಒತ್ತಡ, ಚಿಂತೆ, ನಾನಾ ರೀತಿಯ ಆರೋಗ್ಯ ಸಮಸ್ಯೆಗಳು, ಔಷಧಿಗಳ ಅಡ್ಡಪರಿಣಾಮಗಳಿಂದಾಗಿ ಸರಿಯಾಗಿ ನಿದ್ರೆ ಬಾರದಿರುವುದು, ಬೆಳಗ್ಗೆ ಬೇಗನೆ ಎಚ್ಚರಗೊಳ್ಳುವುದು ಮುಂತಾದ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಇದರಿಂದ ದೇಹಕ್ಕೆ ಮತ್ತಷ್ಟು ಸುಸ್ತಾಗುತ್ತದೆ. ಮನುಷ್ಯನಿಗೆ ದಿನನಿತ್ಯ 7ರಿಂದ 8 ಗಂಟೆಗಳ ನಿದ್ರೆ ಅವಶ್ಯಕ.
ನಿದ್ರಾಹೀನತೆ ಯಾಕೆ ಉಂಟಾಗುತ್ತದೆ ಎಂಬುದಕ್ಕೆ ಖಚಿತ ಕಾರಣವಿಲ್ಲ. ಒತ್ತಡ ಮತ್ತು ಆತಂಕ, ಮಲಗುವ ಸ್ಥಳದ ಬದಲಾವಣೆ, ಪರಿಸರದ ಬದಲಾವಣೆ, ಜೀವನಶೈಲಿ ಹೀಗೆ ಹಲವು ಕಾರಣಗಳಿಂದ ನಿದ್ರಾಹೀನತೆ ಉಂಟಾಗುತ್ತದೆ.
ನೈಸರ್ಗಿಕ ಗಿಡಮೂಲಿಕೆಗಳು ರಾತ್ರಿಯಲ್ಲಿ ನಿದ್ರೆ ಮಾಡಲು ಕಷ್ಟಪಡುವವರಿಗೆ ಹೇಗೆ ಸಹಾಯ ಮಾಡುತ್ತದೆ ಎಂಬುದನ್ನು ಬಹಿರಂಗಪಡಿಸಿದ್ದಾರೆ.
ನೈಸರ್ಗಿಕ ಗಿಡಮೂಲಿಕೆಗಳು ಶಕ್ತಿಯುತವಾದ ನಿದ್ರೆಯನ್ನು ಹೆಚ್ಚಿಸುವ ಗುಣಗಳನ್ನು ಹೊಂದಿದ್ದು, ರಾತ್ರಿಯ ಶಾಂತ ನಿದ್ರೆಗಾಗಿ ಈ ಗಿಡಮೂಲಿಕೆಗಳನ್ನು ಬಳಸಬಹುದು.
ಗಿಡಮೂಲಿಕೆಗಳು ನಿಮ್ಮ ನರಗಳನ್ನು ಶಾಂತಗೊಳಿಸಿ, ನಿಮ್ಮ ಇಂದ್ರಿಯಗಳನ್ನು ಶಮನಗೊಳಿಸುತ್ತದೆ. ಹಾಗೇ, ಸಾಕಷ್ಟು ನಿದ್ರೆಯನ್ನು ಒದಗಿಸುತ್ತದೆ.
ನಿದ್ರಾಹೀನತೆಯು ಸಾಮಾನ್ಯವಾಗಿ ಒತ್ತಡದ ಜೀವನಶೈಲಿ, ಆತಂಕ ಮತ್ತು ಒತ್ತಡದ ಕಾರಣದಿಂದಾಗಿರುತ್ತದೆ. ಕೆಲವು ನೈಸರ್ಗಿಕ ಗಿಡಮೂಲಿಕೆಗಳು ಟ್ರಿಪ್ಟೊಫಾನ್‌ನಲ್ಲಿ ಹೆಚ್ಚಿನ ಪ್ರಮಾಣದಲ್ಲಿರುತ್ತವೆ. ಸಿರೊಟೋನಿನ್ ಮಟ್ಟವನ್ನು ಹೆಚ್ಚಿಸುವುದು ರಾಸಾಯನಿಕ ಅಸಮತೋಲನವನ್ನು ಸರಿದೂಗಿಸುತ್ತದೆ. ಇದು ನಿದ್ರಾಹೀನತೆಗೆ ಕಾರಣವಾಗುತ್ತದೆ.
ಲ್ಯಾವೆಂಡರ್: ಲ್ಯಾವೆಂಡರ್‌ನ ಖಿನ್ನತೆ-ನಿರೋಧಕ, ನಿದ್ರಾಜನಕ ಮತ್ತು ಶಾಂತಗೊಳಿಸುವ ಗುಣಲಕ್ಷಣಗಳು ನಿಮಗೆ ಉತ್ತಮ ನಿದ್ರೆಗೆ ಸಹಾಯ ಮಾಡುತ್ತದೆ. ಲ್ಯಾವೆಂಡರ್ ಗಿಡಮೂಲಿಕೆಗಳು ನಿಮ್ಮ ನರಗಳನ್ನು ವಿಶ್ರಾಂತಿ ಮಾಡುತ್ತದೆ. ಆತಂಕದ ಮಟ್ಟವನ್ನು ಕಡಿಮೆ ಮಾಡುತ್ತದೆ ಮತ್ತು ಮೂಡ್ ಡಿಸಾರ್ಡರ್‌ಗಳನ್ನು ಸ್ಥಿರಗೊಳಿಸುತ್ತದೆ ಎಂದು ಅಧ್ಯಯನಗಳು ತಿಳಿಸಿವೆ.
ಕ್ಯಾಮೊಮೈಲ್: ಕ್ಯಾಮೊಮೈಲ್ ಅದರ ವಿಶ್ರಾಂತಿ ಪರಿಣಾಮಗಳಿಗೆ ಹೆಸರುವಾಸಿಯಾದ ಪ್ರಾಚೀನ ಔಷಧೀಯ ಮೂಲಿಕೆಯಾಗಿದೆ. ಆಧುನಿಕ ಅಧ್ಯಯನಗಳು ಕ್ಯಾಮೊಮೈಲ್ನ ಪರಿಣಾಮವನ್ನು ಸಾಬೀತುಪಡಿಸುತ್ತವೆ. ಇದು ಆತಂಕವನ್ನು ಕಡಿಮೆ ಮಾಡುತ್ತದೆ, ನಿಮ್ಮ ನರಗಳನ್ನು ಶಮನಗೊಳಿಸುತ್ತದೆ ಮತ್ತು ನಿದ್ರಾಹೀನತೆಯನ್ನು ನಿವಾರಿಸುತ್ತದೆ.
ವ್ಯಾಲೇರಿಯನ್: ವ್ಯಾಲೇರಿಯನ್ ಮೂಲಿಕೆಯ ಬೇರುಗಳನ್ನು ರೋಗಿಗಳಲ್ಲಿ ನಿದ್ರಾಹೀನತೆ, ಚಡಪಡಿಕೆ ಮತ್ತು ಆತಂಕಕ್ಕೆ ಚಿಕಿತ್ಸೆ ನೀಡಲು ಬಳಸಲಾಗುತ್ತದೆ. ವ್ಯಾಲೇರಿಯನ್ ಬೇರುಗಳಲ್ಲಿನ ವ್ಯಾಲೆರಿನಿಕ್ ಆಮ್ಲವು ನರಪ್ರೇಕ್ಷಕ GABAನ ಸ್ಥಗಿತವನ್ನು ಪ್ರತಿಬಂಧಿಸುತ್ತದೆ. ಇದು ಉತ್ತಮ ಗುಣಮಟ್ಟದ ನಿದ್ರೆಯನ್ನು ಪ್ರೇರೇಪಿಸುತ್ತದೆ. ವ್ಯಾಲೇರಿಯನ್ ಅನೇಕ ಅಂಗಡಿಗಳಲ್ಲಿ ಲಭ್ಯವಿದೆ ಮತ್ತು ಸಾಮಾನ್ಯವಾಗಿ ಮಾತ್ರೆಗಳ ರೂಪದಲ್ಲಿ ಬರುತ್ತದೆ.
ಫ್ಯಾಷನ್ ಫ್ಲವರ್: ಪ್ಯಾಷನ್‌ ಫ್ಲವರ್ ನರಗಳನ್ನು ವಿಶ್ರಾಂತಿಗೊಳಿಸುವ ಫ್ಲೇವನಾಯ್ಡ್‌ಗಳನ್ನು ಹೊಂದಿದೆ. ಇದು ಒತ್ತಡವನ್ನು ನಿವಾರಿಸಲು ಮತ್ತು ಉತ್ತಮವಾಗಿ ನಿದ್ರೆ ಮಾಡಲು ಸಹಾಯ ಮಾಡುತ್ತದೆ. ಈ ಉಷ್ಣವಲಯದ ಹೂವು ಉತ್ತಮ ರುಚಿಯನ್ನು ಹೊಂದಿರುತ್ತದೆ. ಇದನ್ನು ಸಾಮಾನ್ಯವಾಗಿ ಅನೇಕ ಗಿಡಮೂಲಿಕೆಗಳಲ್ಲಿ ಬಳಸಲಾಗುತ್ತದೆ.
ಅಶ್ವಗಂಧ: ಅಶ್ವಗಂಧವು ನಿದ್ರಾಹೀನತೆಯನ್ನು ಎದುರಿಸಲು ಸಾಮಾನ್ಯವಾಗಿ ಬಳಸಲಾಗುವ ಔಷಧೀಯ ಮೂಲಿಕೆಯಾಗಿದೆ. ಇದು ವಿಶ್ರಾಂತಿಯ ಗುಣಮಟ್ಟವನ್ನು ಸುಧಾರಿಸುವಲ್ಲಿ ಪರಿಣಾಮಕಾರಿ.